海王的小女兒在暴風雨救了人類的王子，從此她愛上王子，寧願用自己美妙的聲音，換取兩條腿，好待在王子的身邊。究竟人魚公主能不能得到王子的愛呢？

在真遠真遠个大海內底有一座宮殿，宮殿个外牆用珊瑚疊个，
宮殿个窗子門鑲琥珀，海王即蹛在這座宮殿內底。
佢有一個老阿依和六個阿女，
老阿婆个頭那毛白雪雪，在水內底漂動，即像一蕊散開的个白雲。

老阿婆真惜海王个六個阿女，
六個公主攏真靚，頭細个遐個特別靚，
毋過佢和老阿婆、阿姊共款，無腳髀，正有一條魚尾。

宮殿外頭有一個花園，小公主在花園內底囥一身少年个雕像。
佢佮意藏在自家个小花園內底，
恬恬子想：陸地上个世界鬥底係麼个樣？
陸地上个人係毋係攏和這身雕像共款得人惜？

小公主問老阿婆，陸地上个事。
老阿婆講，陸地上个花有香氣，
雖然無泅來泅去个魚，毋過有飛來飛去个鳥。
佢拁小公主講，逐個妹子若滿十五歲，
即會用到海面上，去䀴陸地上个世界。

真無簡單，大阿姊滿十五歲啊，
得着老阿婆个同意到海面起去䀴陸地。
大阿姊轉來了後拁大家講，佢䀴着大城市个燈火直頭𥍉。
第二年，輪着二公主。
二公主䀴着烏昏時个雲變換無共个色地，實在滿足靚。

真無簡單，小公主嘛到位十五歲啊。
佢歡歡喜喜對海底浮到水面，
在佢拁頭探出水面遐時，䀴着海面上歇一隻大船。

佢向大船泅過去，
對船脣个圓窗，䀴着船艙內底有歸大陣人，
拁一個少年个王子圍蹛，在拁佢辦生日酒會。
大船向空中射出一百外發个煙火，
晟目个火花拁天崠照到像日時頭共款光。

到半夜，海面个波浪滾絞起來，
遠遠个天崠，𥍉爧一下擱一下，大風雨討來啊！
大船在海湧內底搖搖晃晃，
好定泥大船必開啊，王子跌落海底，即討得水蔭死啊！

小公主無顧着自家个危險向王子泅過去，
佢拁王子个頭那托出水面，
小公主發現王子生到真成海底遐身大理石雕像，真緣投、真迷人。
佢忍毋會核在王子个額頭面上唚一下，希望王子較緊醒過來。

天光啊，小公主尋着一垤陸地，偎海脣行有一片樹林，
樹林个頭前，有一間修道院，
小公主渡王子向沙坪泅過去，拁王子囥在沙坪面上，
無幾久修道院內底行出一個妹子人，
妹子發現倒在沙坪面上个王子，
即喊擱較多人出來，拁王子扛入修道院。

小公主拁堵着王子个事情拁阿姊講，
阿姊佢人即渡佢去王子蹛个宮殿，
王子蹛个宮殿有一座大理石个石礹，會用一直行入海底。
小公主藏在石礹脣頭，恬恬聽、偷偷䀴，
逐擺䀴着王子，小公主即會想着佢在海湧內底救起王子个情形，
無採，王子對這兜事情一兜仔嘛毋知。

小公主越來越佮意王子，佢希望會用和王子結婚，生活作垺，
毋過老阿婆講，人魚感覺魚尾真靚，人類嗄感覺魚尾真䆀樣，
猶擱人有靈魂，死後靈魂升起去天堂，人魚死後嗄會化做泡影，
所以人類攏毋會用和人魚結婚。

老阿婆猶講：
「人類頭多活一百年，人人魚嗄有三百年个壽命。
今日暗夜人即在王宮辦一個舞會，享受人个長壽啊！」

舞會个時大家唱歌跳舞，
其中小公主唱到頭好聽，大家攏拁佢拍手，
毋過小公主嗄無歡喜，因為佢真思念王子。
為着愛，佢甘願歸下放煞，
小公主下定決心，討去尋海底个巫婆。

