一塊石頭被刻成佛像。小石佛喜歡幫助別人，還救了被獵人追的小狐狸。沒想到小狐狸居然來偷祂的供品！小石佛會後悔救了狐狸嗎？

一個層層烏雲个烏陰天，天空射出一道𥍉爧，
𥍉爧打斷一座山尖，一隻石頭輾啊下山，堵好停在山路脣。
續後逐擺有人行過來，總會在石頭上坐坐啊。

一日朝晨，行來一個石匠，
佢看著石頭，目珠一金，
右手擎等鑿仔，左手擎等槌仔，
大力抨，細膩磨，摎石頭雕成一尊細佛仔。

該日暗晡，牛奶色个月光像水沖共樣，
直直委在細佛仔身項，四圍形成一道光圈，
親像佢在吸收月光个力量。

第二日，臨天光以前，第一道日頭光照亮細佛仔个面。
細佛仔忽然間醒哩！
佢擎起雙手，嘴空肚發出一聲長長个「唵──」

細佛仔好奇个滿哪仔緊看，
佢中意看揚蝶仔飛，中意看魚仔泅水，
感覺一切做下都恁靚。

細佛仔還發現，佢盡大个歡喜，就係摎人𢯭手。
天時熱，日頭烈，有麼人行出歸身汗，頭那燒熝熝仔，
細佛仔會分路人陣陣个清涼；
看著有人跌倒，佢會摎人扶起來，毋會分人著傷哦。

有一日，細佛發現，在草墩裡肚，一隻細狐狸拚命仔向前舂，
後背跈等三個人影，
原來係三個獵人在該逐細狐狸。
這時節，有一個獵人射出一箭，
箭劃破咧空氣，眼看狐狸就愛分箭射穿！

突然間空氣當像結了冰樣，箭停在空中，動就無動。
獵人接等又黏時搭箭拉弓，
細佛仔手一拂，三個獵人打頓坐一堆，
細佛仔轉啊身，看著細狐狸走入欸森林。

樹葉落盡，大雪紛紛。
細佛仔在白白个世界中，恬恬看等一隻紅紅个牲儀，
該係一粒得人惜个壽桃。
雪地裡肚行來一隻狐狸，就係細佛仔救過个該隻細狐狸。

細狐狸在該尋東西食，佢打起壽桃个主意，
這時忽然間跳出另一隻狐狸，矺等佢个尾。

兩隻狐狸兩張嘴，一粒壽桃愛分麼人呢？
你踢𠊎一腳，𠊎打你一拳，
為了搶壽桃，打到亂糟糟。
細佛仔摎狐狸拉開，對佢兜講：
「你兜兩個毋好鬧 係毋係想食壽桃啊？」
兩隻狐狸頷下頭，
細佛仔續等講：
「𠊎摎壽桃分你兜，一儕分一半，但係你兜愛答應𠊎一隻條件。」
兩隻狐狸做下緊頷頭。

細佛仔講：「條件當簡單，就係陪𠊎搞。」
兩隻狐狸講：「先食飽，再過來搞好無啊？」
細佛仔頷下頭，細狐狸黏時你一口，𠊎一口，
摎壽桃吞到肚屎裡肚。

續後大家開始搞雪球，
大雪天，打雪球，左片閃，右片擲，
佢這兜打了無幾久仔，還吂搞罅。
旋旋風發現有人行過來，還帶等東西來拜喏。

細佛仔趕緊坐好來，動就無停動，
細狐狸來毋掣閃，只好一右一左，
企在細佛仔个兩片，假做兩個雕像。
來拜喏个人真好，佢帶了三粒壽桃，
這下毋使吵，乜毋使鬧，大家全部做得食到飽𩜰𩜰仔哩。

從此以後，九大山一帶流傳，狐狸係佛祖个左右跈班，
故所狐狸毋單止毋會餓著，也無人獵狐狸哩。






【華語原文】

一個層層烏雲的陰天，天空射出一道閃電，
閃電打斷一座山尖，一塊石頭滾下山，正好停在山路邊。
以後每次有人走過，總會在石頭上坐一坐。

一天早上，走來一個石匠，
他看到石頭，眼睛一亮，
右手拿著鑿子，左手拿著槌子，
大力敲，小心磨，把石頭雕成一尊小佛。

那天晚上，牛奶色的月光像瀑布一樣，
直直落在小佛身上，周圍形成一道光圈，
好像他在吸收月光的力量。

第二天，黎明前，第一道太陽光照亮小佛的臉。
小佛忽然活了！
他舉起雙手，嘴裡發出一聲長長的「唵──」

小佛好奇的到處看，
他喜歡看蝴蝶飛，喜歡看魚游泳，
感覺一切都很美。

小佛還發現，他最大的快樂，就是幫助人。
天氣熱，陽光強，有誰走出滿身汗，頭發燙，
小佛會給路人陣陣清涼；
看到有人跌倒，他會扶人一把，不讓人受傷。

有一天，小佛發現，在草叢中，一隻小狐狸沒命的向前衝，
後面跟著三個人影，
原來是三個獵人在追小狐狸。
這時，有一個獵人射出一箭，
箭劃破空氣，眼看狐狸就要被箭射穿！

突然空氣好像結了冰，箭停在空中，一動也不動。
獵人接著又馬上搭箭拉弓，
小佛手一揮，三個獵人跌坐一堆，
小佛轉過身，看著小狐狸逃進森林。

樹葉落盡，大雪紛紛。
小佛在白白的世界中，靜靜看著一個紅紅的供品，
那是一顆可愛的壽桃。
雪地裡跑來一隻狐狸，正是小佛救過的那隻小狐狸。

小狐狸在找吃的東西，牠打起壽桃的主意，
這時忽然跳出另一隻狐狸，壓住牠的尾巴。

兩隻狐狸兩張嘴，一顆壽桃要給誰？
你踢我一腳，我打你一拳，
為了搶壽桃，打得一團亂。
小佛把狐狸拉開，對牠們說：
「你們兩個不要鬧，是不是想吃壽桃？」
兩隻狐狸點點頭，
小佛接著說：
「我把壽桃給你們，一人分一半，但是你們要答應我一個條件。」
兩隻狐狸都點頭。

小佛說：「條件很簡單，就是陪我玩。」
兩隻狐狸說，「先吃飽，再玩好不好？」
小佛點點頭，小狐狸立刻你一口，我一口，
把壽桃吞到肚子裡頭。

然後大家開始玩雪球，
大雪天，打雪球，左邊閃，右邊丟，
他們打了沒多久，還沒玩夠。
忽然發現有人走過來，還帶著東西來拜拜。

小佛趕緊坐好，一動也不動，
小狐狸來不及躲，只好一右一左，
站在小佛的兩旁，裝成兩個雕像。
來拜拜的人真好，他帶來了三顆壽桃，
這下不用吵，也不用鬧，大家都可以吃飽飽。

從此以後，九大山一帶流傳，狐狸是佛的左右跟班，
於是狐狸不但不會挨餓，也沒有人獵狐狸了。