嘟寶總是睡不著！於是巫師送給嘟寶一本書，嘟寶抱著書，睡得好香。可是有一天，書不見了！現在嘟寶該怎麼辦呢？

月光圓，月光高，斷烏吔一哪仔都恬索索仔，
樹底下有一隻象仔，安到嘟寶。

嘟寶想愛睡目，就係睡毋落覺，
聽講算羊仔盡有效，像食安眠藥，
一條羊仔，兩條羊仔，算羊仔無效，來算兔仔，
一二三四五六七，算兔仔無效，換算雞仔，
三五十五，五五二十五，算雞仔無效，換算豬仔，
大老虎，細老鼠，老鼠囓棍仔，棍仔打老虎，
緊算頭腦緊清楚，睡毋落覺還想噭。

嘟寶去尋法師想辦法，法師分佢一本書，
這本書 拿等來 毋管問題有幾大 都會像冰矻在日頭下融核。
斷真法師講个著，嘟寶揇等書，就一覺睡到天光。

目珠擘啊開世界變吔無共樣，
日頭，金那那仔，照到大地像金瓜湯，
睡得（ie）好，能量充到足足。

對該下過後，嘟寶同書準做寶，
每日揇等書入夢鄉，夢裡背嘟寶係大王，
睡得香，睡得甜，睡到口涎水流歸圈。

細糖蜂，嗡嗡嗡，大糖蜂，轟轟轟，橫打直過，比暴龍還過惡！
佢一出手就搶走嘟寶个書，嘟寶嚇到動都毋敢停動。
衰過个嘟寶嚇醒，原來係在該發青瞑，
好得書淨係跌啊在地泥項，無大糖蜂。


對該下過後，毋管日時頭暗晡頭，落雨還係出日頭，
毋管係坐、係企、係眠，嘟寶都抓等書毋放。

雖然嘟寶還係睡得落覺，毋過不時會發青瞑，
發夢大家想愛搶厥書，害佢會發癲。
無寶貝睡毋落覺，有吔寶貝睡毋好，
嘟寶變得神經神經，佢想愛同書庰在安全个所在，
愛庰哪好？正毋會分別人尋着。


突然間有一日，嘟寶最驚个事情發生吔。
書毋見核吔！
佢尋上尋下，就係尋毋着。
好恬恬仔嘟寶聽着一個聲音，蓋像有人在該講話，
佢跈等聲行過去，看着長頸鹿坐在樹底下。

長頸鹿手項拿等一本書，就係嘟寶个書。
長頸鹿講：「嘟寶，你看𠊎拈着一本書，裡背有故事，
𠊎同這個故事念分你聽。
頭擺有三條細豬仔，歇在盡鬧个山壢……」

嘟寶聽啊聽仔，睡核吔，
這時節，佢正了解書真正个好處，
過後佢在睡目前，都會同書打開來，讀一段故事，
就會睡到爽爽快快，歡喜滿足。






【華語原文】

月兒圓，月兒高，天黑一切靜悄悄，
樹下有隻象，名字叫嘟寶。

嘟寶想睡覺，就是睡不著。
聽說數羊很有效，像吃安眠藥，
一隻羊，兩隻羊，數羊沒用，來數兔，
一二三四五六七，數兔沒用，換數雞，
三五十五，五五二十五，數雞不行，換數豬。
大老虎，小老鼠，老鼠啃棒子，棒子打老虎，
越數頭腦越清楚，睡不著真想哭。

嘟寶去找巫師想辦法，巫師給他一本書，
這本書，拿著它，不管問題有多大，都像冰塊在太陽下融化。
果然巫師說得對，嘟寶抱著書，便一覺到天亮。

張開眼睛世界變得不一樣，
太陽光，金黃黃，照得大地像南瓜湯，
睡得好，充滿了能量。

從此以後，嘟寶把書當作寶，
每天抱著書入夢鄉，夢裡嘟寶是大王，
睡得香，睡得甜，睡得口水流一圈。

小蜜蜂，嗡嗡嗡，大蜜蜂，轟轟轟，直撞橫衝，比暴龍還兇！
牠一把搶走嘟寶的書，嘟寶嚇得連動也不敢動。
可憐的嘟寶被嚇醒，原來是在做惡夢，
還好書只是摔在地上，沒有大蜜蜂。

從此以後，不管白天晚上，下雨還是出太陽，
不管是坐、是站、是躺，嘟寶都抓著書不放。

雖然嘟寶還是睡得著，但是時常做惡夢，
夢見大家想搶他的書，害他快發瘋。
沒有寶貝睡不著，有了寶貝睡不好，
嘟寶變得神經兮兮，他想把書藏到安全的地點，
要藏哪裡好？，才不會被別人找到。

突然有一天，嘟寶最怕的事發生了，
書不見了！
他東找西找，就是找不到。
忽然嘟寶聽見一個聲音，好像有人在說話，
他順著聲音走過去，看見長頸鹿坐在樹下。

長頸鹿手上拿著一本書，正是嘟寶的書。
長頸鹿說：「嘟寶，你看我撿到一本書，裡頭有故事，
我把這個故事念給你聽。
從前有三隻小豬，住在美麗的山谷……」

嘟寶聽著聽著，睡著了。
這時，他才明白書真正的好處，
以後他在睡覺前，都會打開書，讀一段故事，
就會睡得舒舒服服，快樂滿足。