海王的小女兒在暴風雨救了人類的王子，從此她愛上王子，寧願用自己美妙的聲音，換取兩條腿，好待在王子的身邊。究竟人魚公主能不能得到王子的愛呢？

在盡遠盡遠个大海裡背有一座皇宮，宮殿外背个牆頭係用珊瑚結个，
宮殿个窗仔楔等琥珀，海王就歇在這座宮殿裡背。
佢有一個老阿姆同六個妹仔，
阿婆个頭那毛老啊轉白吔，在水項分水打等，就像一蕊散開个白雲。

阿婆盡惜海王个六個妹仔
六個公主都盡鬧，尤其係最細个該个，
毋過佢同阿婆、阿姊佢等共樣，無腳淨有一條魚仔个尾。

宮殿外背有一個花園，細公主在花園裡背放吔一尊後生細倈个人公仔。
佢盡好庰在自家个細花園裡背，
恬恬仔愐：陸地項个世界到底係麼个樣仔？
陸地項个人係毋係都同這尊人公仔共樣得人惜？

細公主問佢阿婆，陸地項个事。
阿婆講，陸地項个花有香味，
講就無泅來泅去个魚仔，毋過有飛上飛下个鳥仔。
佢同細公主講，每個細阿妹仔係足十五歲，
就做得去海面項，去看陸地項个世界。

恁無簡單，大阿姊足十五歲吔，
得着阿婆个許可到海面項去看陸地。
大阿姊歸來過後同大家人講，佢看着大城市个燈光緊𥍉。
第二年，輪到二公主。
二公主看着臨暗該下个雲，變等無共樣个色彩，正式盡鬧。

細公主盡無簡單个乜十五歲吔，
佢暢樂个對海底浮到水面，
就在厥頭那對水面探出來該下，看着海面恬等一隻大船。

佢對大船泅過去，
對船仔脣个圓窗仔，看着船艙裡背有盡多人，
圍等一個後生个王子，堵好同佢舉辦生日酒會。
船仔項對天頂射出百過粒个火箭，
晟眼个火花同天頂照到像日時頭樣个光華。

夜深吔，海面个海湧捲激起來，
遠遠个天頂，緊𥍉等爧，大風搓愛來吔！
大船在海湧裡背擉（zug）上擉下激烈个搖，
突然間大船裂開，王子跌入海，就會沉死吔！

細公主無顧危險个對王子泅過去，
佢同王子个頭那托出水面，
細公主發現王子生得盡像海底該尊大理石人公仔，盡緣投、盡餳人看。
佢堪毋得餳个在王子个額頭唚吔一下，希望王子共快昏醒過來。

天光吔，細公主尋着一塊陸地，偎等海脣有一排樹林，
樹林个前面，有一間修道院，
細公主帶等王子對海脣泅過去，同王子放在沙灘項，
無幾久對修道院裡背行出一個後生个細妹仔，
細妹仔發現在沙灘項眠等个王子，
就喊吔過多个人出來，同王子扛入修道院。

細公主同堵着王子个事講分阿姊聽，
阿姊佢等帶佢去王子歇个宮殿，
王子歇个宮殿有一條大理石个石碫，做得直直透到海水裡背。
細公主庰在石碫脣口，恬恬仔聽、偷偷仔看，
每擺看着王子，細公主就會愐起佢在海湧裡背救起王子个情形，
無採王子對這兜事情一息都毋知。

細公主緊來緊中意王子，佢希望做得同王子結公婆，共下生活，
毋過阿婆講，魚人認為盡鬧个尾，人類嗄認為這魚仔尾盡媸，
又搭人有靈魂死吔靈魂升上天堂，魚人死核後嗄變成波（poˊ），
故所人類永遠毋會同魚人結公婆。

阿婆還講：
「人類多得（doˊ dedˋ）就百歲，𠊎等魚人嗄有三百歲个壽年，
今暗晡𠊎等就在王宮舉辦舞會，享受𠊎等个長壽！」

舞會該下大家跳舞唱歌，
其中細公主唱得最好聽，大家都同佢拍手，
毋過細公主心情無麼好，因為佢思念王子。
為着愛，佢甘願犧牲一切，
細公主決心，愛去尋海底个牽仙婆。

