漁夫釣到神魚，卻把牠放回海裡。為了報答漁夫，神魚答應可以幫助他實現願望。漁夫的妻子知道後，要漁夫請神魚實現她的願望。可是她的願望真的全都能夠實現嗎？

頭擺，有一個打漁个人同厥姐仔，
歇在海脣一間陋陋少少个細茅屋，
打漁个人每日靠釣魚仔過日仔。

有一日，打漁个人釣着一尾大魚仔，
無愐着，大魚仔嗄開嘴講話：
「𠊎係魚神，係準你放過𠊎，𠊎就做得實現若心願！」
打漁个人愐：「這尾魚仔係會開嘴講話，定著毋係一尾普通个魚仔。」
就同大魚仔放歸海裡背。

打漁个人歸去屋下過後，同姐仔講起這件事情。
姐仔譴譴个講：「你還戇啊，仰無許願！
共快去海脣同魚神講，𠊎愛一間大屋仔！」
打漁个人歸到海脣，對等青青个大海喊：
「魚神啊，遽啊出來！𠊎个姐仔愛許願！」
魚仔對海面探（音damˊ）出頭那：「佢有麼个願望？」
「佢想愛一間大屋仔！」
「歸去啦，佢个願望實現吔。」

打漁个人歸去屋下過後發現，細茅屋斷真變做一間又大又派頭个屋仔，
屋仔裡背个設備項項都有，打漁个人厥姐仔盡暢。
毋過，正過吔兩禮拜，佢就毋滿足吔。
「這屋仔忒細間，你去同魚神講，𠊎愛一座城堡！」

打漁个人雖然心肚毋肯，
毋過堪毋得厥姐仔嘺（音kieuˇ），來到海脣，
海水个色身 深深个青色帶等轉烏个吊菜色。
打漁个人對等大海喊：
「魚神啊，共快出來！𠊎个姐仔愛許願！」
魚神泅過來問：「這擺佢想愛麼个？」
「佢想愛一座城堡。」
「好，歸去吔，佢个願望實現吔！」

打漁个人歸到屋下，發現屋仔變做一座大城堡！
第二日打早，打漁个人就分姐仔喊䟘床。
姐仔又毋滿足吔，佢講：
「有城堡乜無搭碓，共快去同魚神講，𠊎想愛做女王！」
打漁个人測着恁仔个願望實在有忒過，
毋過佢講姐仔毋贏，高不將又來到海脣。

海面一哪仔都濛沙煙，海湧激等石岸个形勢盡得人驚。
打漁个人驚到會死，毋過還係拿出膽量對等大海喊：
「魚神啊，遽啊出來，𠊎个姐仔想愛做女王！」
魚神對海湧裡背探出頭那，講：「好歸去吔，佢个願望實現吔！」

打漁个人歸到屋下，發現城堡變做盡派頭个宮殿，
厥姐仔戴等王冠坐在寶座項。
「這下你滿意無？」
「無呢（音noˇ），𠊎想愛做神，你看，做神有幾好仔吔，還做得掌管萬物！
你這下就去尋魚神許願！」

打漁个人奈佢个姐仔毋何，高不將再過來到海脣。
海面暗摸胥疏，得人驚个狂風吹等，
海湧大到像會同陸地吞核。
打漁个人對等大海喊：「魚神啊，共快出來，𠊎个姐仔愛許願！」
魚神泅過來問：「佢還愛麼个？」
打漁个人笛笛突突（tid tid tud tud）个講：
「佢……佢想愛做掌管萬物个神！」
「好，歸去吔，佢這下在你等个細茅屋裡背坐等正正！」

就恁仔，打漁个人同厥姐仔又本本在陋陋少少个細茅屋過日仔吔。






【華語原文】

從前，有一個漁夫和他的妻子，
住在海邊的一棟破舊小茅屋裡，
漁夫每天靠著釣魚過日子。

有一天，漁夫釣到了一條大魚，
沒想到，大魚竟然開口說話：
「我是神魚，只要你放了我，我就能實現你的心願！
漁夫想：「這條魚居然會開口說話，一定不是條普通的魚。」
就把大魚放回海裡。

漁夫回家後，跟妻子提起這件事情。
妻子生氣的說：「你真笨耶，居然沒許願！
快去海邊跟神魚說，我要一棟大房子！」
漁夫回到海邊，對著藍綠色的大海喊：
「神魚呀，快出來！，我的妻子要許願！」
魚兒從海面探出頭：「她有什麼願望？」
「她想要一棟大房子！」
「回去吧，她的願望實現了。」

漁夫回家後發現，小茅屋果然變成一棟又大又漂亮的房子，
房子裡的擺設更是應有盡有，漁夫的妻子很高興。
可是，才過兩個禮拜，她就不滿足了。
「這間房子太小，你去跟神魚說，我要一座城堡！」

漁夫雖然心裡不願意，
但是禁不住妻子催促，來到海邊。
海水的顏色，深藍中帶著暗紫。
漁夫對著大海喊：
「神魚呀，快出來！，我的妻子要許願！」
神魚游過來問：「這次她想要什麼？」
「她想要一座城堡。」
「回去吧，她的願望實現了！」

漁夫回家後，發現房子變成了一座大城堡！
第二天一大早，漁夫就被妻子叫醒。
妻子又不滿足了，她說：
「有城堡沒意思，快去跟神魚說，我想當女王！」
漁夫覺得這樣的願望實在離譜，
可是他吵不過妻子，只好又來到海邊。

海面灰濛濛的一片，浪濤聲勢驚人的拍打著岩壁。
漁夫害怕極了，但還是鼓起勇氣對大海喊：
「神魚呀，快出來，我的妻子想當女王！」
神魚從海浪中探出頭，說「回去吧，她的願望實現了！」

漁夫回家，發現城堡變成華麗的宮殿，
妻子戴著王冠坐在寶座上。
「這下子你該滿意了吧？」
「不，我想要當神，你看，當神多好，還可以主宰萬物！
你現在就去找神魚許願！」

漁夫阻止不了妻子，只好再度來到海邊，
海面一片漆黑，狂風怒吼，
浪大得像要把陸地吞掉似的。
漁夫對著大海喊：「神魚呀，快出來，我的妻子要許願！」
神魚游過來問：「她還要什麼？」
漁夫支支吾吾的說：
「她……她想當主宰萬物的神！」
「回去吧，她現在正坐在你們的小茅屋裡呢！」

於是，漁夫和他的妻子又回到破舊的小茅屋裡生活了。