騙子騙國王說，他們要做件「只有聰明人能看到」的衣服給他。為了不被人笑，每個人都假裝看得到這件神奇的衣服。國王穿「新衣」遊行的日子就要到了，究竟誰會第一個戳破謊言呢？

頭擺有一個國王當好著新衫，佢逐日在王宮裡肚無閒在該換著衫褲
先試這身，再過著該領，差毋多每點鐘，就愛換一身衫褲。

有一日有兩儕人，走來見國王，
佢兜對國王講：「𠊎兜係當有名个裁縫師，
𠊎兜織个布，毋單淨靚，還有特殊个功能！
因爭𠊎兜織出來个布，
戇个人䀴毋着，做事毋煞猛个人也䀴毋着。」

國王一聽啊著當歡喜，黏時請佢兜來織布。
其實這兩個裁縫師係落仔，
佢兜提着國王个錢了後，搬來兩臺織布機，放在佢兜戴个位所。
兩臺織布機面頂空空，
落仔伸出雙手在織布機項比畫等，詐意當無閒个樣仔。

有一日，國王忍毋核想愛知新織个布仔係麼个樣款。
佢本來打算自家走去䀴，毋過想起裁縫師講个話：
「這衫褲个布，戇个人䀴毋着，做事毋煞猛个人也䀴毋着。」
萬一自家䀴毋着，該就壞蹄哩？
所以國王摎老部長喊過來，對佢講：
「你去䀴啊做衫个布織到樣般咧，轉來摎𠊎講。」

老部長來到兩個落仔戴个地方，䀴着佢兜當在該伸出雙手，
在空空个織布機項無閒直掣。
老部長心肝肚想：「布在哪位啊？𠊎仰會䀴毋着呢？」
毋過佢毋敢講出來，驚怕講出來，人就會認定佢係戇仔。
老部長就對國王講：「這垤布正經好哦！」

過無幾久，國王又派咧另外一個官員去問裁縫師，布織到樣般咧。
這個官員䀴着織布機項，麼个東西都無，
毋過兩個裁縫師嗄企在織布機脣頭，雙手無閒直掣。
這個官員乜驚人講佢係戇仔，就轉去摎國王報告講：
「布會織好哩喲。」

國王想：「𠊎應該自家去䀴䀴啊該垤布正著！」
所以佢摎老部長摎官員都喊來，
再加上恁多個个大官，跈佢共下去䀴該垤靚靚个布。

國王到咧裁縫師戴个地方，
䀴着空空个織布機項麼个東西都無，
毋過裁縫師嗄講：「國王請䀴，這垤布還靚哦！」
國王著驚一下，心肝肚想：
「做麼个𠊎䀴毋着布呢？毋成𠊎係一個戇國王喺？」
毋過佢做毋得分人知着，遽遽頷頭緊笑，表示佢當滿意。
企在脣頭个官員，也共樣麼个都無䀴着，
毋過佢兜䀴着國王頷頭，乜煞煞跈等大聲阿𧩣布當靚。
有一個官員還講：「用這垤布做衫褲，定著當好䀴哦！」

大遊行个日仔會到哩喲。
國王按算著等新衫去遊行，分全國个老百姓䀴䀴啊佢神奇个新衫。
國王分兩個落仔異多錢，喊佢兜用神奇个布，摎佢量身做新衫。

大遊行个前一日暗晡，兩個落仔詐意摎布料對織布機項提下來，
提等大剪刀，剪來剪去，
又提等無穿線个針，做出詳細攣衫褲个樣仔，
一直無閒到天光，佢兜正敨大氣，講：「國王个新衫總算做好哩！」

天光哩，國王帶等一群官員來到兩個落仔戴个位所。
該兩個落仔摎雙手擎到高高，當像係摎衫褲展分國王䀴个樣仔，
其中一個落仔講：「這兜衫褲比蝲䗁網還較輕，
著在膴身項就像無著衫褲共樣，請國王來換新衫褲哦。」
國王聽話个摎膴身項个衫褲全部脫忒去，企在鏡面前。

兩個落仔詐意摎新做个衫褲，一領一領著到國王个膴身項，
每著一領，脣頭个官員就齊聲發出一陣陣讚嘆聲：
「這新衫正經還好䀴啊，實在靚喔，實在還靚哦！
兩位裁縫師正經係巧手啊，十分靚啊！實在還湛斗哦！」

遊行个時間到哩。
國王著等兩個落仔做个新衫，帶等一大群官員，向門口行啊過去。
負責摎國王牽衫尾个奴才，其實麼个也無䀴着，
佢單淨詐意牽起衫尾，跈等國王个背尾來行哦。

