癩蝦蟆和鼴鼠都想娶拇指姑娘，可是拇指姑娘不想嫁，幸好她之前幫助過燕子，燕子帶來她到花精靈的國家，拇指姑娘才能獲得幸福。

頭擺有一個婦人家，佢無降細人仔，當希望做得有一個細人仔。
有一日，佢得着一粒仁，無幾久仁暴芽，開出一蕊鬱金香，
花苞裡背坐一隻半截手指公恁大个細阿妹仔，
婦人家當歡喜講：「恁細隻个細阿妹仔，還得人惜。」

佢拿一粒桃核來，分手指公細阿妹仔做眠床，
再過拿紫羅蘭花皮做眠床墊仔，玫瑰花皮做被，
還在桌頂放一盆水，水肚放一皮花皮，
分手指公細阿妹仔做得坐在花皮頂準船仔划。

有一日暗晡，蟾蜍阿姆看着手指公細阿妹仔，想愛討轉去做心臼，
佢摎手指公細阿妹仔渡轉屋下，摎手指公細阿妹仔䌈在一皮蓮葉頂，
毋過，手指公細阿妹仔毋肯嫁分蟾蜍，佢噭到當傷心。
細魚仔摎擛仔當毋盼得手指公細阿妹，
細魚仔𢯭手摎蓮葉根咬斷，擛仔拉等蓮葉向前飛，
拉等手指公細阿妹對蟾蜍个屋下走出去。

無幾久，有一隻大金蛄仔飛過來，佢當中意手指公細阿妹仔，
就摎手指公細阿妹仔抓（音saˋ）走，飛到一頭樹仔項。
這量時，其他个金蛄仔乜飛過來，講：
「俚有六支腳，佢正兩支，生到還奇怪哦！」
大金蛄仔聽了，試着大家講个已有道理，
就摎手指公細阿妹仔擲在一蕊花頂高，自家飛走咧。

手指公細阿妹仔用草葉仔摎自家編一頂細眠床，
再過摎細眠床吊在一皮大葉仔下背。
恁樣，落水天就毋驚分水涿溼咧。

毋過，冷天到咧，大葉仔燥忒，斯伸着一條莖，
手指公細阿妹仔試着當冷，佢个衫都爛忒咧，
雪打在手指公細阿妹仔身上，就像一大堆雪矺在佢膴身頂。

手指公細阿妹仔行出樹林去尋食，
樹林背係一大片麥田，
毋過麥仔早斯割忒，斯伸着光光个麥稈。
手指公細阿妹仔又枵又冷 在麥田肚昏忒咧，
好得田鼠阿婆看着，收留佢。

有一日田鼠阿婆講：
「𠊎个鄰舍逩地鼠愛來看𠊎，
佢當有錢，你係嫁分佢，食著就毋使愁咧。」
逩地鼠斷真愛着手指公細阿妹仔，
毋過手指公細阿妹仔毋想摎青瞑个逩地鼠結婚。

逩地鼠為着做得長透看着手指公細阿妹仔，
䟓䟓對厥屋下，挖一條地窿到田鼠阿婆个屋下。

有一日佢請田鼠阿婆摎手指公細阿妹仔來地窿裡背散步，
發現地窿肚有一隻凍到硬鉸硬鉸个燕仔。

手指公細阿妹仔試着該隻燕仔當衰過，
就用草葉仔編一條毯仔，分燕仔蓋，
還過用棉花摎燕仔脣塞（cedˋ）到塞塞（sedˋ sed），
原本凍到硬鉸硬鉸个燕仔，因為膴身燒暖咧又返生轉來。

手指公細阿妹仔用心照顧燕仔，
分燕仔在地窿肚過一隻冷天，
這兜事情田鼠阿婆摎逩地鼠先生都毋知。

春天到，燕仔愛走咧。
燕仔問手指公細阿妹仔：「你肯摎𠊎共下走無？」
手指公細阿妹仔緊拂（音finˇ）頭，講：
「係講𠊎恬恬離開，田鼠阿婆定著會當傷心。」
燕仔聽咧，敨一口氣，撥翼飛向日頭。

逩地鼠先生摎田鼠阿婆講，佢想愛討手指公細阿妹仔做餔娘。
手指公細阿妹仔對田鼠阿婆講：
「𠊎無愛摎逩地鼠先生結婚，還較毋想一生人戴在地窿肚。」
田鼠阿婆聽了（liauˊ）當閼，佢講：
「嫁分好額个逩地鼠，有麼个毋好？
你係毋聽話，𠊎就愛用牙齒咬你囉！」

手指公細阿妹仔當驚，無奈何答應咧。
結婚該日，逩地鼠先生打扮到亮亮（langˇ langˇ），對地窿行過來迎親。
手指公細阿妹仔當當準備跈逩地鼠先生行入地窿該下，
聽着半天頂傳來「滴咧」个歌聲，
原來係該隻燕仔轉來咧！