巫婆蹛在大絞螺水个後背，一個珊瑚蟲生淰淰个所在。
小公主真驚，毋過為着會用和王子作垺，
佢起大膽，穿過珊瑚蟲生淰淰个所在，來到巫婆个屋下門口。
巫婆對小公主講：
「𠊎知你來求麼个，拁𠊎个藥啉落，你个魚尾即會變做兩肢腳，
毋過在你行路个時，愛忍受像刀割共款个艱難。
猶有，假使你得毋會着王子个愛，
即會在佢結婚過後个第二日晨早，變做海水个泡影。
啊若藥个所費，即係你美妙个聲音。」

小公主答應啊。
佢隨巫婆得佢个藥，來到王子个宮殿，
在佢啉落藥水遐時，身體真像得刀割開，
接落佢䀴着自家个魚尾消失啊，變做一雙人个腳。

在王子䀴着人魚公主遐時，即拁佢渡入宮殿，
即算人魚公主毋會講事，猶係得着大家个歡迎，
逐擺宮內辦舞會，小公主即忍疾，用腳尖弓起身體來跳舞。
佢，人靚，舞姿嘛靚，得大家䀴到入神。
王子真佮意佢，不時渡佢作垺滿哪位尞，
即算佢若行一步路，雙腳即會出血，
毋過佢猶係歡歡喜喜和王子做伴。

有一日王子對小公主講：
「父王喊𠊎坐船去外國䀴未婚妻，
毋過𠊎毋會答應和佢結婚。
若係愛𠊎這滿擇新娘，我一定擇你，
因為你真成識救過𠊎个妹子。」

王子个船駛入鄰國首都个港口，王子䀴着遐個公主即隨講：
「你即係修道院个遐個妹子，勞力你拁𠊎救。」
佢人真熱情攬作垺。

王子討和鄰國个公主結婚啊，船上點起彩燈，舉辦舞會。
半夜小公主企在船脣，好定泥䀴着五個阿姊出現在佢面前，
佢人个長頭那毛無去啊。

姊妹佢人拁一支刀擊到甲板講：
「𠊎人拁頭那毛提得巫婆，求佢鬥相共你，
巫婆得𠊎人一支刀，講：
『若你在日頭出來進前，拁刀插入王子个胸坎，
你即毋會變做泡影，擱會用變倒轉人魚个樣。』」

小公主擎刀，行到王子身脣，
毋過佢無法度拁刀插落去，因為佢傷愛王子啊。
小公主轉到甲板，
拁手頭个刀擊入海底，擱來跳入大海。

在紅紅个日頭升起，人魚公主感覺自家个身體慢慢化做泡影，
佢䀴向下，䀴着王子和新娘在尋佢，
佢人真艱難䀴着海水，若像知佢跳到海底去啊。

小公主在心內和王子相辭，
續落快活歡喜向天崠飛起去。






【華語原文】

在很遠很遠的大海裡有一座宮殿，宮殿的外牆用珊瑚砌成，
宮殿的窗戶鑲著琥珀，海王就住在這座宮殿裡。
他有一個老母親和六個女兒，
老祖母的頭髮全部變白，在水中漂動著，就像一朵散開的白雲。

老祖母很疼愛海王的六個女兒，
六個公主都很美麗，最小的那一個尤其漂亮，
不過她跟老祖母、姊姊一樣，沒有腿只有一條魚尾巴。

宮殿外有一個花園，小公主在花園裡放了一尊年輕男子的雕像。
她喜歡躲在自己的小花園裡，
靜靜的想，陸地上的世界到底是什麼樣子？
陸地上的人是不是都跟這尊雕像一樣可愛？

小公主問老祖母，陸地上的事。
老祖母說，陸地上的花兒有香氣，
雖然沒有游來遊去的魚兒，卻有飛來飛去的鳥。
她告訴小公主，每個女孩子只要滿十五歲，
就可以到海面上，去看陸地上的世界。

好不容易大姊姊滿十五歲，
得到老祖母的准許到海面上去看陸地。
大姊姊回來以後告訴大家，她看到大城市的燈光閃閃。
第二年，輪到二公主。
二公主看到黃昏時的雲朵變幻著不同的顏色，真是美麗極了。

好不容易小公主也到了十五歲。
她快樂的從海底浮到水面，
當她把頭露出水面時，看到海面上停泊著一艘大船。

她向大船游過去，
從船邊的圓窗，看到船艙裡有許多人，
包圍著一個年輕的王子，正在為他舉行生日酒會。
船上向空中射出一百多發的火箭，
耀眼的火花把天空照得像白天一樣明亮。

