嘟寶總是睡不著！於是巫師送給嘟寶一本書，嘟寶抱著書，睡得好香。可是有一天，書不見了！現在嘟寶該怎麼辦呢？

月光圓，月光高，斷烏咧麼个都恬杓杓（shog^），
樹下有一隻象，安做嘟寶。

嘟寶想愛睡目，毋過睡毋落覺。
聽講算羊已有效，像食安眠藥，
一隻羊，兩隻羊，算羊無效，來算兔，
一二三四五六七，算兔無效，換算雞，
三五十五，五五二十五，算雞無效，換算豬，
大老虎，細老鼠，老鼠𪘒（ngad^）棍，棍打老虎，
緊算頭腦緊清楚，睡毋落覺實在真想噭。

嘟寶去尋巫師想辦法，巫師分佢一本書，
這本書，拿好來，毋管問題有幾大，斯會像冰矻在日頭下融撇。
正經巫師講个著，嘟寶揇緊書，斯一覺目睡到天光。

目珠擘啊開世界變去無共樣，
日頭金金，淰黃淰黃，照去大地像黃瓜湯，
目睡飽來，能量足足。

過後，嘟寶同書準做寶，
逐日揇書入夢鄉，夢中嘟寶係大王
睡去當香，睡去當甜，睡去口涎水流溼枕頭。

細隻蜂，嗡嗡嗡，大隻蜂，轟轟轟，飛上飛下，比暴龍還較惡！
佢一出手斯搶走嘟寶个書，嘟寶嚇去毋敢停動。
衰過个嘟寶嚇醒，原來係發目睡狂，
好得書單淨擲落地泥下，無大蜂。

過後，毋管日時抑暗時，落雨還係出日頭，
坐核、企核、睡核，嘟寶做下揢緊書毋放。

雖然嘟寶還係睡得落覺，毋過長在發目睡狂，
夢着大家想愛搶厥書，害佢硬（ngiangˋ）會發癲。
無寶貝睡毋落覺，有寶貝睡毋好，
嘟寶變都神經神經，佢想愛同書囥去安全个位所；
愛囥在哪位正好？正毋會分別人尋着。

有一日無提無妨，嘟寶盡驚个事情發生咧，
書毋見撇！
佢尋上尋下，斯係尋無。
好恬恬嘟寶聽着一聲，當像有人在該講話，
佢順緊聲行過去，看着長頸鹿坐在樹下。

長頸鹿手項拿一本書，斯係嘟寶个書。
長頸鹿講：「嘟寶，你看𠊎拈着一本書，裡背有故事，
𠊎同這個故事念分你聽。
頭擺有三隻細豬，戴在靚靚个山壢……」

嘟寶聽啊聽，睡撇咧。
這央時，佢正了解書正經个好處，
下次擺佢在睡目前，都會同書打開來，讀一段故事，
斯會睡都當鬆爽，快樂又滿足。






【華語原文】

月兒圓，月兒高，天黑一切靜悄悄，
樹下有隻象，名字叫嘟寶。

嘟寶想睡覺，就是睡不著。
聽說數羊很有效，像吃安眠藥，
一隻羊，兩隻羊，數羊沒用，來數兔，
一二三四五六七，數兔沒用，換數雞，
三五十五，五五二十五，數雞不行，換數豬。
大老虎，小老鼠，老鼠啃棒子，棒子打老虎，
越數頭腦越清楚，睡不著真想哭。

嘟寶去找巫師想辦法，巫師給他一本書，
這本書，拿著它，不管問題有多大，都像冰塊在太陽下融化。
果然巫師說得對，嘟寶抱著書，便一覺到天亮。

張開眼睛世界變得不一樣，
太陽光，金黃黃，照得大地像南瓜湯，
睡得好，充滿了能量。

從此以後，嘟寶把書當作寶，
每天抱著書入夢鄉，夢裡嘟寶是大王，
睡得香，睡得甜，睡得口水流一圈。

小蜜蜂，嗡嗡嗡，大蜜蜂，轟轟轟，直撞橫衝，比暴龍還兇！
牠一把搶走嘟寶的書，嘟寶嚇得連動也不敢動。
可憐的嘟寶被嚇醒，原來是在做惡夢，
還好書只是摔在地上，沒有大蜜蜂。

從此以後，不管白天晚上，下雨還是出太陽，
不管是坐、是站、是躺，嘟寶都抓著書不放。

雖然嘟寶還是睡得著，但是時常做惡夢，
夢見大家想搶他的書，害他快發瘋。
沒有寶貝睡不著，有了寶貝睡不好，
嘟寶變得神經兮兮，他想把書藏到安全的地點，
要藏哪裡好？，才不會被別人找到。

突然有一天，嘟寶最怕的事發生了，
書不見了！
他東找西找，就是找不到。
忽然嘟寶聽見一個聲音，好像有人在說話，
他順著聲音走過去，看見長頸鹿坐在樹下。

長頸鹿手上拿著一本書，正是嘟寶的書。
長頸鹿說：「嘟寶，你看我撿到一本書，裡頭有故事，
我把這個故事念給你聽。
從前有三隻小豬，住在美麗的山谷……」

嘟寶聽著聽著，睡著了。
這時，他才明白書真正的好處，
以後他在睡覺前，都會打開書，讀一段故事，
就會睡得舒舒服服，快樂滿足。