嘟寶總是睡不著！於是巫師送給嘟寶一本書，嘟寶抱著書，睡得好香。可是有一天，書不見了！現在嘟寶該怎麼辦呢？

月光圓，月光高，斷烏咧麼个都恬索索仔，
樹下有一隻象仔，安到嘟寶。

嘟寶想愛睡，就係睡毋落覺，
聽講算羊仔盡有效，像食安眠藥哦，
一條羊仔，兩條羊仔，算羊仔無效，來算兔仔，
一二三四五六七，算兔仔無效，換算雞仔，
三五十五，五五二十五，算雞仔無效，換算豬仔，
大老虎，細老鼠，老鼠喫棍仔，棍仔打老虎，
緊算頭腦緊清楚，睡毋落覺還想唩哦。

嘟寶去尋巫師想辦法，巫師分佢一本書，
這本書，提好來，毋管問題有幾大，都會像冰矻在日頭下融忒哦。
斷真巫師講个著，嘟寶揇等書，就一覺目睡到天光哩。

目珠擘啊開世界變到無共樣哩喲，
日頭光，金黃金黃，照到大地像番瓜湯，
睡飽來，精神好。

從此過後，嘟寶摎書準做寶，
逐日揇等書入夢鄉，夢肚嘟寶係大王，
睡到又香，又甜，睡到口涎水流流流流。

細蜂仔，嗡嗡嗡，大蜂仔，轟轟轟，舂上舂下，比暴龍還較惡！
佢一出手就搶走嘟寶个書，嘟寶嚇到毋敢停動。
衰過个嘟寶嚇醒咧，原來啊係在該發目睡狂，
好得淨係書擲到地泥下定，無大蜂仔哦。

從此過後，毋管日時頭暗晡頭，落雨抑係出日頭，
毋管係坐、係企、係睡，嘟寶都揢等書毋放哦。

雖然嘟寶還係睡得落覺，毋過長透發目睡狂，
發夢着大家想愛搶佢个書，害佢強強會發癲。
佢無書睡毋落覺，有咧書也睡毋好，
嘟寶變到神經神經，佢想愛摎書囥到安全个位所去，
愛囥哪位好呢？正毋會分別人尋着呢。

有一日無提無妨，嘟寶盡驚个事情發生哩，
書毋見忒哩！
佢尋上尋下，就係尋毋着。
好恬恬仔嘟寶聽着一個聲，當像有人在該講話，
佢順等聲音行啊過去，䀴着長頸鹿坐在樹下。

長頸鹿手項提等一本書，就係嘟寶个書。
長頸鹿講：「嘟寶，你䀴𠊎拈着一本書，裡背有故事哦，
𠊎摎這個故事念分你聽。
頭擺有三條細豬仔，戴在靚靚个山壢……」

嘟寶聽啊聽仔，睡忒哩。
這央時，佢正了解書正經个好處，
下二擺佢在睡進前，都會摎書打開來，讀一段故事，
恁樣就會睡到當鬆爽，還過快樂摎滿足呢。






【華語原文】

月兒圓，月兒高，天黑一切靜悄悄，
樹下有隻象，名字叫嘟寶。

嘟寶想睡覺，就是睡不著。
聽說數羊很有效，像吃安眠藥，
一隻羊，兩隻羊，數羊沒用，來數兔，
一二三四五六七，數兔沒用，換數雞，
三五十五，五五二十五，數雞不行，換數豬。
大老虎，小老鼠，老鼠啃棒子，棒子打老虎，
越數頭腦越清楚，睡不著真想哭。

嘟寶去找巫師想辦法，巫師給他一本書，
這本書，拿著它，不管問題有多大，都像冰塊在太陽下融化。
果然巫師說得對，嘟寶抱著書，便一覺到天亮。

張開眼睛世界變得不一樣，
太陽光，金黃黃，照得大地像南瓜湯，
睡得好，充滿了能量。

從此以後，嘟寶把書當作寶，
每天抱著書入夢鄉，夢裡嘟寶是大王，
睡得香，睡得甜，睡得口水流一圈。

小蜜蜂，嗡嗡嗡，大蜜蜂，轟轟轟，直撞橫衝，比暴龍還兇！
牠一把搶走嘟寶的書，嘟寶嚇得連動也不敢動。
可憐的嘟寶被嚇醒，原來是在做惡夢，
還好書只是摔在地上，沒有大蜜蜂。

從此以後，不管白天晚上，下雨還是出太陽，
不管是坐、是站、是躺，嘟寶都抓著書不放。

雖然嘟寶還是睡得著，但是時常做惡夢，
夢見大家想搶他的書，害他快發瘋。
沒有寶貝睡不著，有了寶貝睡不好，
嘟寶變得神經兮兮，他想把書藏到安全的地點，
要藏哪裡好？，才不會被別人找到。

突然有一天，嘟寶最怕的事發生了，
書不見了！
他東找西找，就是找不到。
忽然嘟寶聽見一個聲音，好像有人在說話，
他順著聲音走過去，看見長頸鹿坐在樹下。

長頸鹿手上拿著一本書，正是嘟寶的書。
長頸鹿說：「嘟寶，你看我撿到一本書，裡頭有故事，
我把這個故事念給你聽。
從前有三隻小豬，住在美麗的山谷……」

嘟寶聽著聽著，睡著了。
這時，他才明白書真正的好處，
以後他在睡覺前，都會打開書，讀一段故事，
就會睡得舒舒服服，快樂滿足。