燕仔過（goˊ）問手指公細阿妹仔：「你肯跈𠊎走無？」
「𠊎肯！」
手指公細阿妹仔講忒，騎在燕仔背囊頂，
燕仔帶等手指公細阿妹仔，飛到一隻燒暖个國家。

佢摎手指公細阿妹仔放在一蕊花頂，
手指公細阿妹仔看着花中央坐一個細細隻个男仔人。
這人个頭那頂戴等花冠，肩頭頂有一對細細仔个翼，
原來佢就係花精靈个國王。

國王問手指公細阿妹仔，肯做厥王后無？
手指公細阿妹仔歡喜應（音enˇ ）好。
所以國王摎手指公細阿妹仔辦一場當鬧熱个婚禮，過幸福个日仔。






【華語原文】

從前有個女人，她沒生小孩，很希望能有一個孩子。
有一天，她得到一顆種子，不久種子長大，開出一朵鬱金香，
花瓣裡面坐著一個只有半個拇指大的小女孩，
女人很高興說：「好小的姑娘，真可愛。」

她拿來一顆桃核，給拇指姑娘當床，
再拿紫羅蘭花瓣當床墊，玫瑰花瓣做被子，
同時在桌子上放了一盆水，水裡放一片花瓣，
讓拇指姑娘可以坐在花瓣上划船。

有一天晚上，癩蝦蟆媽媽看到拇指姑娘，想給兒子做新娘，
她把拇指姑娘帶回家，把拇指姑娘綁在一片蓮葉上。
可是，拇指姑娘並不願意嫁給癩蝦蟆，她哭得很傷心。
小魚和蝴蝶非常同情拇指姑娘，
小魚幫忙把蓮葉的莖咬斷，蝴蝶拉著蓮葉往前飛，
帶著拇指姑娘逃出癩蝦蟆的家。

不久，有隻大金龜子飛過來，他很喜歡拇指姑娘，
便抓起拇指姑娘飛到一棵樹上。
這時其他的金龜子飛過來，說：
「我們有六條腿，她只有兩條，長得好奇怪！」
大金龜子聽了，覺得大家說得很有道理，
就把拇指姑娘扔在一朵花上，飛走了。

拇指姑娘用草葉給自己編了一張小床，
再把小床掛在一片大葉子下面。
這樣，下雨天就不怕被雨水打濕了。

然而，冬天到了，大葉子枯萎了，只剩下一根莖，
拇指姑娘覺得好冷，她的衣服都破了，
雪花打在拇指姑娘身上，就像一堆雪壓在她的身上。

拇指姑娘走出樹林找吃的，
樹林外是一片麥田，
可是麥子已經收割，只剩下光禿禿的麥梗。
拇指姑娘又餓又冷，昏倒在麥田裡，
幸好田鼠婆婆看到，收留了她。

一天田鼠婆婆說：
「我的鄰居鼴鼠要來看我，
他很有錢，如果你嫁給他，就不愁吃穿了。」
鼴鼠果然愛上了拇指姑娘，
可是拇指姑娘並不想和瞎眼的鼴鼠結婚。

鼴鼠為了可以經常看到拇指姑娘，
特地從他家，挖了一條地道到田鼠婆婆家。

有一天他請田鼠婆婆和拇指姑娘到地道裡散步，
發現地道裡有一隻凍僵的燕子。

拇指姑娘那隻燕子覺得可憐，
便用草葉編成一條席子，給燕子蓋上，
再用棉花塞滿燕子身邊，
原本凍僵的燕子，因為溫暖又活了過來。

拇指姑娘用心的照顧燕子，
讓燕子在地道裡度過了一個冬天，
這些事情田鼠婆婆和鼴鼠先生都不知道。

春天到了，燕子要走了。
燕子問拇指姑娘：「你願不願意跟我一起離開？」
拇指姑娘搖搖頭，說：
「如果我悄悄離開，田鼠婆婆一定會很難過的。」
燕子聽了，歎口氣，展翅飛向陽光。

鼴鼠先生告訴田鼠婆婆，他想娶拇指姑娘做老婆。
拇指姑娘對田鼠婆婆說：
「我不要跟鼴鼠先生結婚，更不想一輩子住在地道裡。」
田鼠婆婆聽了很生氣，她說：
「嫁給有錢的鼴鼠，有什麼不好？
你要是不肯聽話，我就要用牙咬你囉！」

拇指姑娘非常害怕，只好答應。
結婚那天，鼴鼠先生打扮得整整齊齊，從地道走過來迎娶新娘。
拇指姑娘正準備跟鼴鼠先生走進地道的時候，
聽到空中傳來「滴哩」的歌聲，
原來是那隻燕子回來了！

燕子再次問拇指姑娘：「你願不願意跟我走？」
「我願意！」
拇指姑娘說完，騎在燕子背上，
燕子帶著拇指姑娘，飛到一個溫暖的國度。

他把拇指姑娘放在一朵花上
拇指姑娘看見花中央坐著一個小小的男人。
這人的頭上戴著花冠，肩膀上有一對小小的翅膀，
原來他就是花精靈的國王。

國王問拇指姑娘，願不願意當他的王后？
拇指姑娘高興的答應了。
於是國王和拇指姑娘舉行盛大的婚禮，過著幸福的生活。