牽仙婆歇在大皺螺窟个後背，一個畜等盡多珊瑚蟲个地方。
細公主盡驚，毋過為着做得同王子共下，
佢鼓起勇氣，穿過一哪仔係珊瑚蟲个地方，來到牽仙婆屋家个門口。
牽仙婆同細公主講：
「𠊎知你來愛求麼个，啉吔𠊎个藥水，你个尾就會變做兩支腳，
毋過你行路个時節，愛忍等像分刀仔割等个痛苦，
還有，係講你得毋着王子个愛，
就會在佢結婚過後第二日个朝晨，變做海水个波。
講着這藥仔錢，就係你該餳人个聲音。」

細公主答應吔。
佢帶等牽仙婆合个藥仔，來到王子个宮殿，
在佢啉下藥仔該下，圓身就盡像分刀仔割開，
續下來佢看着自家个尾毋見核，出現吔一雙人个腳。

在王子看着魚人公主該下，帶佢入宮殿，
就算魚人公主毋會講話，還係受着大家个歡迎，
每擺宮中舉辦舞會，細公主忍等痛，用腳指尖挺等圓身跳等舞。
佢，人鬧，跳舞姿勢乜鬧，分大家看到呆核。
王子盡中意佢，不時帶佢共下出去遶尞，
就算佢見行一步路，雙腳都會出血，
毋過佢還係歡歡喜喜同王子樣陣。

有一日王子同細公主講：
「父王監𠊎坐船仔去外國看還無入門个姐仔，
毋過𠊎毋會答應同佢結公婆。
係愛𠊎這下選新娘，𠊎定著會選你，
因為你蓋像係識救過𠊎个細妹仔。」

王子个船仔駛入鄰國首都个港口，在王子看着該个公主黏時講：
「你就係修道院該个細妹仔，多謝你救吔𠊎。」
佢等緪緪个揇共下。

王子愛同鄰國个公主結公婆吔，船仔項點起彩色个燈盞火，舉辦舞會。
半夜細公主企在船仔脣，突然間看着五個阿姊出現在佢面前，
佢等个長頭那毛毋見核吔。

阿姊佢等同一支刀仔擳在甲板項講：
「𠊎等同頭那毛分牽仙婆，求佢同你𢯭手，
牽仙婆分𠊎等一支刀仔，講：
『係在天光以前，同刀仔鍬入王子个胸脯，
你就毋會變波，又還做得恢復（fiˊ fug）魚人个樣仔。』」

細公主揢等刀仔，行到王子脣口，
毋過佢無法度同刀仔鍬下去，因為佢太愛王子吔。
細公主歸到甲板項，
同手項个刀子擳入海裡背，過後跳入海在中。

等到紅紅个日頭升項起來，魚人公主感覺自家个圓身慢慢仔化成波，
佢看向底下，看着王子同新娘在尋佢，
佢等感傷个看等海水，蓋像知佢已經跳入海吔。

細公主在心肝肚同王子辭別，
續下來歡喜个飛向天頂。






【華語原文】

在很遠很遠的大海裡有一座宮殿，宮殿的外牆用珊瑚砌成，
宮殿的窗戶鑲著琥珀，海王就住在這座宮殿裡。
他有一個老母親和六個女兒，
老祖母的頭髮全部變白，在水中漂動著，就像一朵散開的白雲。

老祖母很疼愛海王的六個女兒，
六個公主都很美麗，最小的那一個尤其漂亮，
不過她跟老祖母、姊姊一樣，沒有腿只有一條魚尾巴。

宮殿外有一個花園，小公主在花園裡放了一尊年輕男子的雕像。
她喜歡躲在自己的小花園裡，
靜靜的想，陸地上的世界到底是什麼樣子？
陸地上的人是不是都跟這尊雕像一樣可愛？

小公主問老祖母，陸地上的事。
老祖母說，陸地上的花兒有香氣，
雖然沒有游來遊去的魚兒，卻有飛來飛去的鳥。
她告訴小公主，每個女孩子只要滿十五歲，
就可以到海面上，去看陸地上的世界。

好不容易大姊姊滿十五歲，
得到老祖母的准許到海面上去看陸地。
大姊姊回來以後告訴大家，她看到大城市的燈光閃閃。
第二年，輪到二公主。
二公主看到黃昏時的雲朵變幻著不同的顏色，真是美麗極了。

好不容易小公主也到了十五歲。
她快樂的從海底浮到水面，
當她把頭露出水面時，看到海面上停泊著一艘大船。

她向大船游過去，
從船邊的圓窗，看到船艙裡有許多人，
包圍著一個年輕的王子，正在為他舉行生日酒會。
船上向空中射出一百多發的火箭，
耀眼的火花把天空照得像白天一樣明亮。

