騙子騙國王說，他們要做件「只有聰明人能看到」的衣服給他。為了不被人笑，每個人都假裝看得到這件神奇的衣服。國王穿「新衣」遊行的日子就要到了，究竟誰會第一個戳破謊言呢？

頭擺有一個國王當好著新衫，佢逐日在王宮肚無閒在該換衫褲，
先試這身，過著該領，差毋多逐點鐘，斯愛換一身衫褲。

有一日有兩個人，走來見國王，
厥等對國王講：「吾等係當有名个裁縫師，
吾等織个布，毋單淨靚，還有特殊（tidˋ shuˇ）个功能！
因為吾等織出來个布料，
戇人看毋著，做事毋煞猛个人也看毋著。」

國王聽啊著當歡喜，黏時請厥等來織布。
其實這兩個裁縫師係落人个，
厥等拿著國王个錢了後，搬來兩臺織布機，放在厥等戴个所在。
兩臺織布機面頂空空，
落人个伸出雙手在織布機項比啊比，詐意當無閒个樣相。

有一日，國王忍毋核想愛知織个布料係麼个樣相。
佢本來打算自家走去看，毋過想起裁縫師講个話：
「這衫褲个布料，戇人看毋著，做事毋煞猛个人也看毋著。」
萬一自家看毋著，該毋斯死皺咧？
國王斯喊老部長過來，同佢講：
「你去看下布料織去樣脣咧，轉來同𠊎講。」

老部長來到兩個落人个戴个屋家，看著厥等堵堵伸出雙手，
在空空个織布機頂無閒濟借。
老部長心肝想：「布料在哪位啊？仰脣麼个都看毋著？」
毋過佢毋敢講出來，驚怕講出來，大家人斯會認定佢係戇人。
老部長斯同國王講：「這垤布料實在已素絲哦！」

過無幾久，國王又派另外个官員去問裁縫師，布料織去仰脣咧。
這個官員發現織布機項，麼个東西都無，
毋過兩個裁縫師在織布機邊脣比無停，雙手無閒濟借。
這個官員驚別人講佢係戇人，也轉去同國王報告講：
「布料快會織好咧。」

國王想：「𠊎應該親身去看看該垤布料！」
佢斯將老部長同官員做下喊來，
過加請好多個大官，跈佢共下去看該垤靚靚个布料。

國王來到裁縫師戴个所在，
看着空空个織布機面麼个東西都無，
毋過裁縫師講：「國王請看，這垤布料還靚哦！」
國王著驚一下，心肝想：
「做麼个𠊎看毋著布料？敢講𠊎係一個大戇國王哶？」
毋過佢使毋得分人知着，趕緊頷頭緊笑，表示當滿意。
企在邊脣个官員，也共樣麼个都看無，
毋過厥等看著國王頷頭，遽遽跈緊大聲阿𧩣布料當靚。
有一個官員還講：「用這垤布料做衫褲，定著當好看！」

大遊行个日快會到咧。
國王打算著新衫去遊街，分全國个老百姓看看厥奇妙个新衫。
國王分兩個落人个已多錢，喊厥等用神奇布料，同佢量身做新衫。

大遊街个前一日暗晡，兩個落人个詐意將布料對織布機項拿落來，
又擎大剪刀，剪來剪去，
又拿無穿線个針，比出細心細意在攣衫褲个樣相，
直直無閒到天光，厥等正敨一口大氣，講：「國王个新衫總算做好咧！」

天光咧，國王帶一陣官員來到兩個落人个戴个所在。
該兩個落人个將雙手擎高高，當像係同衫褲展示分國王看，
有一個落人个講：「這兜衫褲比蜘蛛網較輕，
著在圓身斯當像無著衫褲个樣，請國王來換上衫褲哦。」
國王聽話將圓身个衫褲做下脫淨淨，企在鏡面前。

兩個落人个詐意將新做个衫褲，一領一領著上國王圓身項，
每著一領，邊脣个官員斯共下誐腦：
「這新衫正經當好看啊，實在靚喔，實在當靚呢！
兩個裁縫師正經係巧手幼工，做來真素絲，有罅會喲！」

遊街个時間到咧。
國王著緊兩個落人个同佢做个新衫，帶一大陣官員，行出大門。
負責替國王牽衫尾个奴才，實在斯麼个都無看著，
佢單淨詐意牽起衫尾，跈在國王个尸背尾。

全城个老百姓，都走到街路頭來看遊街。
厥等看著一身光光光無著衫褲个國王，毋過無人敢講出來，
做下驚別儕人講佢係戇牯，係做事毋煞猛个人。

單淨一個細人忍毋核 大聲在該講：
「國王歸身脫光光，無著半領衫褲啊！」
大家聽了，了解細人講个，正係真話。
到這下國王也知，自家分人落去咧，
毋過，總使毋得行到一半，瀉轉王宮去囥起來啊！
高不將無著衫褲一身光光，繼續（giˋ siugˋ）緊過再向前行啦。