夜深了，海面的波浪翻騰起來，
遠遠的天空，閃電一個跟著一個，暴風雨要來了！
大船在波浪中劇烈的搖擺，
忽然大船裂開，王子跌落海中，就要被淹死了！

小公主不顧危險的向王子游過去，
她把王子的頭托出水面，
小公主發現王子長得很像海底那尊大理石雕像，好英俊，好迷人。
她不由得在王子的額頭上親了一下，希望王子趕快醒過來。

天亮了，小公主找到一片陸地，沿著海岸有一片樹林，
樹林的前面，有一間修道院，
小公主帶著王子向沙灘游過去，把王子放在沙灘上，
不久修道院裡走出一個年輕的女孩，
女孩發現躺在沙灘上的王子
便叫了更多的人出來，把王子抬進修道院。

小公主把遇到王子的事告訴姊姊，
姊姊們帶她去王子住的宮殿，
王子住的宮殿有一座大理石的臺階，可以一直走進海水裡。
小公主躲在石階旁邊，靜靜的聽，悄悄的看，
每次看到王子，小公主就會想起她在海浪中救起王子的情形，
可惜王子對這些事情一點也不知道。

小公主越來越喜歡王子，她希望能跟王子結婚，生活在一起，
可是老祖母說，人魚認為魚尾巴很美，人類卻認為魚尾巴很醜，
而且人有靈魂死後靈魂升上天堂，人魚死後卻會化成泡沫，
因此人類永遠不會跟人魚結婚。

老祖母還說：
「人類頂多活一百年，我們人魚卻有三百年的壽命。
今天晚上我們就在王宮開個舞會，享受我們的長壽吧！」

舞會時大家跳舞唱歌，
其中小公主唱得最好聽，大家都為她鼓掌，
但是小公主並不快樂，因為她想念王子。
為了愛，她願意犧牲一切，
小公主下決心，要去找海底的巫婆。

巫婆住在大漩渦的後面，一個種滿了珊瑚蟲的地方。
小公主很害怕，但是為了可以跟王子在一起
她鼓起勇氣，穿過長滿珊瑚蟲的地方，來到巫婆家的門口。
巫婆對小公主說：
「我知道你來求什麼，喝了我的藥，你的魚尾巴就會變成兩條腿，
不過當你走路時，必須忍受刀割一般的痛苦。
還有，假如你得不到王子的愛，
就會在他結婚後的第二天早晨，變成海水的泡沫。
至於藥的報酬，就是你美妙的聲音。」

小公主答應了。
她帶著巫婆給的藥，來到王子的宮殿，
當她喝下藥時，身體就好像被刀子割開，
接著她看到自己的魚尾巴消失，出現了一雙人的腿。

當王子看見人魚公主時，帶她進宮殿，
儘管人魚公主不會說話，還是受到大家的歡迎，
每次宮中舉行舞會，小公主忍著痛，用腳尖支撐身子跳起舞來。
她，人美，舞姿也美，讓大家看得入神。
王子很喜歡她，常帶她一起遊山玩水，
儘管她每走一步路，雙腳都會流血，
但她還是高高興興的陪著王子。

有一天王子對小公主說：
「父王叫我坐船去外國看未婚妻，
不過我不會答應跟她結婚。
如果要我現在選新娘，我一定選你，
因為你很像曾經救過我的女孩。」

王子的船駛進鄰國首都的港口，當王子看到那個公主立刻說：
「你就是修道院的那個女孩，謝謝你救了我。」
他們熱烈的擁抱在一起。

王子要跟鄰國的公主結婚了，船上點起彩燈，舉行舞會。
半夜小公主站在船邊，忽然看到五個姊姊出現在她面前，
她們的長髮不見了。

姊姊們把一把刀子丟在甲板上說：
「我們把頭髮給了巫婆，求她幫助你，
巫婆給了我們一把刀子，說：
『只要你在太陽出來以前，把刀子插進王子的胸膛，
你就不會變成泡沫，並且可以恢復成人魚的模樣。』」

小公主握著刀子，走到王子身邊，
但是她無法把刀子插下去，因為她太愛王子了。
小公主回到甲板上，
把手裡的刀子扔進了海水，然後跳入海中。

當紅紅的太陽升起，人魚公主覺得自己的身體正慢慢的化成泡沫，
她往下看，看到王子和新娘在找她，
他們哀傷的看著海水，好像知道她已經跳到海裡去了。

小公主在心中跟王子告別，
然後愉快的向天空飛升。