癩蝦蟆和鼴鼠都想娶拇指姑娘，可是拇指姑娘不想嫁，幸好她之前幫助過燕子，燕子帶來她到花精靈的國家，拇指姑娘才能獲得幸福。

頭擺有一個細妹，佢無降細人，當希望有一個細人。
有一日，佢得着一粒仁，無幾久仁暴芽，開出一蕊鬱金香，
花苞裡肚坐一個半截手指公恁大个細阿妹，
細妹當歡喜个講：「恁細漢个細阿妹，恁得人惜。」

佢拿一粒桃核來 分手指公姑娘準眠床，
過再拿紫羅蘭花皮準眠床墊，玫瑰花皮做被，
同時在桌面放一盆水，水肚放一皮花皮，
分手指公姑娘使得坐在花皮肚撐船。

有一日暗晡，蟾蜍阿姆看着手指公姑娘，想愛討轉去做心臼，
佢同手指公姑娘帶轉屋家，同手指公姑娘䌈在一皮蓮葉上背，
毋過，手指公姑娘毋肯嫁分蟾蜍，佢噭去當傷心。
細魚同擛看著已毋盼得，
細魚𢯭手同蓮葉梗（guang^）咬斷，擛拉核蓮葉向前飛，
帶手指公姑娘對蟾蜍个屋家走出去。

無幾久，有一隻大金蛄飛過來，佢當中意手指公姑娘，
斯同手指公姑娘挱（音sa＋）走飛去另外一頭樹項。
這央時已多金蛄飛過來，講：
「有六隻腳，佢單淨兩隻腳，生來還奇怪唷！」
大金蛄聽着，試着大家講个有道理，
將手指公姑娘擲在一蕊花項，飛走咧。

手指公姑娘用草葉編織一頂細眠床，
過再將細眠床吊在一皮大葉下背。
恁泥，落雨天斯毋驚分雨水涿濕咧。

毋過，寒天到咧，大樹葉燥撇咧，伸着一枝樹椏（va＋），
手指公姑娘試着當寒，厥衫都爛撇咧，
雪打在手指公姑娘圓身，斯像分一大堆个雪矺緊。

手指公姑娘行出樹林外背尋食个東西，
樹林外背係一大片个麥田，
毋過麥既經割撇，淨伸着一支光光个麥稈。
手指公姑娘又枵（iau＋）又寒 在麥田肚失魂咧，
好得分山壕（hoˇ）鼠阿婆看着，收留佢。

有一日山壕鼠阿婆講：
「吾鄰舍逩地鼠愛來遶（lau＋）𠊎，
佢已好額，你係嫁分佢，食著斯毋使愁咧。」
逩地鼠正經愛着手指公姑娘，
毋過手指公姑娘毋想同睛盲个逩地鼠結婚。

逩地鼠為着愛輒輒看得着手指公姑娘，
䟓䟓對厥屋家，挖一條磅空透到山壕鼠阿婆个屋家。

有一日佢請山壕鼠阿婆同手指公姑娘來磅空裡背散步，
看着磅空裡背有一隻凍去硬䟓䟓（dangˋ）个燕。

手指公姑娘試着該隻燕當衰過，
斯用草葉編一領毯，蓋在燕子个圓身，
還過用棉花同燕个邊脣塞淰淰，
原本凍去硬鉸个燕，因致燒暖又返生咧。

手指公姑娘用心照顧燕，
分燕子在磅空肚過一個寒天，
這兜事情山壕鼠阿婆同逩地鼠先生做下都毋知。

春天到咧，燕愛走咧。
燕問手指公姑娘：「你愛同𠊎共下離開無？」
手指公姑娘拂（音finˋ）頭，講：
「係講𠊎恬恬離開，山壕鼠阿婆定著會當傷心。」
燕聽了，敨一口大氣，翼翍翍向日頭飛去。

逩地鼠同山壕鼠阿婆講，佢想愛討手指公姑娘做餔娘。
手指公姑娘回山壕鼠阿婆講：
「𠊎無愛同逩地鼠結婚，毋想一生人戴在磅空肚。」
山壕鼠阿婆聽了當譴：
「嫁分好額个逩地鼠，有麼个毋好？
你係毋聽講，𠊎斯愛用牙齒咬你囉！」

手指公姑娘當驚，高不將答應咧。
結婚該日，逩地鼠打扮都派頭派頭，對磅空行過來迎親。
手指公姑娘當在準備跈逩地鼠行入地道个時節，
聽着半天頂傳來「滴哩」个歌聲，
原來係該隻燕轉來咧！

