一塊石頭被刻成佛像。小石佛喜歡幫助別人，還救了被獵人追的小狐狸。沒想到小狐狸居然來偷祂的供品！小石佛會後悔救了狐狸嗎？

一個烏雲盡賁个烏陰天，天頂劈出一條𥍉爧，
𥍉爧打斷一個山尖頭，一粒石頭輾一路下，堵好恬在山路脣。
過後每擺有人行過來，就會坐啊在石頭項。

有一日朝晨，行來一個石匠，
佢看着石頭，目珠一金，
右手拿等鑿仔，左手拿等槌仔，
用力敲 細義磨（noˇ），同石頭割做一尊細佛仔。

該日暗晡，牛乳色个月光像水沖共樣，
直直射在細佛仔身項，四週圍顯現一圈光圈，
蓋像佢在接收月光个力量。

第二日，臨天光前，第一道日頭同細佛仔个面照到金金。
細佛仔突然間掝生吔！
佢擎起雙手，嘴項發出一聲長長个「唵──」

細佛仔好奇个一哪仔緊看，
佢好看揚蝶仔飛，好看魚仔泅水，
感覺聚概都盡鬧。

細佛仔還發現，佢最大个歡喜，就係同人𢯭手。
天時熱，日頭烈，有麼人行到歸身汗，頭那㸐㸐，
細佛仔會分路人一陣一陣个涼爽；
看着有人橫倒，佢會同人牽起來，毋會分佢著傷。

有一日，細佛仔發現，在草墩裡背，一隻細狐狸拚命仔向前瀉，
後背跈等三個人影，
原來係三個獵人在該逐細狐狸。
這時節，有一個獵人射出一支箭仔，
箭仔在天頂飛過，看等就愛射着狐狸！

突然間空氣蓋像結冰吔，箭仔恬在天頂，動就毋會停動。
獵人跈等又黏時搭箭使弓，
細佛仔手一拂，三個獵人橫啊坐共下，
細佛仔轉一下圓身，看等細狐狸走入森林。

樹葉跌淨淨，大雪緊飛。
細佛仔在雪白个世界中，恬恬看等一個紅紅个湊牲，
該係一粒得人惜个壽桃。
雪地項走來一隻狐狸，就係細佛仔救過个該隻細狐狸。

細狐狸在尋東西食，佢打起壽桃个主意，
這時節突然間跳出另外一隻狐狸，撳等佢个尾。

兩隻狐狸兩張嘴，一粒壽桃愛分麼人呢？
你踢𠊎一腳，𠊎打你一拳，
為着搶壽桃，打到醹枷枷。
細佛仔同狐狸挷開，對佢等講：
「你等兩個毋好相打吔 係毋係想食壽桃？」
兩隻狐狸頷等頭，
細佛仔續等講：
「𠊎同壽桃分你等，一個人分一半，毋過你等愛答應𠊎一個條件。」
兩隻狐狸都頷等頭那。

細佛仔講：「條件盡簡單，就係同𠊎搞。」
兩隻狐狸講：「先食飽，正來搞好無？」
細佛仔頷等頭那，細狐狸黏時你一口，𠊎一口，
同壽桃吞到肚屎裡背。

過後大家開始搞雪球，
大雪天，打雪球，左片閃，右片擳，
佢等打吔無幾久仔，還無搞罅
突然間發現有人行過來，還帶等東西來唱喏。

細佛仔共快坐正來，動就無停動，
細狐狸來毋掣庰，將把一右一左，
企在細佛仔个兩片，詐做係兩個人公仔。
來唱喏个人還好，佢帶吔三粒壽桃，
這下毋使吵，乜毋使詏，大家都做得食到飽𩜰𩜰仔吔。

從此以後，九大山一帶流傳，狐狸係佛祖个左右跈班个，
故所狐狸毋單只毋會餓著，也無人獵狐狸吔。






【華語原文】

一個層層烏雲的陰天，天空射出一道閃電，
閃電打斷一座山尖，一塊石頭滾下山，正好停在山路邊。
以後每次有人走過，總會在石頭上坐一坐。

一天早上，走來一個石匠，
他看到石頭，眼睛一亮，
右手拿著鑿子，左手拿著槌子，
大力敲，小心磨，把石頭雕成一尊小佛。

那天晚上，牛奶色的月光像瀑布一樣，
直直落在小佛身上，周圍形成一道光圈，
好像他在吸收月光的力量。

第二天，黎明前，第一道太陽光照亮小佛的臉。
小佛忽然活了！
他舉起雙手，嘴裡發出一聲長長的「唵──」

小佛好奇的到處看，
他喜歡看蝴蝶飛，喜歡看魚游泳，
感覺一切都很美。

小佛還發現，他最大的快樂，就是幫助人。
天氣熱，陽光強，有誰走出滿身汗，頭發燙，
小佛會給路人陣陣清涼；
看到有人跌倒，他會扶人一把，不讓人受傷。

有一天，小佛發現，在草叢中，一隻小狐狸沒命的向前衝，
後面跟著三個人影，
原來是三個獵人在追小狐狸。
這時，有一個獵人射出一箭，
箭劃破空氣，眼看狐狸就要被箭射穿！

突然空氣好像結了冰，箭停在空中，一動也不動。
獵人接著又馬上搭箭拉弓，
小佛手一揮，三個獵人跌坐一堆，
小佛轉過身，看著小狐狸逃進森林。

樹葉落盡，大雪紛紛。
小佛在白白的世界中，靜靜看著一個紅紅的供品，
那是一顆可愛的壽桃。
雪地裡跑來一隻狐狸，正是小佛救過的那隻小狐狸。

小狐狸在找吃的東西，牠打起壽桃的主意，
這時忽然跳出另一隻狐狸，壓住牠的尾巴。

兩隻狐狸兩張嘴，一顆壽桃要給誰？
你踢我一腳，我打你一拳，
為了搶壽桃，打得一團亂。
小佛把狐狸拉開，對牠們說：
「你們兩個不要鬧，是不是想吃壽桃？」
兩隻狐狸點點頭，
小佛接著說：
「我把壽桃給你們，一人分一半，但是你們要答應我一個條件。」
兩隻狐狸都點頭。

小佛說：「條件很簡單，就是陪我玩。」
兩隻狐狸說，「先吃飽，再玩好不好？」
小佛點點頭，小狐狸立刻你一口，我一口，
把壽桃吞到肚子裡頭。

然後大家開始玩雪球，
大雪天，打雪球，左邊閃，右邊丟，
他們打了沒多久，還沒玩夠。
忽然發現有人走過來，還帶著東西來拜拜。

小佛趕緊坐好，一動也不動，
小狐狸來不及躲，只好一右一左，
站在小佛的兩旁，裝成兩個雕像。
來拜拜的人真好，他帶來了三顆壽桃，
這下不用吵，也不用鬧，大家都可以吃飽飽。

從此以後，九大山一帶流傳，狐狸是佛的左右跟班，
於是狐狸不但不會挨餓，也沒有人獵狐狸了。