阿寶幫阿比蓋好狗屋。那天晚上，阿比雖然很累，卻怎麼樣也睡不著，總覺得好像忘了什麼……

大熊阿比畜吔一條狗仔安到小六，佢愛同小六起狗屋。
鱷魚阿寶同佢𢯭鋸樹頭，
你敲𠊎打，你膏𠊎抹，
兩下半仔狗屋就起好吔。
起好狗屋，大家食披薩，啉乳茶，
過後阿寶講聲有閒來尞就歸去吔。

暗晡夜阿比眠在眠床項，仰仔都睡毋落覺，
頭腦裡背蓋像有一百隻啄樹鳥在該搉搉搉。
一隻羊仔，兩隻羊仔，三隻四隻五隻羊仔，
算吔一百隻羊仔，還係睡毋落覺。

「𠊎係毋係添放核麼个？」阿比愐。
電火無人扚，自家毋會著，鬧鐘無人撙，自家毋會響。
係毋係鬧鐘添放核撙吔？
鬧鐘無添放核撙，時間一到保證會響毋會爭差。

係毋係門無鎖着？添放核鎖，就驚來吔魔精仔。
大門鎖好無問題，門係無開，蟻公乜入毋來。

到底添放核麼个？係毋係狗仔添放核餵？
歸盤仔滿滿个狗食，小六看吔緊拂頭，
一手𢱤開狗盤，一手在肚屎項挲啊挲仔，
蓋像在講：「食忒多，肚屎會撐壞哦！」

鬧鐘無添放核撙，大門無添放核鎖，
狗仔乜已經餵過，還有麼个無做着？

係毋係花無淋水？
花盎裡背个水盡多，再淋水就驚花會死淨淨。
無添放核打電話 無窗仔添放核捽，
牙齒係毋係添放核搓？
毋係，毋係，已經搓過牙齒吔。

阿比突然間喊吔一聲：「啊！」
騎上車，直直對市鎮仔拼去。
阿比來到市鎮項，想買巧克力，
毋過忒夜吔，店仔已經關門吔，頭家在該抹（miˇ）地泥，
街仔項个店仔都關門吔，
阿比盡失望。

一斡頭，在大街轉角，看著一個賣花个細阿妹仔，
阿比逐過去，對細阿妹仔講：「細阿妹仔該花愛賣無？」
「你愛麼个花？想愛買幾多？」該細阿妹仔講。
「麼个花都好，全部𠊎都愛。」阿比講。

路燈無著，毋過有月光，人情最燒暖，花有愛最香。
阿比拿等花，來到阿寶屋下。
阿寶打開門，看著阿比，就問：
「恁夜吔，仰還無睡？」
「𠊎睡毋落覺。」阿比應講。
阿寶問：「做麼个睡毋落覺？」
阿比講：「因為𠊎添放核做一件事。」
「添放核麼个事？」
「今晡日你來同𠊎𢯭手，添放核同你講聲多謝，這下同你講，多謝！」

阿寶㖸等講：「你還細義，𠊎都添放核同你𢯭手麼个吔。」
阿寶請阿比入來坐，分佢一杯燒燒个牛乳，
兩個人恬恬坐等，慢慢仔啉，享受這鬆爽个時節。

阿比歸到屋下，跋上眠床，眠床像棉花糖。
阿比一眨目，星仔在𥍉目，
阿比一敨氣，煩惱都關機。
該添放核个莫記得，該記得个莫添放核，
阿比一覺睡啊好 好夢盡甜 甜到像蜜。






【華語原文】

大熊阿比養了一條狗叫小六，他要給小六蓋狗屋。
鱷魚阿寶幫他鋸木頭，
你敲我打，你塗我刷，
三兩下狗屋就蓋好了。
蓋好狗屋，大家吃片披薩，喝杯奶茶，
然後阿寶說聲拜拜就回家。

晚上阿比睡在床上，怎麼也睡不著，
腦子裡好像有一百隻啄木鳥在敲敲敲。
一隻羊，兩隻羊，三隻四隻五隻羊，
數了一百隻羊，還是睡不著。

「我是不是忘了什麼？」阿比想。
電燈沒人開，自己不會亮，鬧鐘沒人撥，自己不會響。
是不是鬧鐘忘了撥？
鬧鐘沒有忘了撥，時間一到保證會響不會錯。

是不是門忘了鎖？忘了鎖，就怕來了奇地魔。
大門鎖好沒問題，只要門不開，螞蟻也進不來。

到底忘了什麼？是不是狗兒忘了餵？
滿滿一盤狗食，小六看了直搖頭，
一手推開狗盤，一手在肚子上揉，
好像在說：「吃太多，肚皮會脹破！」

鬧鐘沒有忘了撥，大門沒有忘了鎖，
狗兒也已經餵過，還有什麼忘了做？

是不是花兒忘了澆？
花瓶裡的水不少，再澆水就怕花會死翹翹。
沒有電話忘了打，沒有窗子忘了擦，
是不是牙齒忘了刷？
不是，不是，已經刷過牙。

阿比忽然叫了聲：「啊！」
騎上車，直往城裡去。
阿比來到城裡，想買巧克力，
可是太晚了，店已經關門，老板在擦地，
街上的商店都打烊。
阿比好失望。

猛回頭，在大街轉角，看見一個賣花的小女孩，
阿比趕上去，對小女孩說：「小妹妹，妳的花賣不賣？」
「你要什麼花？想要買多少？」小女孩說。
「什麼花都好，全部我都要。」阿比說。

路上燈沒亮，但是有月光，人情最溫暖，花有愛最香
阿比拿著花，來到阿寶家。
阿寶打開門，看見阿比，問：
「這麼晚，怎麼還不睡覺？」
「我睡不著。」阿比回答。
阿寶問：「為什麼睡不著？」
阿比說：「因為我忘了做一件事。」
「忘了什麼事？」
「今天你來幫我忙，忘了跟你說聲謝謝，現在跟你說，謝謝！」

阿寶笑著說：「你真客氣，我都忘了幫你什麼忙。」
阿寶請阿比進來，給他一杯熱牛奶，
兩人靜靜坐著，慢慢喝，享受這舒服的時刻。

阿比回到家，爬上床，床如棉花糖。
阿比一闔眼，星星在眨眼，
阿比一呼吸，煩惱都關機。
該忘記的別記得，該記得的別忘記，
阿比一覺睡得好，好夢甜甜，甜如蜜。