一塊石頭被刻成佛像。小石佛喜歡幫助別人，還救了被獵人追的小狐狸。沒想到小狐狸居然來偷祂的供品！小石佛會後悔救了狐狸嗎？

一個烏雲一緣緣个烏陰天，天崠射出一道𥍉爧，
𥍉爧打斷一座山尖，一垤石頭輪落山下，堵好歇在山路脣。
了後逐擺有人行過，總會在石頭面上坐坐个。

一日晨早，行來一個打石个，
佢䀴着石頭，目珠擘金金，
正手擎鏨刀，倒手擎槌，
大力搉，細義挼，拁石頭刻做一身小佛。

遐日暗夜，牛乳色个月光像水沖共款，
直直落在小佛膴身，四脣形成一道光圈，
親像佢在吸收月光个力量。

第二日，天討光進前，第一道日頭光照光小佛个面，
小佛雄雄活起來！
佢擎起雙手，嘴內底發出一聲長長个「唵─┄」

小佛真心色滿哪位䀴，
佢佮意䀴蝶仔飛，佮意䀴魚泅水，
感覺麼个攏真靚。

小佛猶發現，佢頭大个歡喜，即係鬥相共人。
天氣熱，日頭猛，有麼儕行出歸身汗，頭那燒炥炥，
小佛會得路人一臨臨清涼；
䀴着有人跌倒，佢會拁人扶起來，毋會得人著傷。

有一日，小佛發現，在草蕪內底，一隻小狐狸拚命向前傱，
後背跈三個人影，
幾時係三個獵人在躐小狐狸。
這時，有一個獵人射出一箭，
箭劃爛空氣，䀴狐狸即討得箭射穿啊！

好定泥空氣真像結冰，箭恬在空中，停動下嘛無。
獵人接落又隨搭箭揪弓，
小佛手一擛，三個獵人打頓坐一墩，
小佛轉過身，䀴着小狐狸走閃入樹林。

樹葉落了，大雪紛紛。
小佛在白白个世界內，恬恬䀴一個紅紅个牲儀，
遐係一粒得人惜个壽桃。
雪地內底走來一隻狐狸，即係小佛救過个遐隻小狐狸。

小狐狸在尋食个物件，佢對壽桃金金䀴，
這時好定泥跳出猶一隻狐狸，拁佢个尾擪蹛。

兩隻狐狸兩支嘴，一粒壽桃愛得哪儕？
你踢𠊎一腳，𠊎打你一拳，
為着搶壽桃，打到亂操操。
小佛拁狐狸揪開，對佢人講：
「你人兩個毋好亂，係毋係想討食壽桃？」
兩隻狐狸頕頭下。
小佛接落講：
「𠊎拁壽桃得你人，一儕分一半，毋過你人愛答應𠊎一個條件。」
兩隻狐狸攏頕頭。

小佛講：「條件真簡單，即係和𠊎做伴尞。」
兩隻狐狸講：「先食飽，正擱尞好無？」
小佛頕下頭，小狐狸隨時你一嘴，𠊎一嘴，
拁壽桃吞到屎肚內底。

續落大家開始賞雪球，
大雪天，打雪球，倒裡閃，正裡擊，
佢人打到無幾久，猶吂賞罅。
好定泥發現有人行過來，猶隨物件來拜拜。

小佛攔緊坐好，停動下嘛無，
小狐狸毋赴藏好，只好一右一左，
企在小佛个兩裡，裝做兩個雕像。
來拜拜个人真好，佢隨來三粒壽桃，
這滿毋使吵，嘛毋使亂，大家攏會用食到飽飽。

對遐時起，九大山就近傳講，狐狸係佛个左右跈班，
所以狐狸毋若毋會枵着，嘛無人會獵狐狸啊。






【華語原文】

一個層層烏雲的陰天，天空射出一道閃電，
閃電打斷一座山尖，一塊石頭滾下山，正好停在山路邊。
以後每次有人走過，總會在石頭上坐一坐。

一天早上，走來一個石匠，
他看到石頭，眼睛一亮，
右手拿著鑿子，左手拿著槌子，
大力敲，小心磨，把石頭雕成一尊小佛。

那天晚上，牛奶色的月光像瀑布一樣，
直直落在小佛身上，周圍形成一道光圈，
好像他在吸收月光的力量。

第二天，黎明前，第一道太陽光照亮小佛的臉。
小佛忽然活了！
他舉起雙手，嘴裡發出一聲長長的「唵──」

小佛好奇的到處看，
他喜歡看蝴蝶飛，喜歡看魚游泳，
感覺一切都很美。

小佛還發現，他最大的快樂，就是幫助人。
天氣熱，陽光強，有誰走出滿身汗，頭發燙，
小佛會給路人陣陣清涼；
看到有人跌倒，他會扶人一把，不讓人受傷。

有一天，小佛發現，在草叢中，一隻小狐狸沒命的向前衝，
後面跟著三個人影，
原來是三個獵人在追小狐狸。
這時，有一個獵人射出一箭，
箭劃破空氣，眼看狐狸就要被箭射穿！

突然空氣好像結了冰，箭停在空中，一動也不動。
獵人接著又馬上搭箭拉弓，
小佛手一揮，三個獵人跌坐一堆，
小佛轉過身，看著小狐狸逃進森林。

樹葉落盡，大雪紛紛。
小佛在白白的世界中，靜靜看著一個紅紅的供品，
那是一顆可愛的壽桃。
雪地裡跑來一隻狐狸，正是小佛救過的那隻小狐狸。

小狐狸在找吃的東西，牠打起壽桃的主意，
這時忽然跳出另一隻狐狸，壓住牠的尾巴。

兩隻狐狸兩張嘴，一顆壽桃要給誰？
你踢我一腳，我打你一拳，
為了搶壽桃，打得一團亂。
小佛把狐狸拉開，對牠們說：
「你們兩個不要鬧，是不是想吃壽桃？」
兩隻狐狸點點頭，
小佛接著說：
「我把壽桃給你們，一人分一半，但是你們要答應我一個條件。」
兩隻狐狸都點頭。

小佛說：「條件很簡單，就是陪我玩。」
兩隻狐狸說，「先吃飽，再玩好不好？」
小佛點點頭，小狐狸立刻你一口，我一口，
把壽桃吞到肚子裡頭。

然後大家開始玩雪球，
大雪天，打雪球，左邊閃，右邊丟，
他們打了沒多久，還沒玩夠。
忽然發現有人走過來，還帶著東西來拜拜。

小佛趕緊坐好，一動也不動，
小狐狸來不及躲，只好一右一左，
站在小佛的兩旁，裝成兩個雕像。
來拜拜的人真好，他帶來了三顆壽桃，
這下不用吵，也不用鬧，大家都可以吃飽飽。

從此以後，九大山一帶流傳，狐狸是佛的左右跟班，
於是狐狸不但不會挨餓，也沒有人獵狐狸了。