【華語原文】

從前有一個國王很喜歡穿新衣，他每天在王宮裡面忙著換衣服，
先試這一套，再穿那一件，差不多每個小時，就要換一套衣服。

有一天有兩個人，跑來見國王，
他們對國王說：「我們是很有名的裁縫，
我們織的布，不但美麗，還有特殊的功能！
因為我們織出來的布料，
笨人看不見，做事不努力的人也看不見。」

國王一聽高興極了，立刻請他們來織布。
其實這兩個裁縫是騙子，
他們拿了國王的錢以後，搬來兩架織布機，放在他們住的地方。
兩架織布機上面空空的，
騙子伸出雙手在織布機上比畫著，裝出很忙的樣子。

有一天，國王忍不住想要知道織的布料是什麼樣子。
他本來打算自己跑去看，但是想起裁縫說的話：
「這衣服的布料，笨人看不見，做事不努力的人也看不見。」
萬一自己看不見，不就糟糕了？
所以國王把老部長叫來，對他說：
「你去看看衣料織得怎麼樣，回來告訴我。」

老部長來到兩個騙子住的地方，看到他們正伸出雙手，
在空空的織布機上忙個不停。
老部長心想：「布料在哪裡啊？我怎麼看不見？」
但是他不敢說出來，怕說出來，人家就會認定他是笨蛋。
老部長只好對國王說：「這塊布料真不錯！」

過了不久，國王又派了另一位官員去問裁縫，衣料織得怎麼樣。
這個官員發現織布機上，什麼東西都沒有，
但是兩個裁縫卻站在織布機旁邊，雙手忙個不停。
這個官員也怕人家說他是笨蛋，只好回去向國王報告說：
「衣料快要織好了」

國王想：「我應該自己去看看那塊布料！」
於是他把老部長和官員都叫來，
再加上其他好幾位的大官，跟他一起去看那塊美麗的布料。

國王到了裁縫住的地方，
發現空空的織布機上什麼東西都沒有，
可是裁縫們卻說：「國王請看，這個衣料多美麗啊！」
國王吃了一驚，心想：
「為什麼我看不見衣料？難道我是一個笨國王嗎？」
但是他不能讓人家知道，趕緊點頭微笑，表示很滿意。
站在旁邊的官員，也一樣什麼都沒看見，
不過他們看到國王點頭，連忙跟著大聲讚美衣料很漂亮。
有個官員還說：「用這塊衣料做衣服，一定很好看！」

大遊行的日子快到了。
國王打算穿著新衣去遊行，讓全國的老百姓看看他的神奇新衣。
國王給兩個騙子許多的錢，叫他們用神奇布料，替他量身做新衣。

大遊行的前一天晚上，兩個騙子假裝把衣料從織布機上拿下來，
拿著大剪刀，剪來剪去，
又拿著沒有穿線的針，做出仔細縫衣服的樣子，
一直忙到天亮，他們才喘了口氣，說：「國王的新衣終於做好啦！」

天亮了，國王帶著一群官員來到兩個騙子住的地方。
那兩個騙子把雙手舉得高高的，好像是把衣服展示給國王看，
其中一個騙子說：「這些衣服比蜘蛛網還輕，
穿在身上就好像沒穿衣服一樣，請國王來換上新衣服吧。」
國王聽話的把身上的衣服全脫光了，站在鏡子前面。

兩個騙子假裝把新做的衣服，一件一件穿在國王身上，
每穿一件，旁邊的官員就齊聲發出一陣讚美：
「這新衣真是好看啊！漂亮極了！漂亮極了呢！
兩位裁縫真的是巧奪天工啊，真是太美了！真是太棒了！」

遊行的時間到了。
國王穿著兩個騙子做的新衣，帶著一大群官員，向門口走去。
負責替國王拉衣擺的僕人，其實什麼也沒看到，
他只是假裝拉起衣擺，跟隨國王在背後。

全城的老百姓，都跑到街上來看遊行。
他們看到光溜溜的國王，但是沒有人敢說出來，
害怕人家說他是笨蛋，是做事不認真的人。

只有一個小孩子忍不住，大聲的說：
「國王光溜溜，什麼衣服也沒穿嘛！」
大家聽了，明白小孩子說的，才是真話。
這時國王也知道，自己受騙了，
但是他總不能走到一半，溜回王宮去躲起來啊！
只好光著身體，繼續往前走啦。