海王的小女兒在暴風雨救了人類的王子，從此她愛上王子，寧願用自己美妙的聲音，換取兩條腿，好待在王子的身邊。究竟人魚公主能不能得到王子的愛呢？

在當遠當遠个大海肚有一座宮殿，宮殿个外牆係用珊瑚結成个，
宮殿个窗門用琥珀鑲个，海龍王斯戴在這座宮殿肚。
龍王有一個老阿姆同六個妹，
老阿奶个頭那毛做下都白撇咧，在水竇浮來浮去，斯像一蕊散開个白雲。

老阿奶當惜海龍王个六個妹，
六個公主都生來已靚，盡細漢該個特別靚，
毋過佢同老阿奶、阿姊共樣無生腳，單淨生有一條魚尾。

宮殿外背有一個花園，小公主在花園裡肚放了一尊後生男子个雕刻（kied^）像。
佢長在囥在自家个細花園裡肚，
恬恬想 陸地上个世界到底係麼个樣相呢？
陸地上个人係毋係都同這尊雕刻像共樣恁得人惜？

小公主問老阿奶，陸地上个事。
老阿奶講，陸地上个花有香氣，
雖然無泅來泅去个魚，毋過有飛來飛去个鳥。
佢同小公主講，每一個細妹有滿十五歲，
斯使得去到海面項，看陸地上个世界。

當無簡單，大姊姊滿十五歲咧，
得著老阿奶个許可上海面去看陸地。
大姊轉來了後同大家講，佢看著大城市个燈光緊𥍉。
第二年，輪著二公主。
二公主看著臨暗時个雲，變換做無共樣个色目，正經靚都講毋得。

當無簡單，小公主也滿十五歲咧。
佢當快樂對海底泅到水面項，
佢堵堵將頭那探（dam+）出水面該下，看著海面停一台大船。

佢向大船泅過去，
對船脣个圓窗，看著船艙肚有已多人，
圍緊一個後生个王子，堵堵替佢舉行生日酒會。
船頂向天空射出一百零發个煙架，
晟眼惹目个火花將天空照去像日時頭恁光恁亮。

三光半夜，海面个海浪緊滾緊高，
遠遠个天空，𥍉爧一條跈緊一條，暴風雨愛來咧！
大船在大浪中搖搖擺擺當大力，
玄玄風大船裂開，王子跌落海竇，硬硬會浸死咧！

小公主無顧危險向王子泅過去，
佢同王子个頭那托出水面，
小公主發覺着王子生來當像海底該尊大理石雕刻像，當俊秀、當迷人，
真自然斯在王子个額頭項唚一下，希望王子遽遽醒過來。

天光咧，小公主尋著一垤陸地，順緊海岸有一片樹林，
樹林个面前，有一間修道院，
小公主帶王子向沙壩泅過去，將王子放在沙壩面，
無幾久修道院裡肚行出一個後生个細阿妹，
細阿妹發覺睡在沙壩个王子，
斯喊較多个人出來，同王子扛入修道院。

小公主將遇著王子个事同阿姊講，
阿姊這兜帶佢去王子戴个宮殿，
王子戴个宮殿有一條大理石舖个梯碫，使得直直行入海水肚。
小公主囥在石梯碫个邊脣，恬恬聽、偷偷看，
逐擺看著王子，小公主斯會愐起佢在海浪中救起王子个情形，
毋過王子對這兜事情一屑都毋知。

小公主越來越中意王子，佢希望使得同王子結婚，共下生活，
毋過老阿奶講，人魚認為魚尾當靚，人類卻認為魚尾當醜，
還過人有靈魂，死後靈魂升上天堂，人魚死後會化做水泡，
人類永遠都毋會同人魚結婚。

老阿奶還講：
「人類盡多食一百年，等人魚已長命，有三百年个壽命，
暗晡夜在王宮有辦舞會，來享受等个長命種啊！」

舞會當中大家跳舞唱歌，
小公主唱來已好聽，大家都拍手用掌聲同佢鼓勵，
毋過小公主毋快樂，佢已想念王子。
為了愛情，佢甘願犧牲所有个一切，
小公主決心，愛去尋海底个巫婆。

巫婆戴在大扭揪窟个後背，一個生淰淰珊瑚蟲个所在。
小公主當青驚，毋過為着愛同王子共下生活，
佢提起勇氣，穿過淰淰珊瑚蟲个所在，來到巫婆屋家門口。
巫婆對小公主講：
「𠊎知你來求𠊎做麼个，食吾這藥，若个魚尾斯會化做兩隻腳，
毋過你行路該下，定著愛忍受像分刀割着恁泥樣个痛苦。
還有，假使講你得毋著王子个愛，
你斯會在佢結婚後个第二日朝脣，化做海水个海泡。
這種藥个價數，斯係愛用若優美个聲音來交換。」

小公主答應咧。
佢帶緊巫婆分佢个藥，來到王子个宮殿，
在佢藥食落去該當時，圓身斯像分刀割開恁疾，
跈緊佢看著自家个魚尾毋見撇，正經生出一雙人个腳。

王子看著人魚公主該下，斯帶佢入宮殿，
雖然人魚公主毋會講話，還係受著大家个歡迎，
每擺宮中舉行舞會，小公主忍緊疾，用腳尖撐起圓身跳舞。
佢，人生來靚，跳舞个款式又輕盈，大家都看去當入神。
王子當中意佢，輒輒帶佢共下遊尞，
衰過佢行一步路，雙腳都會流血，
毋過佢還係歡歡喜喜陪王子出門。

