一塊石頭被刻成佛像。小石佛喜歡幫助別人，還救了被獵人追的小狐狸。沒想到小狐狸居然來偷祂的供品！小石佛會後悔救了狐狸嗎？

一個烏雲層層疊疊个烏陰天，天頂射出一條𥍉爧，
𥍉爧劈斷山崠（dung^），一粒石頭碾落山下，堵好碾在山路脣。
過後逐擺有人行過，都會在石頭面坐一下。

有一日朝脣，一個打石个石匠行過來，
一看著石頭，目珠斯金起來，
正手拿鑿，左手擎槌，
大力𢫦 細義磨，將石頭刻做一尊細佛。

該暗晡，牛奶色个月光像水寨个水共樣，
無停歇（hied^）淋在細佛圓身項，四圍箍出一箍光環（kuanˇ），
親像佢在吸收月光个能量。

第二日，臨天光之前，第一線日頭照光細佛个面。
細佛好恬恬會定動咧！
佢雙手擎起來，嘴肚喊出長長个聲「唵──」

細佛試着已生趣滿哪看，
佢好看蝶滿哪飛，好看魚泅水，
感覺麼个都恁靚。

細佛試着，分佢盡歡喜个，斯係同人𢯭手。
天時熱，日頭烈，有人行去歸身汗，頭那燒熝熝，
細佛會吹陣陣涼風分路人；
看著有人跌倒，佢會扶核人，毋會分人跌倒著傷。

有一日，細佛發現，在草蒲肚，一隻細狐狸拚命走，
背後跈緊三個人影，
原來係三個獵人在逐細狐狸。
當時 有一個獵人射出一支箭，
該箭穿過空氣，目金金看緊狐狸斯會分箭射着！

登時空氣像結冰，箭停在半天，嗄毋會定動。
獵人跈緊又搭第二支箭拉弓，
細佛手一拂，三個獵人做下跌落地泥下，坐坐共下，
細佛轉過身，看緊細狐狸瀉入大樹林（naˇ）。

樹葉落淨淨，大雪紛紛落無停。
細佛在白白个世界中，恬恬看一粒紅紅个祭品，
該係一粒得人惜个壽桃。
雪地項一隻狐狸走過來，該係細佛救過个細狐狸。

細狐狸在該尋東西食，佢心肝愐想食該粒壽桃，
恁堵好另外一隻狐狸跳出來，矺核厥个尾。

兩隻狐狸兩張嘴，一粒壽桃愛分麼人呢？
你踢𠊎一腳，𠊎打你一拳，
為了搶壽桃，打去乒乒碰碰（binˋ binˋ，bongˋ，bongˋ）。
細佛將狐狸拉開，對厥等講：
「若等兩個毋好冤家，係毋係想食壽桃？」
兩隻狐狸緊頷頭，
細佛續緊講：
「𠊎將壽桃分若等，一儕分一半毋過若等愛答應𠊎一個條件。」
兩隻狐狸做下頷頭同意。

細佛講：「條件當簡單，斯係陪𠊎搞尞。」
兩隻狐狸講：「先食飽，正過搞好無？」
細佛頷下頭，細狐狸黏時你一口，𠊎一口，
將壽桃吞落肚屎。

過後大家在搞雪球，
大雪天，打雪球，左片閃，正片擲，
厥這兜打無幾久，還吂搞罅。
好恬恬看着有人行過來，還有帶東西來拜喏。

細佛趕緊坐好來，毋敢定動，
細狐狸閃毋離，斯正片企一隻，左片企一隻，
企在細佛个兩片析，假做兩尊雕像。
來拜喏个人真好，佢帶三粒壽桃來，
這下毋使吵，乜毋使冤家，大家做下食都飽𩜰𩜰。

過後，九大山附近流傳講，狐狸係佛个左右護法，
所以狐狸毋會餓著咧，也無人敢獵狐狸咧。






【華語原文】

一個層層烏雲的陰天，天空射出一道閃電，
閃電打斷一座山尖，一塊石頭滾下山，正好停在山路邊。
以後每次有人走過，總會在石頭上坐一坐。

一天早上，走來一個石匠，
他看到石頭，眼睛一亮，
右手拿著鑿子，左手拿著槌子，
大力敲，小心磨，把石頭雕成一尊小佛。

那天晚上，牛奶色的月光像瀑布一樣，
直直落在小佛身上，周圍形成一道光圈，
好像他在吸收月光的力量。

第二天，黎明前，第一道太陽光照亮小佛的臉。
小佛忽然活了！
他舉起雙手，嘴裡發出一聲長長的「唵──」

小佛好奇的到處看，
他喜歡看蝴蝶飛，喜歡看魚游泳，
感覺一切都很美。

小佛還發現，他最大的快樂，就是幫助人。
天氣熱，陽光強，有誰走出滿身汗，頭發燙，
小佛會給路人陣陣清涼；
看到有人跌倒，他會扶人一把，不讓人受傷。

有一天，小佛發現，在草叢中，一隻小狐狸沒命的向前衝，
後面跟著三個人影，
原來是三個獵人在追小狐狸。
這時，有一個獵人射出一箭，
箭劃破空氣，眼看狐狸就要被箭射穿！

突然空氣好像結了冰，箭停在空中，一動也不動。
獵人接著又馬上搭箭拉弓，
小佛手一揮，三個獵人跌坐一堆，
小佛轉過身，看著小狐狸逃進森林。

樹葉落盡，大雪紛紛。
小佛在白白的世界中，靜靜看著一個紅紅的供品，
那是一顆可愛的壽桃。
雪地裡跑來一隻狐狸，正是小佛救過的那隻小狐狸。

小狐狸在找吃的東西，牠打起壽桃的主意，
這時忽然跳出另一隻狐狸，壓住牠的尾巴。

兩隻狐狸兩張嘴，一顆壽桃要給誰？
你踢我一腳，我打你一拳，
為了搶壽桃，打得一團亂。
小佛把狐狸拉開，對牠們說：
「你們兩個不要鬧，是不是想吃壽桃？」
兩隻狐狸點點頭，
小佛接著說：
「我把壽桃給你們，一人分一半，但是你們要答應我一個條件。」
兩隻狐狸都點頭。

小佛說：「條件很簡單，就是陪我玩。」
兩隻狐狸說，「先吃飽，再玩好不好？」
小佛點點頭，小狐狸立刻你一口，我一口，
把壽桃吞到肚子裡頭。

然後大家開始玩雪球，
大雪天，打雪球，左邊閃，右邊丟，
他們打了沒多久，還沒玩夠。
忽然發現有人走過來，還帶著東西來拜拜。

小佛趕緊坐好，一動也不動，
小狐狸來不及躲，只好一右一左，
站在小佛的兩旁，裝成兩個雕像。
來拜拜的人真好，他帶來了三顆壽桃，
這下不用吵，也不用鬧，大家都可以吃飽飽。

從此以後，九大山一帶流傳，狐狸是佛的左右跟班，
於是狐狸不但不會挨餓，也沒有人獵狐狸了。