漁夫釣到神魚，卻把牠放回海裡。為了報答漁夫，神魚答應可以幫助他實現願望。漁夫的妻子知道後，要漁夫請神魚實現她的願望。可是她的願望真的全都能夠實現嗎？

頭擺，有一個打漁人摎厥餔娘，
戴在海脣一間爛爛舊舊个草屋，
打漁人逐日靠懸魚過日仔。

有一日，打漁个人懸着一尾大魚，
無想着，大魚嗄開嘴講話呢：
「𠊎係神魚，係講你摎𠊎放走，𠊎就做得實現你个願望哦！」
打漁人想：「這尾魚竟然會開嘴講話，定著毋係一尾普通个魚。」
就摎大魚仔放轉海肚。

打漁个人轉屋了後，摎餔娘講起這件事情。
厥餔娘當閼，就講：「你還戇哪！竟然無許願！
遽遽去海脣摎神魚講，𠊎愛一間大屋！」
打漁人轉到海脣，對等青青个大海喊：
「神魚啊！遽啊出來！𠊎餔娘愛許願哦！」
魚對海面探出頭那：「佢有麼个願望？」
「佢想愛一間大屋！」
「轉去，佢个願望實現哩。」

打漁人轉屋就䀴着，細草屋正經變做一間又大又靚个屋呢，
屋肚个設備項項有，打漁人个餔娘當歡喜。
毋過，正過咧兩隻禮拜，佢就毋滿足哩。
「這屋忒細間哩！你去摎神魚講，𠊎愛一座城堡！」

打漁人雖然心肚毋想去，
毋過擋毋著厥餔娘緊催佢無結煞，高不將來到海脣，
海水个色目，深藍又透兜仔茄色。
打漁人對等大海喊：
「神魚啊！遽啊出來！𠊎餔娘愛許願哦！」
神魚泅啊過來問：「這擺佢想愛麼个？」
「佢想愛一座城堡。」
「好，轉去咧，佢个願望實現哩！」

打漁人轉屋了後，䀴屋變做一座大城堡哩！
第二日打早，打漁人就分厥餔娘喊跆起來。
餔娘又毋滿足哩，佢講：
「有城堡乜無麼个搭碓，你遽遽去摎神魚講，𠊎想愛做女王！」
打漁人試着恁樣个願望實在忒超過咧，
毋過佢吵毋贏厥餔娘，高不將又來到海脣。

海面歸片仔濛濛，海浪碽碽滾激到岩壁項。
打漁人驚到會死，毋過還係提出膽量對等大海喊：
「神魚啊！遽啊出來！𠊎餔娘想愛做女王啦！」
神魚對浪肚探出頭那，講：「好轉去咧，佢个願望實現哩！」

打漁人轉到屋下，䀴着城堡變做派頭个宮殿，
餔娘戴等王冠坐在寶座頂高。
「這下你滿意吂？」
「無呢，𠊎想愛做神！你䀴，做神有幾好哪，還做得掌管萬物！
你這下就去尋神魚許願！」

打漁人奈佢毋何，高不將再過來到海脣，
海面暗摸胥疏，狂風大作，浪當大，
就像愛摎陸地食忒樣仔，
打漁人對等大海喊：「神魚啊！遽啊出來！𠊎餔娘愛許願！」
神魚泅過來問：「佢還想愛麼个？」
打漁人迪迪凸凸个講：
「佢……佢想愛做掌管萬物个神！」
「好，轉去咧，佢這下當坐在你兜个草屋肚！」

就恁樣，打漁人摎厥餔娘又轉到爛爛舊舊个細草屋過日仔哩。






【華語原文】

從前，有一個漁夫和他的妻子，
住在海邊的一棟破舊小茅屋裡，
漁夫每天靠著釣魚過日子。

有一天，漁夫釣到了一條大魚，
沒想到，大魚竟然開口說話：
「我是神魚，只要你放了我，我就能實現你的心願！
漁夫想：「這條魚居然會開口說話，一定不是條普通的魚。」
就把大魚放回海裡。

漁夫回家後，跟妻子提起這件事情。
妻子生氣的說：「你真笨耶，居然沒許願！
快去海邊跟神魚說，我要一棟大房子！」
漁夫回到海邊，對著藍綠色的大海喊：
「神魚呀，快出來！，我的妻子要許願！」
魚兒從海面探出頭：「她有什麼願望？」
「她想要一棟大房子！」
「回去吧，她的願望實現了。」

漁夫回家後發現，小茅屋果然變成一棟又大又漂亮的房子，
房子裡的擺設更是應有盡有，漁夫的妻子很高興。
可是，才過兩個禮拜，她就不滿足了。
「這間房子太小，你去跟神魚說，我要一座城堡！」

漁夫雖然心裡不願意，
但是禁不住妻子催促，來到海邊。
海水的顏色，深藍中帶著暗紫。
漁夫對著大海喊：
「神魚呀，快出來！，我的妻子要許願！」
神魚游過來問：「這次她想要什麼？」
「她想要一座城堡。」
「回去吧，她的願望實現了！」

漁夫回家後，發現房子變成了一座大城堡！
第二天一大早，漁夫就被妻子叫醒。
妻子又不滿足了，她說：
「有城堡沒意思，快去跟神魚說，我想當女王！」
漁夫覺得這樣的願望實在離譜，
可是他吵不過妻子，只好又來到海邊。

海面灰濛濛的一片，浪濤聲勢驚人的拍打著岩壁。
漁夫害怕極了，但還是鼓起勇氣對大海喊：
「神魚呀，快出來，我的妻子想當女王！」
神魚從海浪中探出頭，說「回去吧，她的願望實現了！」

漁夫回家，發現城堡變成華麗的宮殿，
妻子戴著王冠坐在寶座上。
「這下子你該滿意了吧？」
「不，我想要當神，你看，當神多好，還可以主宰萬物！
你現在就去找神魚許願！」

漁夫阻止不了妻子，只好再度來到海邊，
海面一片漆黑，狂風怒吼，
浪大得像要把陸地吞掉似的。
漁夫對著大海喊：「神魚呀，快出來，我的妻子要許願！」
神魚游過來問：「她還要什麼？」
漁夫支支吾吾的說：
「她……她想當主宰萬物的神！」
「回去吧，她現在正坐在你們的小茅屋裡呢！」

於是，漁夫和他的妻子又回到破舊的小茅屋裡生活了。