西恩找到快樂神，想成為最快樂的人。快樂神給他「願望成真」的能力，要他去到處幫助別人，西恩真的從此變得很快樂，直到他幫自己許了一個小小的願望……

頭擺有一個人安到西恩，
佢想變做世界最快樂个人。
佢食當貴个酒，食最好个東西，緊搞牌仔，歸日跳舞，
毋過佢無快樂。

有一日，西恩行過一間舊書店，
看着書櫥肚有一本框金邊个書。
佢打開書，一道金光箭啊出來，同時耳空脣有人講：
「拿等書跈𠊎來，𠊎會渡你尋着快樂神仙！」

西恩買好書，試着有一種力，拉等佢向前行，
行過烏樹林，蹶上大尖山，水沖後背有一個地窿，
西恩行過地窿，發現石楯仔頂高坐等一個老人家，
老人家个頭那無頭那毛又尖又圓，鬚長長捩石楯仔三圈。

老人家講：「𠊎係快樂神，𠊎會分你做一個最快樂个人。
𠊎送分你許願个力量，毋過你做毋得為自家許願，
斯做得為別人許願，係無个話，快樂就會毋見忒哦！」

旋風，神仙石碫毋見忒去，斯（sii55）聽着一個細阿妹仔在河壩脣噭。
西恩問：「小朋友，你做麼个噭？」
細阿妹仔講：「𠊎个狗毋見忒咧！」
西恩想：「𠊎來試看啊，許願个力量有靈顯無。」
佢就目珠眨起來、頭那臥起來，對天頂許願：「分細阿妹仔个狗轉來！」

一條細狗對草竇肚走出來，細阿妹仔揇等細狗又唚又笑，
看着細阿妹仔恁快樂，西恩乜跈等快樂起來。
佢一下仔就了解快樂神講个係麼个，
這過後，西恩逐日摎人𢯭手許願。

佢分窮苦人有飯好食，失散个愛人做得團圓，細人仔都平安，
尋佢𢯭手个人逐日排歸列仔，無閒直掣。
毋過西恩心肚有一隻疑狐：
「𠊎許願个力量恁大，正經就做得𢯭手別人定定，做毋得為自家咩？」

佢目珠眨起來，許願想愛一蕊花，
過後佢目珠擘啊開來一看，斷真手肚揢等一蕊靚靚个蓮花。
原來，為自家許願乜會實現！
佢當在該暢，旋風看着水肚有一蕊蓮花，比佢手項个加十倍恁大。

