癩蝦蟆和鼴鼠都想娶拇指姑娘，可是拇指姑娘不想嫁，幸好她之前幫助過燕子，燕子帶來她到花精靈的國家，拇指姑娘才能獲得幸福。

頭擺有一個細妹人，佢無降細人仔，當希望做得有一個細人仔。
有一日，佢得着一粒花仁，無幾久花仁暴芽，開出一蕊鬱金香，
花苞裡背坐咧一隻淨半截手指公恁大个細妹仔，
細妹人當歡喜个講：「恁細隻个細妹仔，還得人惜哦。」

佢提一粒桃核來，分手指公姑娘準眠床，
再過提紫羅蘭花皮準眠床墊，玫瑰花皮做被，
同時在桌崠放一盆水，水肚放一皮花，
分手指公姑娘做得坐在花皮頂高划船仔。

有一日暗晡，蟾蜍阿姆䀴着手指公姑娘，想愛討轉去做心婦，
佢摎手指公姑娘帶轉屋下去，摎手指公姑娘䌈在一皮蓮葉面項。
毋過，手指公姑娘毋肯嫁分蟾蜍，佢唩到當傷心。
細魚仔摎揚蝶仔當毋盼得手指公姑娘，
細魚仔𢯭手摎蓮葉仔个根咬斷，揚蝶仔拉等蓮葉向前飛，
帶手指公姑娘對蟾蜍个屋下走出去咧。

無幾久，有一隻大金蛄仔飛過來，佢當中意手指公姑娘，
就摎手指公姑娘抓走，飛到一頭樹仔崠，
這央時，其他个金蛄仔乜飛等過來講：
「有六支腳，佢淨兩支，生到還奇怪哦！」
大金蛄聽咧，試着大家講个異有道理，
就摎手指公姑娘擲在一蕊花頂高，飛走哩。

手指公姑娘用草葉摎自家編咧一頂細眠床，
再過摎細眠床吊在一皮大葉仔个下背。
恁樣，落雨天就毋驚分雨涿濕哩。

毋過，寒天到咧，大葉仔燥忒咧，淨伸着一條根，
手指公姑娘試着當寒，
佢个衫都爛忒咧，雪打在手指公姑娘个膴身頂高，就像分一大堆个雪矺等。

手指公姑娘行出樹林个外背來尋食，
樹林外背係一大片个麥田，
毋過麥仔既經割忒，淨伸着光華華仔个麥仔稈。
手指公姑娘又枵又寒，在麥仔田昏忒哩，
好得田鼠阿婆䀴着，收留佢。

有一日田鼠阿婆講：
「𠊎鄰舍逩地龍愛來䀴𠊎，
佢當有錢，你係嫁分佢，食著就毋使愁哦。」
逩地龍斷真愛着手指公姑娘呢，
毋過手指公姑娘毋想摎青瞑个逩地龍結婚。

逩地龍為着輒輒䀴着手指公姑娘，
䟓䟓對佢个屋下，挖咧一條地道來田鼠阿婆个屋下哦。

有一日佢請田鼠阿婆摎手指公姑娘來地道裡背散步，
䀴着地道裡背有一隻凍到硬鉸硬鉸个燕仔。

手指公姑娘試着該隻燕仔當衰過，
就用草葉編一條毯仔，弇到燕仔身項，
還過用棉花摎燕仔个脣項塞到淰淰，
原本凍到硬鉸个燕仔，因為燒暖咧又返生哩喲。

手指公姑娘用心个照顧燕仔，
分燕仔在地道裡背過咧歸隻寒天，
這兜事情田鼠阿婆摎逩地龍先生都毋知。

春天到咧，燕仔愛走哩。
燕仔問手指公姑娘：「你肯摎𠊎共下離開無？」
手指公姑娘緊拂頭，講：
「係講𠊎恬恬仔離開，田鼠阿婆定著會當傷心」
燕仔聽咧，敨咧一口氣，翼翍翍仔飛向日頭光該片去咧。

逩地龍先生摎田鼠阿婆講，佢想愛討手指公姑娘做餔娘哦。
手指公姑娘對田鼠阿婆講，
「𠊎無愛摎逩地龍先生結婚，乜毋想一生人戴在地道裡背呢。」
田鼠阿婆聽咧當閼，佢講：
「嫁分好額个逩地龍，有麼个毋好？
你係毋聽話，𠊎就愛用牙齒咬你哩喲！」

手指公姑娘十分驚，高不將應佢哩。
結婚該日，逩地龍先生打扮到當正，對地道行過來迎親哩喲。
手指公姑娘當當準備跈逩地龍先生行入地道个時節，
聽着半天頂傳來「滴哩滴哩」个歌聲，
原來係該隻燕仔轉來哩！