城肚个老百姓，都走到街項來䀴遊行哦。
佢兜䀴着光溜溜仔个國王，毋過無人敢講出來，
佢兜當驚人講佢係戇仔，係做事毋煞猛个人。

單淨一個細人仔忍毋核咧，佢大聲在該講：
「國王歸身光溜溜仔，麼个衫褲乜無著啊！」
大家聽咧，了解細人仔講个，正係老實話。
這時國王也知，自家分人騙着，
毋過佢總做毋得行到一半，就溜轉王宮去囥起來啊，
佢高不將一身光光，繼續向前行等去咧。






【華語原文】

從前有一個國王很喜歡穿新衣，他每天在王宮裡面忙著換衣服，
先試這一套，再穿那一件，差不多每個小時，就要換一套衣服。

有一天有兩個人，跑來見國王，
他們對國王說：「我們是很有名的裁縫，
我們織的布，不但美麗，還有特殊的功能！
因為我們織出來的布料，
笨人看不見，做事不努力的人也看不見。」

國王一聽高興極了，立刻請他們來織布。
其實這兩個裁縫是騙子，
他們拿了國王的錢以後，搬來兩架織布機，放在他們住的地方。
兩架織布機上面空空的，
騙子伸出雙手在織布機上比畫著，裝出很忙的樣子。

有一天，國王忍不住想要知道織的布料是什麼樣子。
他本來打算自己跑去看，但是想起裁縫說的話：
「這衣服的布料，笨人看不見，做事不努力的人也看不見。」
萬一自己看不見，不就糟糕了？
所以國王把老部長叫來，對他說：
「你去看看衣料織得怎麼樣，回來告訴我。」

老部長來到兩個騙子住的地方，看到他們正伸出雙手，
在空空的織布機上忙個不停。
老部長心想：「布料在哪裡啊？我怎麼看不見？」
但是他不敢說出來，怕說出來，人家就會認定他是笨蛋。
老部長只好對國王說：「這塊布料真不錯！」

過了不久，國王又派了另一位官員去問裁縫，衣料織得怎麼樣。
這個官員發現織布機上，什麼東西都沒有，
但是兩個裁縫卻站在織布機旁邊，雙手忙個不停。
這個官員也怕人家說他是笨蛋，只好回去向國王報告說：
「衣料快要織好了」

國王想：「我應該自己去看看那塊布料！」
於是他把老部長和官員都叫來，
再加上其他好幾位的大官，跟他一起去看那塊美麗的布料。

國王到了裁縫住的地方，
發現空空的織布機上什麼東西都沒有，
可是裁縫們卻說：「國王請看，這個衣料多美麗啊！」
國王吃了一驚，心想：
「為什麼我看不見衣料？難道我是一個笨國王嗎？」
但是他不能讓人家知道，趕緊點頭微笑，表示很滿意。
站在旁邊的官員，也一樣什麼都沒看見，
不過他們看到國王點頭，連忙跟著大聲讚美衣料很漂亮。
有個官員還說：「用這塊衣料做衣服，一定很好看！」

大遊行的日子快到了。
國王打算穿著新衣去遊行，讓全國的老百姓看看他的神奇新衣。
國王給兩個騙子許多的錢，叫他們用神奇布料，替他量身做新衣。

大遊行的前一天晚上，兩個騙子假裝把衣料從織布機上拿下來，
拿著大剪刀，剪來剪去，
又拿著沒有穿線的針，做出仔細縫衣服的樣子，
一直忙到天亮，他們才喘了口氣，說：「國王的新衣終於做好啦！」

天亮了，國王帶著一群官員來到兩個騙子住的地方。
那兩個騙子把雙手舉得高高的，好像是把衣服展示給國王看，
其中一個騙子說：「這些衣服比蜘蛛網還輕，
穿在身上就好像沒穿衣服一樣，請國王來換上新衣服吧。」
國王聽話的把身上的衣服全脫光了，站在鏡子前面。

兩個騙子假裝把新做的衣服，一件一件穿在國王身上，
每穿一件，旁邊的官員就齊聲發出一陣讚美：
「這新衣真是好看啊！漂亮極了！漂亮極了呢！
兩位裁縫真的是巧奪天工啊，真是太美了！真是太棒了！」

遊行的時間到了。
國王穿著兩個騙子做的新衣，帶著一大群官員，向門口走去。
負責替國王拉衣擺的僕人，其實什麼也沒看到，
他只是假裝拉起衣擺，跟隨國王在背後。

全城的老百姓，都跑到街上來看遊行。
他們看到光溜溜的國王，但是沒有人敢說出來，
害怕人家說他是笨蛋，是做事不認真的人。

只有一個小孩子忍不住，大聲的說：
「國王光溜溜，什麼衣服也沒穿嘛！」
大家聽了，明白小孩子說的，才是真話。
這時國王也知道，自己受騙了，
但是他總不能走到一半，溜回王宮去躲起來啊！
只好光著身體，繼續往前走啦。