漁夫釣到神魚，卻把牠放回海裡。為了報答漁夫，神魚答應可以幫助他實現願望。漁夫的妻子知道後，要漁夫請神魚實現她的願望。可是她的願望真的全都能夠實現嗎？

頭擺，有一個打漁儕摎厥餔娘，
戴在海脣一間陋陋筲筲（音seuˇ）个茅仔屋，
打漁儕逐日靠釣魚仔過日仔。

有一日，打漁儕釣着一尾大魚仔，
無想着，大魚仔嗄開嘴講話：
「𠊎係神魚，係講你摎𠊎放走，𠊎就做得實現你个心願！」
打漁儕想：「這尾魚仔會開嘴講話，定著毋係一尾普通个魚仔。」
就摎大魚仔放轉海肚。

打漁儕轉屋過後，摎餔娘講這件事情。
餔娘當閼講：「你還戇哪，嗄無許願！
遽遽去海脣摎神魚講，𠊎想愛一間大屋仔！」
打漁儕轉到海脣，對等青青个大海喊：
「神魚啊，遽出來哦！𠊎餔娘想愛許願！」
魚仔對海面探（音damˋ）出頭那來：「佢有麼个願望？」
「佢想愛一間大屋仔！」
「轉去哦，厥願望實現咧。」

打漁儕轉到屋就發現，細茅仔屋正經變做一間又大又靚个屋，
屋肚个設備項項有，打漁儕个餔娘當歡喜。
毋過，正過兩隻禮拜，佢就毋滿足咧。
「這屋忒細間咧，你去摎神魚講，𠊎愛一座城堡！」

打漁儕雖然心肝肚毋甘願，
毋過佇毋着厥餔娘緊追，無奈何斯來到海脣，
海水个色，青青合深茄色。
打漁儕對等大海喊：
「神魚啊，遽出來哦！𠊎餔娘愛許願！」
神魚泅過來問：「這擺佢想愛麼个？」
「佢想愛一座城堡。」
「好（hoˊ），請你轉去哦，厥願望實現咧！」

打漁儕轉屋後，發現屋變做一座大城堡！
第二日打早，打漁儕就分厥餔娘喊䟘來。
餔娘又毋滿足咧，佢講：
「有城堡乜無麼个搭碓，你遽遽去摎神魚講，𠊎想愛做女王！」
打漁儕試着恁樣个願望實在忒超過咧，
毋過佢吵毋贏厥餔娘，高不將又來到海脣。

海面歸片仔濛濛，海浪碽碽（音gungˇ）滾緊激到石壁頂。
打漁儕驚到會死，毋過還係拿出膽對等大海喊：
「神魚啊，遽出來啊，𠊎餔娘想愛做女王！」
神魚對浪肚探出頭那，講：「好，轉去，厥願望實現咧！」

打漁儕轉到屋下，發現城堡變做派頭个宮殿，
餔娘戴等王冠坐在寶座頂。
「這下你滿意吂？」
「無，𠊎想愛做神。你看，做神幾好啊，還做得管萬物！
你這下就去尋神魚許願！」

打漁儕奈佢毋何，高不將又來到海脣。
海面暗摸胥疏，風狂浪大，
就像愛摎陸地食忒樣。
打漁儕對等大海喊：「神魚啊，遽出來哦，𠊎餔娘愛許願！」
神魚泅過來問：「佢還想愛麼个？」
打漁儕迪迪凸凸（音tidˋ tudˋ）講：
「佢……佢想愛做管萬物个神！」
「好，轉去，佢這下當當坐在你兜个細茅仔屋肚！」

就恁仔，打漁儕摎厥餔娘又轉到陋陋筲筲个細茅仔屋過日仔咧。






【華語原文】

從前，有一個漁夫和他的妻子，
住在海邊的一棟破舊小茅屋裡，
漁夫每天靠著釣魚過日子。

有一天，漁夫釣到了一條大魚，
沒想到，大魚竟然開口說話：
「我是神魚，只要你放了我，我就能實現你的心願！
漁夫想：「這條魚居然會開口說話，一定不是條普通的魚。」
就把大魚放回海裡。

漁夫回家後，跟妻子提起這件事情。
妻子生氣的說：「你真笨耶，居然沒許願！
快去海邊跟神魚說，我要一棟大房子！」
漁夫回到海邊，對著藍綠色的大海喊：
「神魚呀，快出來！，我的妻子要許願！」
魚兒從海面探出頭：「她有什麼願望？」
「她想要一棟大房子！」
「回去吧，她的願望實現了。」

漁夫回家後發現，小茅屋果然變成一棟又大又漂亮的房子，
房子裡的擺設更是應有盡有，漁夫的妻子很高興。
可是，才過兩個禮拜，她就不滿足了。
「這間房子太小，你去跟神魚說，我要一座城堡！」

漁夫雖然心裡不願意，
但是禁不住妻子催促，來到海邊。
海水的顏色，深藍中帶著暗紫。
漁夫對著大海喊：
「神魚呀，快出來！，我的妻子要許願！」
神魚游過來問：「這次她想要什麼？」
「她想要一座城堡。」
「回去吧，她的願望實現了！」

漁夫回家後，發現房子變成了一座大城堡！
第二天一大早，漁夫就被妻子叫醒。
妻子又不滿足了，她說：
「有城堡沒意思，快去跟神魚說，我想當女王！」
漁夫覺得這樣的願望實在離譜，
可是他吵不過妻子，只好又來到海邊。

海面灰濛濛的一片，浪濤聲勢驚人的拍打著岩壁。
漁夫害怕極了，但還是鼓起勇氣對大海喊：
「神魚呀，快出來，我的妻子想當女王！」
神魚從海浪中探出頭，說「回去吧，她的願望實現了！」

漁夫回家，發現城堡變成華麗的宮殿，
妻子戴著王冠坐在寶座上。
「這下子你該滿意了吧？」
「不，我想要當神，你看，當神多好，還可以主宰萬物！
你現在就去找神魚許願！」

漁夫阻止不了妻子，只好再度來到海邊，
海面一片漆黑，狂風怒吼，
浪大得像要把陸地吞掉似的。
漁夫對著大海喊：「神魚呀，快出來，我的妻子要許願！」
神魚游過來問：「她還要什麼？」
漁夫支支吾吾的說：
「她……她想當主宰萬物的神！」
「回去吧，她現在正坐在你們的小茅屋裡呢！」

於是，漁夫和他的妻子又回到破舊的小茅屋裡生活了。