騙子騙國王說，他們要做件「只有聰明人能看到」的衣服給他。為了不被人笑，每個人都假裝看得到這件神奇的衣服。國王穿「新衣」遊行的日子就要到了，究竟誰會第一個戳破謊言呢？

頭擺有一個國王盡好著新衫，佢每日在皇宮裡背盡無閒个換等衫褲，
先試這一身，再著該一領，差毋多每一點鐘，就愛換一身衫褲。

有一日有兩個人，走來見國王，
佢等同國王講：「𠊎等係盡有名个裁縫師，
𠊎等織个布仔，不單只鬧，又搭有特殊个功能！
因為𠊎等織出來个布料，
戇人看毋着，無煞猛做事个人乜看毋着。」

國王聽啊着就盡暢，黏時（lianˇ siiˇ）請佢等來織布。
其實這兩個裁縫師係落仔，
佢等拿吔國王个錢過後，搬來兩臺織布機，放在佢等歇个地方。
兩臺織布機頂項空空，
落仔佢等个手在織布機項比上比下，詐勢盡無閒个樣仔。

有一日，國王忍毋核想愛知織个布料係麼个樣仔。
佢本成打算自家走去看，毋過愐起裁縫師講个話：
「這衫褲个布料，戇人看毋着，無煞猛做事个人乜看毋着。」
萬一自家看毋着，嘎毋就壞蹄吔？
故所國王同老部長喊來，同佢講：
「你去看該布料仔織得仰仔吔，歸來同𠊎講。」

老部長來到兩個落仔歇个地方，看著佢等淨伸出手，
在空空个織布機項無閒洎杈。
老部長心肚仔愐：「布料在哪仔啊？𠊎仰會看毋着？」
毋過佢毋敢講出來，驚講出來，別人就會認定佢係戇人。
老部長只好同國王講：「這塊布料毋會㜮！」

過無幾久，國王又派吔另外一位官員去問裁縫師，布料織得仰仔吔。
這個官員發現織布機項，麼个東西都無，
毋過兩個裁縫師嗄企在織布機脣口，兩雙手無閒啊會死。
這個官員乜驚別人講佢係戇仔，就歸去同國王報告講：
「布料就會織好吔。」

國王愐：「𠊎應該自家去看看啊該塊布料！」
故所佢將老部長同官員都喊來，
再加其他幾下個大官，跈佢共下去看該塊恁鬧个布料。

國王到吔裁縫師歇个地方，
發現空空个織布機項麼个東西都無，
毋過裁縫師佢等嗄講：「國王請看，這塊布料還鬧哦！」
國王著驚一下，心肚愐：
「做麼个𠊎看毋著布料？無成𠊎係一個戇國王麼？」
毋過佢做毋得分人知得，共快頷頭緊㖸，表示盡合意。
企在脣口个官員，也共樣麼个都無看著，
毋過佢等看著國王頷頭，共快跈等大聲褒布料盡鬧。
有一個官員還講：「用這塊布料做衫褲，定著盡好看！」

大遊行个日仔會到吔。
國王打算著等新衫去遊行，分全國个老百姓看看啊佢个神奇新衫。
國王分兩個落仔盡多錢，喊佢等用神奇布料，同佢量身做新衫。

大遊行个前一日暗晡頭，兩個落仔詐勢同衫褲料仔對織布機項拿下來，
拿等大剪刀，剪來剪去，
又拿等無穿線个針，做出細心細義攣衫褲个樣仔，
緊工無閒到天光，佢等正敨一下氣，講：「國王个新衫總算做好吔！」

天光吔，國王帶等一陣官員來到兩個落仔歇个地方。
該兩個落仔同雙手擎（niaˇ）到高高，蓋像係愛同衫褲展分國王看，
其中一個落仔講：「這兜衫褲比蝲䗁絲還過輕，
著（tiˊ）在身項就蓋像無著衫褲共樣，請國王來換著新衫褲哦。」
國王聽話个同身項个衫褲全概脫淨淨，企在鏡仔面前。

兩個落仔詐勢同新做个衫褲，一領一領著啊在國王身項，
見著一領，脣口个官員就共下發出一陣說聲：
「這新衫正式盡好看啊，實在鬧喔，實在有鬧喔！
兩位裁縫師手藝正式登真啊，實在有鬧哦 正式蓋湛（goi zamˋ）哦！」

遊行个時間到吔。
國王著等兩個落仔做个新衫，帶等一大陣个官員，向門口行去。
負責同國王牽衫尾个奴才，其實麼个也無看著，
佢就淨詐牽等衫尾，跈等國王个屎背尾（siid boi miˊ）。