西恩想：「定著係𠊎許个願忒細咧！
𠊎愛一座世界盡大个花園，裡背麼个花都有！」
一𥍉目西恩就企在花海裡背。

貪心像滾（gun55）雪球，緊滾緊大，西恩毋單淨想愛最大个花園，
佢還想愛變做最有錢个人，權力最大个國王。

這下西恩無時間再過摎人𢯭手。
佢當無閒，佢驚有人偷佢个花，偷厥錢，搶厥个王國！

佢食毋落，睡毋落覺，還過（go24）十分（vun53）毋快樂。

西恩想：「𠊎个快樂毋見忒咧！」
佢緊拚拚仔去尋快樂神仙，一直走到大尖山个水沖面前。

西恩對快樂神仙講：「請摎快樂還分𠊎！」
神轉身向前走當遽，西恩逐過去，
面前好恬恬出現一大圃竻仔樹，
刺爛佢个衫褲摎手腳。

神走到當遽，西恩逐到敨氣毋得，
佢看着一條細河壩，
西恩當嘴燥，想去河壩脣食口水，
結果河壩水變到又烏又骯髒个濫膏麋泥。

這量時西恩麼个願望都無，就係想有一口水好食。
一下仔佢試着一陣涼。
臥頭一看，有一個細阿妹仔摎佢抵日頭。
西恩認出來，就係該個狗毋見忒个細阿妹仔。

細阿妹仔摎一碗清水拿分佢，講：「來食啊！」
西恩咕嚕嚕，一口摎水食淨淨。
哇！較多个錢，較大个王國，乜比毋得這碗水个甘甜。

細阿妹仔離開咧，神坐在佢面前，
神講：「係講你摎快樂个道理傳出去，你个快樂就毋會過走忒咧啊。」

西恩大城細鎮，山野莊頭行透透，
摎每一個想愛快樂个人講，仰般來尋快樂。
所以，西恩變做最快樂个人。






【華語原文】

從前有個人叫西恩，
他想變成世界上最快樂的人。
他喝最貴的酒，吃最好的食物，不停玩牌，整天跳舞，
但是他並不快樂。

有一天，西恩經過一家舊書店，
看見櫥窗裡有一本鑲著金邊的書。
他打開書，一道金光閃出來，同時耳邊有人說：
「拿著書跟我走，我會讓你找到快樂神！」

西恩買了書，感覺有股力量，拉著他往前走，
穿過黑森林，爬上大尖山，瀑布後面有一個地道，
西恩穿過地道，發現石柱上坐著一個老頭，
老頭的頭頂無毛尖又圓，鬍子長長石柱繞三圈。

老頭說：「我是快樂神，我會讓你成為最快樂的人。
我賜給你許願的力量，但是你不能為自己許願，
只能為別人，否則快樂就會不見！」

忽然，神仙石階都不見，只聽見有個小女孩在河邊哭。
西恩問：「小朋友，你為什麼哭？」
小女孩說：「我的狗不見了！」
西恩想：「讓我來試試看，許願的力量靈不靈。」
於是他閉上眼，抬起頭，對著天空許願：「讓小女孩的狗回來！」

一隻小狗從草叢裡跑出來，小女孩抱起小狗又親又笑，
看到小女孩那麼快樂，西恩也跟著快樂起來。
他忽然明白快樂神說的是什麼，
從此以後，西恩天天幫人許願。

他讓窮人有飯吃，失散的愛人能團圓，孩子們都平安，
找他幫忙的人每天排一串，忙都忙不完。
可是西恩心中有一個疑問：
「我許願的力量這麼大，真的只能幫助別人，不能為自己？」

他閉起眼，許願想要一朵花，
然後他張開眼睛一看，果然手裡捧著一朵美麗的蓮花。
原來，為自己許願也會實現！
他正開心，忽然看見水中有朵蓮花，比他手上的大十倍。

西恩想：「一定是我許的願太小了！
我要一座世界最大的花園，裡面什麼花都有！」
一眨眼西恩便站在花海中。

貪心像滾雪球，越滾越大，西恩不只想要最大的花園，
他還想要變成最有錢的人，權力最大的國王。

現在西恩沒時間再幫助任何人，
他忙著害怕，怕有人偷他的花，偷他的錢，搶走他的王國！

他吃不下，睡不著，而且非常不快樂。

西恩想：「我的快樂不見了！」
他急忙去找快樂神，一直跑到大尖山的瀑布前。

西恩對快樂神說：「請把快樂還給我！」
神轉身往前跑，西恩追過去，
前面忽然出現一片荊棘，
刺破他的衣服和手腳。

神跑得很快，西恩追得喘不過氣，
他看見一條小河，
西恩口好渴，想到河邊喝口水，
結果河水變成又黑又髒的爛泥。

這時西恩什麼願望都沒有，只想有一口水喝。
忽然他感覺一陣清涼。
抬頭一看，有個小女孩幫他擋住陽光。
西恩認出來，就是那個走丟狗的小女孩。

女孩把一碗清水遞給他，說：「喝吧！」
西恩咕嚕嚕的，一口氣把水喝完。
哇！再多的金錢，再大的王國，也比不上這碗水甘甜。

女孩不見了，神坐在他的面前，
神說：「只要你要把快樂的道理傳出去，你的快樂就不會再跑掉。」

西恩走遍大城小鎮，原野鄉村，
告訴每一個想要快樂的人，怎樣追尋快樂。
於是，西恩變成最快樂的人。