癩蝦蟆和鼴鼠都想娶拇指姑娘，可是拇指姑娘不想嫁，幸好她之前幫助過燕子，燕子帶來她到花精靈的國家，拇指姑娘才能獲得幸福。

頭擺有一個婦人家，佢無降細人仔，盡希望做得有一個細人仔。
有一日，佢得着一粒仁仔，無幾久仁仔生做一頭花樹，開出一蕊球蔥花，
花皮在中坐等一個淨半截手指公恁大个細阿妹仔，
婦人家盡暢个講：「還滴仔个細阿妹仔，還得人惜哦。」

佢拿一粒桃仔仁个殼，分手指公妹仔準眠床，
過拿紫羅蘭花皮做眠床个墊仔，玫瑰花皮做被，
又還在桌頂項放吔一盆水，水項放一皮花，
分手指公妹仔做得坐在花皮項撐船仔。

有一日暗晡，蟾蜍囉厥姆看着手指公妹仔，想愛討歸去做心臼，
佢同手指公妹仔帶歸去，同佢綯啊在一皮蓮葉頂。
毋過 手指公妹仔毋肯嫁分蟾蜍囉，佢噭到盡傷心。
細魚仔同揚揲仔盡同情手指公妹仔，
細魚仔𢯭手同蓮葉个莖囓斷，揚揲仔挷等蓮葉飛一路去，
帶等手指公妹仔瀉出蟾蜍囉个屋下。

無幾久，有一隻大金蛄仔飛過來，佢盡中意手指公妹仔，
就同手指公妹仔扭吔飛到一頭樹頂項。
這時節，其他个金蛄仔飛過來，講：
「𠊎等有六支腳，佢淨兩支，生啊恁古怪！」
大金蛄仔聽吔，感覺着大家人講个盡有道理，
就同手指公妹仔擳在一蕊花頂項，飛走吔。

手指公妹仔用草葉刺吔一張眠床分自家，
再同細眠床吊在一皮大葉仔底下。
恁仔，落雨天就毋驚分雨涿濕吔。

毋過，寒天到吔，大葉仔燥核吔，淨伸着一支莖。
手指公妹仔感覺着盡寒人，厥衫褲爛核吔，
雪花落在手指公妹仔身項，就像一堆雪矺等佢。

手指公妹仔行出樹林尋食，
樹林外背係一大坵麥田，
毋過麥仔已經收成，淨伸着光溜溜个麥梗。
手指公妹仔肚又飢人又寒，在麥田裡背昏核，
好得田鼠阿婆看着，收留佢下來。

有一日田鼠阿婆講：
「𠊎个鄰舍逩地龍愛來遶𠊎，
佢盡有錢，係講你嫁分佢，就毋使愁食著吔。」
逩地龍斷真合意着手指公妹仔，
毋過手指公妹仔毋想同目瞨个逩地龍結公婆。

逩地龍為着做得不時看着手指公妹仔，
䟓䟓對佢屋下，挖一條地道透到田鼠阿婆該仔。

有一日佢請田鼠阿婆同手指公妹仔來地道裡背散步，
發現地道裡背有一隻凍到仃硬（diangˊ ngang）个燕仔。

手指公妹仔感覺着該燕仔盡衰過，
就用草葉刺一領席仔，同燕仔蓋等，
再在燕仔圓身脣口塞滿棉仔，
本來凍到硬鉸个燕仔，因為燒暖又掝生過來。

手指公妹仔用心个照顧燕仔，
分燕仔在地道裡背過吔一個寒天，
田鼠阿婆同逩地龍先生聚概都毋知這兜事情。

春天到吔，燕仔愛走吔。
燕仔問手指公妹仔：「你肯同𠊎共下離開無？」
手指公妹仔拂等頭那，講：
「係𠊎恬恬仔離開，田鼠阿婆定著會盡清苦。」
燕仔聽吔，道歎一下，閕開翼飛向日頭。

逩地龍先生同田鼠阿婆講，佢想愛討手指公妹仔做姐仔。
手指公妹仔同田鼠阿婆講：
「𠊎毋想愛同逩地龍先生做公婆，乜毋想一生人歇在地道裡背。」
田鼠阿婆聽過後盡譴，佢講：
「嫁分有口个逩地龍，有麼个毋好？
你係毋肯，𠊎就用牙齒囓你哦！」

手指公妹仔盡驚，高不將答應。
結婚該日，逩地龍先生打扮个盡萋頭，對地道行過來愛討親。
手指公妹仔堵好愛同逩地龍先生行入地道該下，
聽着對天頂傳來「滴哩」个歌聲，
原來係該隻燕仔歸來吔！

