阿比會做披薩，阿寶會做蛋糕。有一天阿寶想吃阿比做的披薩，於是他用一塊錢，向阿比買披薩。沒多久，阿比也餓了，就用那一塊錢跟阿寶買蛋糕……

向日村有一條向日大道，
大熊阿比歇在十四號，對面歇等鱷魚阿寶。
佢等係好朋友，聚概都係煮食个高手，
阿比最會做披薩，阿寶个專長係雞卵糕。
食核阿比个披薩，無翼胛乜做得飛；
食核阿寶个雞卵糕，肚屎裡背蓋像有星仔在該㖸。
阿比請阿寶食披薩，阿寶請阿比食雞卵糕，有恁仔个鄰舍盡好。

一個燒暖个下晝，阿比、阿寶正愛食雞卵糕，
突然間來吔一臺大轎車，一個大槳个司機行出來，
佢同阿寶討吔兩塊雞卵糕，一塊分自家，一塊分佢个頭家。
佢个頭家就係有名个朱富比。
朱富比有六百間出版社，係世界第一有口个人。
佢最好食雞卵糕，車頂鬥吔探測器，做得探測着十公里內好食个雞卵糕。

朱富比食核雞卵糕，感動到會出目汁，佢拿出一塊金幣，
大槳个司機同金幣交分阿寶，講：
「這一塊金幣係𠊎頭家个心意。係因為你做个雞卵糕，斷真係天下第一。」

該日暗晡，大熊阿比緊愐等該塊金幣：
「係講阿寶做个雞卵糕有人買，𠊎做个披薩定著乜做得賣出去。
一盤披薩切八塊，一塊披薩一個銀，
一日賣着八十盤，一年有三百六十五日。
總有一日，𠊎乜會像朱富比恁有錢！」
阿比緊愐緊暢，故所動手做吔一臺驢仔車。

第二日天甫光，阿比就䟘床，唱等歌仔炕披薩，
續後𢱤等歸車仔个披薩到路項个轉角，
在路脣轉角，佢看着阿寶乜在該賣雞卵糕。

對朝晨到當晝，一個人客就無，
阿比餓到人昏昏，肚屎咕嚕咕嚕緊響，
佢對阿寶講：「做得分𠊎一塊雞卵糕無？」
阿寶問：「你做麼个毋食披薩？」
阿比講：「𠊎个披薩愛拿來賣！」
阿寶頭那拂拂啊：「𠊎个雞卵糕乜愛賣錢个！」

又過吔一段時間，阿寶乜餓到目𥉌𥉌仔。
佢對阿比講：「𠊎等係好朋友，分𠊎食一塊披薩啦。」
「盡失禮，一塊披薩一個銀。」阿比講。
阿寶實在佇毋著吔，再毋食兜東西，佢就會淨伸著鱷魚皮吔。
故所阿寶拿朱富比分个該塊金幣，交分阿比，
阿比分佢一塊披薩，
阿寶一口就塞入嘴裡背，三兩下仔就吞落（lu）去，還敨吔一口氣。

阿比看阿寶食到盡暢，
就用頭先賺着个一個銀，同阿寶買吔一塊雞卵糕。
毋過肚屎餓到佇毋著个阿寶，一塊披薩仰會罅呢？
故所又用手項个金幣再買吔一塊披薩，
阿比看著阿寶食到嗒嗒滾，實在佇毋著，
又拿出金幣，再買一塊雞卵糕。

就恁仔，一個銀買來買去，
阿寶食吔盡多披薩，阿比乜食吔盡多雞卵糕。

這時節飛來一隻烏鴉，講愛買披薩，
阿比講：「壞勢哦，披薩已經賣核吔。」
烏鴉講：「嘎𠊎買一塊雞卵糕。」
阿寶講：「失禮哦，𠊎个雞卵糕乜賣淨淨吔。」
烏鴉講：「哇，生理恁好，聚概都賣淨淨！
天光日𠊎再來，定著愛留一塊分𠊎！」