全城个老百姓，聚概（qiugˋ koiˋ）都走到街仔項來看遊行。
佢等看着脫光光个國王，毋過無人敢講出來，
就驚別人講佢係戇牯，係做事毋認真个人。

單淨一個細人仔忍毋核，大聲在該講：
「國王脫光光，麼个衫褲乜無著啊！」
大家聽吔，了解細人仔講个，正係真話。
這時節國王乜知，自家分人騙吔，
毋過佢總做毋得行到一半，溜歸皇宮去庰起來啊，
高不將一身光光，繼續向前行啦。






【華語原文】

從前有一個國王很喜歡穿新衣，他每天在王宮裡面忙著換衣服，
先試這一套，再穿那一件，差不多每個小時，就要換一套衣服。

有一天有兩個人，跑來見國王，
他們對國王說：「我們是很有名的裁縫，
我們織的布，不但美麗，還有特殊的功能！
因為我們織出來的布料，
笨人看不見，做事不努力的人也看不見。」

國王一聽高興極了，立刻請他們來織布。
其實這兩個裁縫是騙子，
他們拿了國王的錢以後，搬來兩架織布機，放在他們住的地方。
兩架織布機上面空空的，
騙子伸出雙手在織布機上比畫著，裝出很忙的樣子。

有一天，國王忍不住想要知道織的布料是什麼樣子。
他本來打算自己跑去看，但是想起裁縫說的話：
「這衣服的布料，笨人看不見，做事不努力的人也看不見。」
萬一自己看不見，不就糟糕了？
所以國王把老部長叫來，對他說：
「你去看看衣料織得怎麼樣，回來告訴我。」

老部長來到兩個騙子住的地方，看到他們正伸出雙手，
在空空的織布機上忙個不停。
老部長心想：「布料在哪裡啊？我怎麼看不見？」
但是他不敢說出來，怕說出來，人家就會認定他是笨蛋。
老部長只好對國王說：「這塊布料真不錯！」

過了不久，國王又派了另一位官員去問裁縫，衣料織得怎麼樣。
這個官員發現織布機上，什麼東西都沒有，
但是兩個裁縫卻站在織布機旁邊，雙手忙個不停。
這個官員也怕人家說他是笨蛋，只好回去向國王報告說：
「衣料快要織好了」

國王想：「我應該自己去看看那塊布料！」
於是他把老部長和官員都叫來，
再加上其他好幾位的大官，跟他一起去看那塊美麗的布料。

國王到了裁縫住的地方，
發現空空的織布機上什麼東西都沒有，
可是裁縫們卻說：「國王請看，這個衣料多美麗啊！」
國王吃了一驚，心想：
「為什麼我看不見衣料？難道我是一個笨國王嗎？」
但是他不能讓人家知道，趕緊點頭微笑，表示很滿意。
站在旁邊的官員，也一樣什麼都沒看見，
不過他們看到國王點頭，連忙跟著大聲讚美衣料很漂亮。
有個官員還說：「用這塊衣料做衣服，一定很好看！」

大遊行的日子快到了。
國王打算穿著新衣去遊行，讓全國的老百姓看看他的神奇新衣。
國王給兩個騙子許多的錢，叫他們用神奇布料，替他量身做新衣。

大遊行的前一天晚上，兩個騙子假裝把衣料從織布機上拿下來，
拿著大剪刀，剪來剪去，
又拿著沒有穿線的針，做出仔細縫衣服的樣子，
一直忙到天亮，他們才喘了口氣，說：「國王的新衣終於做好啦！」

天亮了，國王帶著一群官員來到兩個騙子住的地方。
那兩個騙子把雙手舉得高高的，好像是把衣服展示給國王看，
其中一個騙子說：「這些衣服比蜘蛛網還輕，
穿在身上就好像沒穿衣服一樣，請國王來換上新衣服吧。」
國王聽話的把身上的衣服全脫光了，站在鏡子前面。

兩個騙子假裝把新做的衣服，一件一件穿在國王身上，
每穿一件，旁邊的官員就齊聲發出一陣讚美：
「這新衣真是好看啊！漂亮極了！漂亮極了呢！
兩位裁縫真的是巧奪天工啊，真是太美了！真是太棒了！」

遊行的時間到了。
國王穿著兩個騙子做的新衣，帶著一大群官員，向門口走去。
負責替國王拉衣擺的僕人，其實什麼也沒看到，
他只是假裝拉起衣擺，跟隨國王在背後。

全城的老百姓，都跑到街上來看遊行。
他們看到光溜溜的國王，但是沒有人敢說出來，
害怕人家說他是笨蛋，是做事不認真的人。

只有一個小孩子忍不住，大聲的說：
「國王光溜溜，什麼衣服也沒穿嘛！」
大家聽了，明白小孩子說的，才是真話。
這時國王也知道，自己受騙了，
但是他總不能走到一半，溜回王宮去躲起來啊！
只好光著身體，繼續往前走啦。