燕仔再過問手指公姑娘：「你肯跈𠊎走無？」
「好，𠊎肯！」
手指公姑娘講忒，騎在燕仔背囊項，
燕仔帶等手指公姑娘，飛到一個燒暖个國家。

佢摎手指公姑娘放在一蕊花肚，
手指公姑娘䀴着花中央坐等一個細細隻个男仔人。
這儕人个頭那頂戴等花冠，肩頭項有一對細細仔个翼胛，
原來佢就係花精靈个國王哦。

國王問手指公姑娘，肯做佢个王后無？
手指公姑娘歡喜个應好哩喲。
所以國王摎手指公姑娘辦咧當鬧熱个婚禮，過等幸福个日仔。






【華語原文】

從前有個女人，她沒生小孩，很希望能有一個孩子。
有一天，她得到一顆種子，不久種子長大，開出一朵鬱金香，
花瓣裡面坐著一個只有半個拇指大的小女孩，
女人很高興說：「好小的姑娘，真可愛。」

她拿來一顆桃核，給拇指姑娘當床，
再拿紫羅蘭花瓣當床墊，玫瑰花瓣做被子，
同時在桌子上放了一盆水，水裡放一片花瓣，
讓拇指姑娘可以坐在花瓣上划船。

有一天晚上，癩蝦蟆媽媽看到拇指姑娘，想給兒子做新娘，
她把拇指姑娘帶回家，把拇指姑娘綁在一片蓮葉上。
可是，拇指姑娘並不願意嫁給癩蝦蟆，她哭得很傷心。
小魚和蝴蝶非常同情拇指姑娘，
小魚幫忙把蓮葉的莖咬斷，蝴蝶拉著蓮葉往前飛，
帶著拇指姑娘逃出癩蝦蟆的家。

不久，有隻大金龜子飛過來，他很喜歡拇指姑娘，
便抓起拇指姑娘飛到一棵樹上。
這時其他的金龜子飛過來，說：
「我們有六條腿，她只有兩條，長得好奇怪！」
大金龜子聽了，覺得大家說得很有道理，
就把拇指姑娘扔在一朵花上，飛走了。

拇指姑娘用草葉給自己編了一張小床，
再把小床掛在一片大葉子下面。
這樣，下雨天就不怕被雨水打濕了。

然而，冬天到了，大葉子枯萎了，只剩下一根莖，
拇指姑娘覺得好冷，她的衣服都破了，
雪花打在拇指姑娘身上，就像一堆雪壓在她的身上。

拇指姑娘走出樹林找吃的，
樹林外是一片麥田，
可是麥子已經收割，只剩下光禿禿的麥梗。
拇指姑娘又餓又冷，昏倒在麥田裡，
幸好田鼠婆婆看到，收留了她。

一天田鼠婆婆說：
「我的鄰居鼴鼠要來看我，
他很有錢，如果你嫁給他，就不愁吃穿了。」
鼴鼠果然愛上了拇指姑娘，
可是拇指姑娘並不想和瞎眼的鼴鼠結婚。

鼴鼠為了可以經常看到拇指姑娘，
特地從他家，挖了一條地道到田鼠婆婆家。

有一天他請田鼠婆婆和拇指姑娘到地道裡散步，
發現地道裡有一隻凍僵的燕子。

拇指姑娘那隻燕子覺得可憐，
便用草葉編成一條席子，給燕子蓋上，
再用棉花塞滿燕子身邊，
原本凍僵的燕子，因為溫暖又活了過來。

拇指姑娘用心的照顧燕子，
讓燕子在地道裡度過了一個冬天，
這些事情田鼠婆婆和鼴鼠先生都不知道。

春天到了，燕子要走了。
燕子問拇指姑娘：「你願不願意跟我一起離開？」
拇指姑娘搖搖頭，說：
「如果我悄悄離開，田鼠婆婆一定會很難過的。」
燕子聽了，歎口氣，展翅飛向陽光。

鼴鼠先生告訴田鼠婆婆，他想娶拇指姑娘做老婆。
拇指姑娘對田鼠婆婆說：
「我不要跟鼴鼠先生結婚，更不想一輩子住在地道裡。」
田鼠婆婆聽了很生氣，她說：
「嫁給有錢的鼴鼠，有什麼不好？
你要是不肯聽話，我就要用牙咬你囉！」

拇指姑娘非常害怕，只好答應。
結婚那天，鼴鼠先生打扮得整整齊齊，從地道走過來迎娶新娘。
拇指姑娘正準備跟鼴鼠先生走進地道的時候，
聽到空中傳來「滴哩」的歌聲，
原來是那隻燕子回來了！

燕子再次問拇指姑娘：「你願不願意跟我走？」
「我願意！」
拇指姑娘說完，騎在燕子背上，
燕子帶著拇指姑娘，飛到一個溫暖的國度。

他把拇指姑娘放在一朵花上
拇指姑娘看見花中央坐著一個小小的男人。
這人的頭上戴著花冠，肩膀上有一對小小的翅膀，
原來他就是花精靈的國王。

國王問拇指姑娘，願不願意當他的王后？
拇指姑娘高興的答應了。
於是國王和拇指姑娘舉行盛大的婚禮，過著幸福的生活。