夜深了，海面的波浪翻騰起來，
遠遠的天空，閃電一個跟著一個，暴風雨要來了！
大船在波浪中劇烈的搖擺，
忽然大船裂開，王子跌落海中，就要被淹死了！

小公主不顧危險的向王子游過去，
她把王子的頭托出水面，
小公主發現王子長得很像海底那尊大理石雕像，好英俊，好迷人。
她不由得在王子的額頭上親了一下，希望王子趕快醒過來。

天亮了，小公主找到一片陸地，沿著海岸有一片樹林，
樹林的前面，有一間修道院，
小公主帶著王子向沙灘游過去，把王子放在沙灘上，
不久修道院裡走出一個年輕的女孩，
女孩發現躺在沙灘上的王子
便叫了更多的人出來，把王子抬進修道院。

小公主把遇到王子的事告訴姊姊，
姊姊們帶她去王子住的宮殿，
王子住的宮殿有一座大理石的臺階，可以一直走進海水裡。
小公主躲在石階旁邊，靜靜的聽，悄悄的看，
每次看到王子，小公主就會想起她在海浪中救起王子的情形，
可惜王子對這些事情一點也不知道。

小公主越來越喜歡王子，她希望能跟王子結婚，生活在一起，
可是老祖母說，人魚認為魚尾巴很美，人類卻認為魚尾巴很醜，
而且人有靈魂死後靈魂升上天堂，人魚死後卻會化成泡沫，
因此人類永遠不會跟人魚結婚。

老祖母還說：
「人類頂多活一百年，我們人魚卻有三百年的壽命。
今天晚上我們就在王宮開個舞會，享受我們的長壽吧！」

舞會時大家跳舞唱歌，
其中小公主唱得最好聽，大家都為她鼓掌，
但是小公主並不快樂，因為她想念王子。
為了愛，她願意犧牲一切，
小公主下決心，要去找海底的巫婆。

巫婆住在大漩渦的後面，一個種滿了珊瑚蟲的地方。
小公主很害怕，但是為了可以跟王子在一起
她鼓起勇氣，穿過長滿珊瑚蟲的地方，來到巫婆家的門口。
巫婆對小公主說：
「我知道你來求什麼，喝了我的藥，你的魚尾巴就會變成兩條腿，
不過當你走路時，必須忍受刀割一般的痛苦。
還有，假如你得不到王子的愛，
就會在他結婚後的第二天早晨，變成海水的泡沫。
至於藥的報酬，就是你美妙的聲音。」

小公主答應了。
她帶著巫婆給的藥，來到王子的宮殿，
當她喝下藥時，身體就好像被刀子割開，
接著她看到自己的魚尾巴消失，出現了一雙人的腿。

當王子看見人魚公主時，帶她進宮殿，
儘管人魚公主不會說話，還是受到大家的歡迎，
每次宮中舉行舞會，小公主忍著痛，用腳尖支撐身子跳起舞來。
她，人美，舞姿也美，讓大家看得入神。
王子很喜歡她，常帶她一起遊山玩水，
儘管她每走一步路，雙腳都會流血，
但她還是高高興興的陪著王子。

有一天王子對小公主說：
「父王叫我坐船去外國看未婚妻，
不過我不會答應跟她結婚。
如果要我現在選新娘，我一定選你，
因為你很像曾經救過我的女孩。」

王子的船駛進鄰國首都的港口，當王子看到那個公主立刻說：
「你就是修道院的那個女孩，謝謝你救了我。」
他們熱烈的擁抱在一起。

王子要跟鄰國的公主結婚了，船上點起彩燈，舉行舞會。
半夜小公主站在船邊，忽然看到五個姊姊出現在她面前，
她們的長髮不見了。

姊姊們把一把刀子丟在甲板上說：
「我們把頭髮給了巫婆，求她幫助你，
巫婆給了我們一把刀子，說：
『只要你在太陽出來以前，把刀子插進王子的胸膛，
你就不會變成泡沫，並且可以恢復成人魚的模樣。』」

小公主握著刀子，走到王子身邊，
但是她無法把刀子插下去，因為她太愛王子了。
小公主回到甲板上，
把手裡的刀子扔進了海水，然後跳入海中。

當紅紅的太陽升起，人魚公主覺得自己的身體正慢慢的化成泡沫，
她往下看，看到王子和新娘在找她，
他們哀傷的看著海水，好像知道她已經跳到海裡去了。

小公主在心中跟王子告別，
然後愉快的向天空飛升。