烏鴉緊撥翼胛離開，緊自言自語个講：
「𠊎愛共快去同阿呆、阿怪同阿歪講，喊佢等天光日共下來買。」

阿比同阿寶，兩個好朋友食到飽𩜰𩜰仔，
歡喜个𢱤等車仔，唱等歌仔歸屋下，
約好天光日打早，再共下來賣披薩同雞卵糕。
方个變圓个，淨愛一個銀，世界就改變。






【華語原文】

向日村有條向日大道，
大熊阿比住在十四號，對面住著鱷魚阿寶。
他們是好朋友，也都是廚房高手，
阿比最會做披薩，阿寶拿手的是蛋糕。
吃完阿比的披薩，沒有翅膀也能飛，
吃了阿寶的蛋糕，肚子好像有星星在笑。
阿比請阿寶吃披薩，阿寶請阿比吃蛋糕，有這樣的鄰居真好。

一個溫暖的下午，阿比、阿寶正要吃蛋糕。
突然來了一輛大轎車，一個高大的司機走出來，
他向阿寶要了兩塊蛋糕，一塊給自己，一塊給他的老闆。
他的老闆就是有名的朱富比。
朱富比有六百家出版社，富有程度世界第一。
他最愛吃蛋糕，車上裝了部偵測器，可以偵測到十公里內的好蛋糕。

朱富比吃完蛋糕，感動得快流淚，他拿出一塊金幣，
大個兒司機將金幣交給阿寶，說：
「這一塊金幣是我老闆的心意。因為你做的蛋糕，真是天下第一。」

那天晚上，大熊阿比一直想著那塊金幣：
「如果阿寶做的蛋糕有人買，我做的披薩一定也能賣。
一片披薩切八片，一片披薩一塊錢，
一天賣個八十片，一年有三百六十五天。
總有一天，我也會像朱富比那樣有錢！」
阿比越想越快樂，於是動手做了一台手推車。

第二天天一亮，阿比就起床，哼著歌烤披薩，
然後推著一車的披薩到街角，
在路邊轉角，他看見阿寶正在賣蛋糕。

從早上到中午，一個客人也沒有。
阿比餓得發慌，肚子咕嚕響，
他對阿寶說：「能不能給我一塊蛋糕？」
阿寶問：「你為什麼不吃披薩？」
阿比說：「我的披薩要拿來賣！」
阿寶搖搖頭：「我的蛋糕也要賣錢的！」

又過了一段時間，阿寶也餓得兩眼發黑。
他對阿比說：「我們是好朋友，給我吃一片披薩吧。」
「很抱歉，一片披薩一塊錢。」阿比說。
阿寶實在撐不下去，再不吃點東西，他只剩下鱷魚皮。
於是阿寶拿出朱富比給的那塊金幣，交給阿比，
阿比給他一塊披薩，
阿寶一口就塞進嘴裡，三兩下就吞進去，還呼了一口氣。

阿比看阿寶吃得開心，
便用剛剛賺到的一塊錢，向阿寶買了一塊蛋糕。
可是肚子餓到不行的阿寶，一片披薩怎麼夠？
於是又用手裡的金幣再買了一片披薩，
阿比看到阿寶吃得嘖嘖叫，實在受不了，
又拿出金幣，再買一塊蛋糕。

就這樣，一塊錢買來買去，
阿寶吃了好多披薩，阿比也吃了好多蛋糕。

這時飛來一隻烏鴉，說要買披薩，
阿比說：「對不起，披薩已經賣完了。」
烏鴉說：「那我買塊蛋糕。」
阿寶說：「抱歉，我的蛋糕也賣光了。」
烏鴉說：「哇，生意這麼好，通通都賣光！
明天我再來，一定要給我留一塊！」

烏鴉一邊拍拍翅膀離開，一邊自言自語的說：
「我要趕快去告訴阿呆、阿怪和阿歪，叫他們明天一起來買。」

阿比和阿寶，兩個好朋友吃飽飽，
快樂的推著車，哼著歌回家，
約好明天一早，再一起來賣披薩和蛋糕。
方的變圓的，只要一塊錢，世界都改變。