阿寶幫阿比蓋好狗屋。那天晚上，阿比雖然很累，卻怎麼樣也睡不著，總覺得好像忘了什麼……

大熊阿比畜了一條狗仔安到小六，佢愛摎小六起狗屋。
鱷魚阿寶𢯭手佢鋸樹頭，
你敲𠊎打，你塗𠊎漆，
兩下半狗屋就起好哩。
起好狗屋，大家食垤披薩，啉杯奶茶，
過吔阿寶講聲正來尞就轉屋下咧。

暗晡頭阿比睡在眠床項，仰般乜睡毋落覺，
腦肚項當像有一百隻啄木鳥在搉搉搉。
一隻羊，兩隻羊，三隻四隻五隻羊，
算了一百隻羊，還係睡毋忒。

「欸！𠊎係毋係毋記得麼个？」阿比想。
電火無人扚，自家毋會著；鬧鐘無人撙，自家毋會響。
係毋係鬧鐘毋記得撙了？
鬧鐘毋記得撙，時間一到保證會響毋會差。

係毋係門毋記得鎖？毋記得鎖，就驚來了奇地魔。
大門鎖好無問題，只愛門無開，蟻公也入毋來。

到底毋記得麼个？係毋係狗仔毋記得餵？
淰淰一盤狗食，小六看了緊拂頭，
一手𢱤開狗盤，一手在肚屎項挲，
當像在講：「食忒多，肚屎會撐爛！」

鬧鐘無毋記得撙，大門無忘記鎖，
狗仔也既經餵過，還有麼个毋記得做？

係毋係花毋記得淋？
花盎肚个水忒少，再淋水就驚花會死淨淨。
無電話毋記得打，無窗仔毋記得捽，
係毋係牙齒毋記得搓？
毋係，毋係，既經搓過牙齒哩。

阿比忽然間喊一聲：「啊！」
騎上車，直直向城市肚去。
阿比來到城市，想買巧克力，
毋過忒夜哩，店仔已經關門，頭家在捽地泥，
街項个商店都關門了。
阿比當失望。

一斡頭，在大街轉角，看著一個賣花个細阿妹仔，
阿比逐等去，對該細阿妹仔講：「該細阿妹仔 若个花愛賣無？」
「你愛麼个花？想愛買幾多？」該細阿妹仔講。
「麼个花都好，全部𠊎都愛。」阿比講。

路項燈無光，但係有月光，人情最溫暖，花有愛最香。
阿比拿等花，來到阿寶屋下。
阿寶打開門，看著阿比，就問：
「恁夜了，仰會還吂睡？」
「𠊎睡毋忒。」阿比回答。
阿寶問 ：「做麼个睡毋忒？」
阿比講：「因為𠊎毋記得做一件事。」
「毋記得麼个事？」
「今晡日你來摎𠊎𢯭手，毋記得同你講聲恁仔細，這下摎你講，恁仔細！」

阿寶笑等講：「你真客氣，𠊎都毋記得摎你𢯭手麼个。」
阿寶請阿比入來，分佢一杯燒燒个牛奶，
兩儕恬恬坐等，慢慢仔啉，享受這鬆爽个時節。

阿比轉到屋，蹶上眠床，眠床像棉花糖。
阿比一眨目，星仔在𥍉目，
阿比一敨氣，煩惱都關機。
該毋記得个莫記得，該記得个莫毋記得，
阿比一覺睡得好，好夢甜甜，像蜜恁甜。






【華語原文】

大熊阿比養了一條狗叫小六，他要給小六蓋狗屋。
鱷魚阿寶幫他鋸木頭，
你敲我打，你塗我刷，
三兩下狗屋就蓋好了。
蓋好狗屋，大家吃片披薩，喝杯奶茶，
然後阿寶說聲拜拜就回家。

晚上阿比睡在床上，怎麼也睡不著，
腦子裡好像有一百隻啄木鳥在敲敲敲。
一隻羊，兩隻羊，三隻四隻五隻羊，
數了一百隻羊，還是睡不著。

「我是不是忘了什麼？」阿比想。
電燈沒人開，自己不會亮，鬧鐘沒人撥，自己不會響。
是不是鬧鐘忘了撥？
鬧鐘沒有忘了撥，時間一到保證會響不會錯。

是不是門忘了鎖？忘了鎖，就怕來了奇地魔。
大門鎖好沒問題，只要門不開，螞蟻也進不來。

到底忘了什麼？是不是狗兒忘了餵？
滿滿一盤狗食，小六看了直搖頭，
一手推開狗盤，一手在肚子上揉，
好像在說：「吃太多，肚皮會脹破！」

鬧鐘沒有忘了撥，大門沒有忘了鎖，
狗兒也已經餵過，還有什麼忘了做？

是不是花兒忘了澆？
花瓶裡的水不少，再澆水就怕花會死翹翹。
沒有電話忘了打，沒有窗子忘了擦，
是不是牙齒忘了刷？
不是，不是，已經刷過牙。

阿比忽然叫了聲：「啊！」
騎上車，直往城裡去。
阿比來到城裡，想買巧克力，
可是太晚了，店已經關門，老板在擦地，
街上的商店都打烊。
阿比好失望。

猛回頭，在大街轉角，看見一個賣花的小女孩，
阿比趕上去，對小女孩說：「小妹妹，妳的花賣不賣？」
「你要什麼花？想要買多少？」小女孩說。
「什麼花都好，全部我都要。」阿比說。

路上燈沒亮，但是有月光，人情最溫暖，花有愛最香
阿比拿著花，來到阿寶家。
阿寶打開門，看見阿比，問：
「這麼晚，怎麼還不睡覺？」
「我睡不著。」阿比回答。
阿寶問：「為什麼睡不著？」
阿比說：「因為我忘了做一件事。」
「忘了什麼事？」
「今天你來幫我忙，忘了跟你說聲謝謝，現在跟你說，謝謝！」

阿寶笑著說：「你真客氣，我都忘了幫你什麼忙。」
阿寶請阿比進來，給他一杯熱牛奶，
兩人靜靜坐著，慢慢喝，享受這舒服的時刻。

阿比回到家，爬上床，床如棉花糖。
阿比一闔眼，星星在眨眼，
阿比一呼吸，煩惱都關機。
該忘記的別記得，該記得的別忘記，
阿比一覺睡得好，好夢甜甜，甜如蜜。