燕仔再問手指公妹仔一擺：「你肯跈𠊎走無？」
「𠊎肯！」
手指公妹仔講核，騎在燕仔个背囊，
燕仔帶等手指公妹仔，飛到一個燒暖个地方。

佢同手指公妹仔放在一蕊花項，
手指公妹仔看着花在中坐等一個滴滴仔个男仔人
這個人个頭那項戴等花冠，肩頭項有一對細細个翼胛，
原來佢就係花精个國王。

國王問手指公妹仔，肯做佢个王后無？
手指公妹仔歡喜个答應吔。
續下來國王同手指公妹仔舉辦盡派頭个結婚典禮，過等幸福个生活。






【華語原文】

從前有個女人，她沒生小孩，很希望能有一個孩子。
有一天，她得到一顆種子，不久種子長大，開出一朵鬱金香，
花瓣裡面坐著一個只有半個拇指大的小女孩，
女人很高興說：「好小的姑娘，真可愛。」

她拿來一顆桃核，給拇指姑娘當床，
再拿紫羅蘭花瓣當床墊，玫瑰花瓣做被子，
同時在桌子上放了一盆水，水裡放一片花瓣，
讓拇指姑娘可以坐在花瓣上划船。

有一天晚上，癩蝦蟆媽媽看到拇指姑娘，想給兒子做新娘，
她把拇指姑娘帶回家，把拇指姑娘綁在一片蓮葉上。
可是，拇指姑娘並不願意嫁給癩蝦蟆，她哭得很傷心。
小魚和蝴蝶非常同情拇指姑娘，
小魚幫忙把蓮葉的莖咬斷，蝴蝶拉著蓮葉往前飛，
帶著拇指姑娘逃出癩蝦蟆的家。

不久，有隻大金龜子飛過來，他很喜歡拇指姑娘，
便抓起拇指姑娘飛到一棵樹上。
這時其他的金龜子飛過來，說：
「我們有六條腿，她只有兩條，長得好奇怪！」
大金龜子聽了，覺得大家說得很有道理，
就把拇指姑娘扔在一朵花上，飛走了。

拇指姑娘用草葉給自己編了一張小床，
再把小床掛在一片大葉子下面。
這樣，下雨天就不怕被雨水打濕了。

然而，冬天到了，大葉子枯萎了，只剩下一根莖，
拇指姑娘覺得好冷，她的衣服都破了，
雪花打在拇指姑娘身上，就像一堆雪壓在她的身上。

拇指姑娘走出樹林找吃的，
樹林外是一片麥田，
可是麥子已經收割，只剩下光禿禿的麥梗。
拇指姑娘又餓又冷，昏倒在麥田裡，
幸好田鼠婆婆看到，收留了她。

一天田鼠婆婆說：
「我的鄰居鼴鼠要來看我，
他很有錢，如果你嫁給他，就不愁吃穿了。」
鼴鼠果然愛上了拇指姑娘，
可是拇指姑娘並不想和瞎眼的鼴鼠結婚。

鼴鼠為了可以經常看到拇指姑娘，
特地從他家，挖了一條地道到田鼠婆婆家。

有一天他請田鼠婆婆和拇指姑娘到地道裡散步，
發現地道裡有一隻凍僵的燕子。

拇指姑娘那隻燕子覺得可憐，
便用草葉編成一條席子，給燕子蓋上，
再用棉花塞滿燕子身邊，
原本凍僵的燕子，因為溫暖又活了過來。

拇指姑娘用心的照顧燕子，
讓燕子在地道裡度過了一個冬天，
這些事情田鼠婆婆和鼴鼠先生都不知道。

春天到了，燕子要走了。
燕子問拇指姑娘：「你願不願意跟我一起離開？」
拇指姑娘搖搖頭，說：
「如果我悄悄離開，田鼠婆婆一定會很難過的。」
燕子聽了，歎口氣，展翅飛向陽光。

鼴鼠先生告訴田鼠婆婆，他想娶拇指姑娘做老婆。
拇指姑娘對田鼠婆婆說：
「我不要跟鼴鼠先生結婚，更不想一輩子住在地道裡。」
田鼠婆婆聽了很生氣，她說：
「嫁給有錢的鼴鼠，有什麼不好？
你要是不肯聽話，我就要用牙咬你囉！」

拇指姑娘非常害怕，只好答應。
結婚那天，鼴鼠先生打扮得整整齊齊，從地道走過來迎娶新娘。
拇指姑娘正準備跟鼴鼠先生走進地道的時候，
聽到空中傳來「滴哩」的歌聲，
原來是那隻燕子回來了！

燕子再次問拇指姑娘：「你願不願意跟我走？」
「我願意！」
拇指姑娘說完，騎在燕子背上，
燕子帶著拇指姑娘，飛到一個溫暖的國度。

他把拇指姑娘放在一朵花上
拇指姑娘看見花中央坐著一個小小的男人。
這人的頭上戴著花冠，肩膀上有一對小小的翅膀，
原來他就是花精靈的國王。

國王問拇指姑娘，願不願意當他的王后？
拇指姑娘高興的答應了。
於是國王和拇指姑娘舉行盛大的婚禮，過著幸福的生活。