燕過再問手指公姑娘：「你肯跈𠊎走無？」
「𠊎肯！」
手指公姑娘講撇，騎在燕背囊頂，
燕帶緊手指公姑娘，飛到一個燒暖个國度。

佢同手指公姑娘放在一蕊花頂，
手指公姑娘看着花中央坐等一個細細漢个男人。
這個人頭那戴花冠，肩頭項有一對細細个翼，
原來佢斯係花精靈个國王。

國王問手指公姑娘，肯做厥王后無？
手指公姑娘歡喜應（音en ˋ）好。
國王同手指公姑娘辦當鬧熱个婚禮，一生人幸福過日。






【華語原文】

從前有個女人，她沒生小孩，很希望能有一個孩子。
有一天，她得到一顆種子，不久種子長大，開出一朵鬱金香，
花瓣裡面坐著一個只有半個拇指大的小女孩，
女人很高興說：「好小的姑娘，真可愛。」

她拿來一顆桃核，給拇指姑娘當床，
再拿紫羅蘭花瓣當床墊，玫瑰花瓣做被子，
同時在桌子上放了一盆水，水裡放一片花瓣，
讓拇指姑娘可以坐在花瓣上划船。

有一天晚上，癩蝦蟆媽媽看到拇指姑娘，想給兒子做新娘，
她把拇指姑娘帶回家，把拇指姑娘綁在一片蓮葉上。
可是，拇指姑娘並不願意嫁給癩蝦蟆，她哭得很傷心。
小魚和蝴蝶非常同情拇指姑娘，
小魚幫忙把蓮葉的莖咬斷，蝴蝶拉著蓮葉往前飛，
帶著拇指姑娘逃出癩蝦蟆的家。

不久，有隻大金龜子飛過來，他很喜歡拇指姑娘，
便抓起拇指姑娘飛到一棵樹上。
這時其他的金龜子飛過來，說：
「我們有六條腿，她只有兩條，長得好奇怪！」
大金龜子聽了，覺得大家說得很有道理，
就把拇指姑娘扔在一朵花上，飛走了。

拇指姑娘用草葉給自己編了一張小床，
再把小床掛在一片大葉子下面。
這樣，下雨天就不怕被雨水打濕了。

然而，冬天到了，大葉子枯萎了，只剩下一根莖，
拇指姑娘覺得好冷，她的衣服都破了，
雪花打在拇指姑娘身上，就像一堆雪壓在她的身上。

拇指姑娘走出樹林找吃的，
樹林外是一片麥田，
可是麥子已經收割，只剩下光禿禿的麥梗。
拇指姑娘又餓又冷，昏倒在麥田裡，
幸好田鼠婆婆看到，收留了她。

一天田鼠婆婆說：
「我的鄰居鼴鼠要來看我，
他很有錢，如果你嫁給他，就不愁吃穿了。」
鼴鼠果然愛上了拇指姑娘，
可是拇指姑娘並不想和瞎眼的鼴鼠結婚。

鼴鼠為了可以經常看到拇指姑娘，
特地從他家，挖了一條地道到田鼠婆婆家。

有一天他請田鼠婆婆和拇指姑娘到地道裡散步，
發現地道裡有一隻凍僵的燕子。

拇指姑娘那隻燕子覺得可憐，
便用草葉編成一條席子，給燕子蓋上，
再用棉花塞滿燕子身邊，
原本凍僵的燕子，因為溫暖又活了過來。

拇指姑娘用心的照顧燕子，
讓燕子在地道裡度過了一個冬天，
這些事情田鼠婆婆和鼴鼠先生都不知道。

春天到了，燕子要走了。
燕子問拇指姑娘：「你願不願意跟我一起離開？」
拇指姑娘搖搖頭，說：
「如果我悄悄離開，田鼠婆婆一定會很難過的。」
燕子聽了，歎口氣，展翅飛向陽光。

鼴鼠先生告訴田鼠婆婆，他想娶拇指姑娘做老婆。
拇指姑娘對田鼠婆婆說：
「我不要跟鼴鼠先生結婚，更不想一輩子住在地道裡。」
田鼠婆婆聽了很生氣，她說：
「嫁給有錢的鼴鼠，有什麼不好？
你要是不肯聽話，我就要用牙咬你囉！」

拇指姑娘非常害怕，只好答應。
結婚那天，鼴鼠先生打扮得整整齊齊，從地道走過來迎娶新娘。
拇指姑娘正準備跟鼴鼠先生走進地道的時候，
聽到空中傳來「滴哩」的歌聲，
原來是那隻燕子回來了！

燕子再次問拇指姑娘：「你願不願意跟我走？」
「我願意！」
拇指姑娘說完，騎在燕子背上，
燕子帶著拇指姑娘，飛到一個溫暖的國度。

他把拇指姑娘放在一朵花上
拇指姑娘看見花中央坐著一個小小的男人。
這人的頭上戴著花冠，肩膀上有一對小小的翅膀，
原來他就是花精靈的國王。

國王問拇指姑娘，願不願意當他的王后？
拇指姑娘高興的答應了。
於是國王和拇指姑娘舉行盛大的婚禮，過著幸福的生活。