一塊石頭被刻成佛像。小石佛喜歡幫助別人，還救了被獵人追的小狐狸。沒想到小狐狸居然來偷祂的供品！小石佛會後悔救了狐狸嗎？

一個烏雲密密个烏陰天，天空射出一道𥍉爧个光，
𥍉爧打斷咧一座山峰，一隻石頭滾落山來，堵好停在山路脣頭。
下後逐擺有人行過，總會在石頭項坐坐啊。

有一日晨早，行來一個石匠，
佢擘金目珠䀴着石頭，
正手擎等鑿仔，左手擎等槌仔，
大力个敲，細義个磨，摎石頭雕做一尊細佛呢。

該日暗晡，牛奶色个月光像沖水龍樣仔，
直直落在細佛膴身項，四周圍形成一道光圈，
細佛䀴上去，親像係在吸收月光个力量。

第二日，臨天光進前，第一道日頭光照金細佛个面。
細佛忽然間動起來咧！
佢擎起雙手，嘴空肚發出一聲長長个「唵──」

細佛好奇个滿哪仔䀴，
佢好䀴揚蝶仔飛，好䀴魚仔泅水，
感覺着這兜做下恁靚呢。

細佛還感覺着，佢最歡喜个，就係摎人𢯭手哦。
天時熱，日頭烈，有麼人行出歸身个汗，頭那燒熝熝仔，
細佛會分路人一陣一陣个清涼；
䀴着有人跌倒，佢會扶人起來，毋分人著傷哦。

有一日，細佛發現着，在草堆裡肚，一隻細狐狸盡命牯个向頭前衝啊過去，
後背跈等三個人影，
原來係三個獵人在該逐細狐狸。
這時節，有一個獵人射出箭咧，
「咻」一聲，箭飛出去哩喲，細佛目金金䀴着，狐狸就會分箭射着哩！

突然間空氣像結冰樣仔，箭停在半空中，全無停動呢。
獵人接等又黏時拉弓射箭，
細佛个手一拂，三個獵人嗄橫橫做一堆咧，
細佛轉過身去，䀴着細狐狸走入森林咧。

樹葉落盡，大雪密密个落無停。
細佛在白白个大地項，恬恬䀴等一隻紅紅个供品，
該係一粒得人惜个壽桃。
雪地項走來一隻狐狸，佢就係細佛救過个該隻細狐狸哦。

細狐狸在該尋食个東西，佢想愛食該粒壽桃，
這時節忽然間跳出另外一隻狐狸，矺等佢个尾。

兩隻狐狸兩張嘴，一粒壽桃愛分分麼人呢？
你踢𠊎一腳，𠊎打你一拳，
為着搶壽桃，打到亂紛紛。
細佛摎狐狸拉開，對佢兜講：
「你兩儕毋好鬧咧，係毋係想食壽桃呢？」
兩隻狐狸頭那頷啊頷仔，
細佛續等講：
「𠊎摎壽桃分你兜，一儕分一半，毋過你兜愛應𠊎一個條件。」
兩隻狐狸都頷頭應佢：「好。」

細佛講：「條件當簡單，就係陪𠊎爽。」
兩隻狐狸講：「先食飽，再過爽好無？」
細佛頷頭哩喲，細狐狸黏時你一口，𠊎一口，
摎壽桃吞到屎肚裡背去哩。

續等大家開始爽雪球，
大雪天，打雪球，左片閃，正片擲，
佢兜打咧無幾久，還吂爽罅擺。
突然間發現有人行過來哩，還帶等東西來拜喏哦。

細佛趕緊坐好來，毋敢停動一下
細狐狸來毋掣閃開，只好一個在正片一個在左片，
企在細佛个脣項，假做係兩個雕像。
來拜喏个人當好，佢帶咧三粒壽桃來哦，
這下毋使吵，乜毋使鬧咧，大家全部做得食到飽飽。

從此了後，九大山這搭仔都流傳講，狐狸係佛个左右跈班哦，
所以狐狸毋單淨毋會餓著，也無人來獵狐狸咧。






【華語原文】

一個層層烏雲的陰天，天空射出一道閃電，
閃電打斷一座山尖，一塊石頭滾下山，正好停在山路邊。
以後每次有人走過，總會在石頭上坐一坐。

一天早上，走來一個石匠，
他看到石頭，眼睛一亮，
右手拿著鑿子，左手拿著槌子，
大力敲，小心磨，把石頭雕成一尊小佛。

那天晚上，牛奶色的月光像瀑布一樣，
直直落在小佛身上，周圍形成一道光圈，
好像他在吸收月光的力量。

第二天，黎明前，第一道太陽光照亮小佛的臉。
小佛忽然活了！
他舉起雙手，嘴裡發出一聲長長的「唵──」

小佛好奇的到處看，
他喜歡看蝴蝶飛，喜歡看魚游泳，
感覺一切都很美。

小佛還發現，他最大的快樂，就是幫助人。
天氣熱，陽光強，有誰走出滿身汗，頭發燙，
小佛會給路人陣陣清涼；
看到有人跌倒，他會扶人一把，不讓人受傷。

有一天，小佛發現，在草叢中，一隻小狐狸沒命的向前衝，
後面跟著三個人影，
原來是三個獵人在追小狐狸。
這時，有一個獵人射出一箭，
箭劃破空氣，眼看狐狸就要被箭射穿！

突然空氣好像結了冰，箭停在空中，一動也不動。
獵人接著又馬上搭箭拉弓，
小佛手一揮，三個獵人跌坐一堆，
小佛轉過身，看著小狐狸逃進森林。

樹葉落盡，大雪紛紛。
小佛在白白的世界中，靜靜看著一個紅紅的供品，
那是一顆可愛的壽桃。
雪地裡跑來一隻狐狸，正是小佛救過的那隻小狐狸。

小狐狸在找吃的東西，牠打起壽桃的主意，
這時忽然跳出另一隻狐狸，壓住牠的尾巴。

兩隻狐狸兩張嘴，一顆壽桃要給誰？
你踢我一腳，我打你一拳，
為了搶壽桃，打得一團亂。
小佛把狐狸拉開，對牠們說：
「你們兩個不要鬧，是不是想吃壽桃？」
兩隻狐狸點點頭，
小佛接著說：
「我把壽桃給你們，一人分一半，但是你們要答應我一個條件。」
兩隻狐狸都點頭。

小佛說：「條件很簡單，就是陪我玩。」
兩隻狐狸說，「先吃飽，再玩好不好？」
小佛點點頭，小狐狸立刻你一口，我一口，
把壽桃吞到肚子裡頭。

然後大家開始玩雪球，
大雪天，打雪球，左邊閃，右邊丟，
他們打了沒多久，還沒玩夠。
忽然發現有人走過來，還帶著東西來拜拜。

小佛趕緊坐好，一動也不動，
小狐狸來不及躲，只好一右一左，
站在小佛的兩旁，裝成兩個雕像。
來拜拜的人真好，他帶來了三顆壽桃，
這下不用吵，也不用鬧，大家都可以吃飽飽。

從此以後，九大山一帶流傳，狐狸是佛的左右跟班，
於是狐狸不但不會挨餓，也沒有人獵狐狸了。