有一日王子對小公主講：
「父王喊𠊎坐船去外國看未婚妻，
毋過𠊎毋會應口同佢結婚。
準講愛𠊎這下選新娘，我定著選你，
因為你當像係識救過𠊎个細阿妹。」

王子个船駛入鄰國首都个港口，在王子看著該個公主黏時斯講：
「你斯係修道院該個細阿妹，勞瀝你救着𠊎。」
厥等熱情攬共下。

王子愛同鄰國个公主結婚咧，船肚點起彩色个燈火，舉行舞會。
半夜小公主企在船脣，好恬恬看着五個阿姊出現在厥面前，
厥等个長頭那毛毋見咧。

姊妹擲一支刀在甲板面講：
「吾等將頭那毛送分巫婆，求佢同你𢯭手，
巫婆拿一支刀，講：
『你肯在日頭出來進前，將刀插入王子个胸脯，
你斯毋會化做海泡，還使得變轉做人魚个樣。』」

小公主揢緊刀，行到王子身邊，
佢心肝毋殘，刀插毋落去，因致佢實在忒愛王子咧。
小公主轉到甲板面，
將手項个刀擲落海竇，自家跳入海肚。

在紅紅个日頭升起該下，人魚公主感覺着自家个身體慢慢化做海泡，
佢看往下，看著王子同新娘在該尋佢，
厥等傷心緊看海水，當像知佢既經跳落海肚去咧。

小公主心肝肚同王子告別，
帶緊歡喜个心向天頂飛去。






【華語原文】

在很遠很遠的大海裡有一座宮殿，宮殿的外牆用珊瑚砌成，
宮殿的窗戶鑲著琥珀，海王就住在這座宮殿裡。
他有一個老母親和六個女兒，
老祖母的頭髮全部變白，在水中漂動著，就像一朵散開的白雲。

老祖母很疼愛海王的六個女兒，
六個公主都很美麗，最小的那一個尤其漂亮，
不過她跟老祖母、姊姊一樣，沒有腿只有一條魚尾巴。

宮殿外有一個花園，小公主在花園裡放了一尊年輕男子的雕像。
她喜歡躲在自己的小花園裡，
靜靜的想，陸地上的世界到底是什麼樣子？
陸地上的人是不是都跟這尊雕像一樣可愛？

小公主問老祖母，陸地上的事。
老祖母說，陸地上的花兒有香氣，
雖然沒有游來遊去的魚兒，卻有飛來飛去的鳥。
她告訴小公主，每個女孩子只要滿十五歲，
就可以到海面上，去看陸地上的世界。

好不容易大姊姊滿十五歲，
得到老祖母的准許到海面上去看陸地。
大姊姊回來以後告訴大家，她看到大城市的燈光閃閃。
第二年，輪到二公主。
二公主看到黃昏時的雲朵變幻著不同的顏色，真是美麗極了。

好不容易小公主也到了十五歲。
她快樂的從海底浮到水面，
當她把頭露出水面時，看到海面上停泊著一艘大船。

她向大船游過去，
從船邊的圓窗，看到船艙裡有許多人，
包圍著一個年輕的王子，正在為他舉行生日酒會。
船上向空中射出一百多發的火箭，
耀眼的火花把天空照得像白天一樣明亮。

夜深了，海面的波浪翻騰起來，
遠遠的天空，閃電一個跟著一個，暴風雨要來了！
大船在波浪中劇烈的搖擺，
忽然大船裂開，王子跌落海中，就要被淹死了！

小公主不顧危險的向王子游過去，
她把王子的頭托出水面，
小公主發現王子長得很像海底那尊大理石雕像，好英俊，好迷人。
她不由得在王子的額頭上親了一下，希望王子趕快醒過來。

天亮了，小公主找到一片陸地，沿著海岸有一片樹林，
樹林的前面，有一間修道院，
小公主帶著王子向沙灘游過去，把王子放在沙灘上，
不久修道院裡走出一個年輕的女孩，
女孩發現躺在沙灘上的王子
便叫了更多的人出來，把王子抬進修道院。

小公主把遇到王子的事告訴姊姊，
姊姊們帶她去王子住的宮殿，
王子住的宮殿有一座大理石的臺階，可以一直走進海水裡。
小公主躲在石階旁邊，靜靜的聽，悄悄的看，
每次看到王子，小公主就會想起她在海浪中救起王子的情形，
可惜王子對這些事情一點也不知道。

小公主越來越喜歡王子，她希望能跟王子結婚，生活在一起，
可是老祖母說，人魚認為魚尾巴很美，人類卻認為魚尾巴很醜，
而且人有靈魂死後靈魂升上天堂，人魚死後卻會化成泡沫，
因此人類永遠不會跟人魚結婚。

老祖母還說：
「人類頂多活一百年，我們人魚卻有三百年的壽命。
今天晚上我們就在王宮開個舞會，享受我們的長壽吧！」

舞會時大家跳舞唱歌，
其中小公主唱得最好聽，大家都為她鼓掌，
但是小公主並不快樂，因為她想念王子。
為了愛，她願意犧牲一切，
小公主下決心，要去找海底的巫婆。

巫婆住在大漩渦的後面，一個種滿了珊瑚蟲的地方。
小公主很害怕，但是為了可以跟王子在一起
她鼓起勇氣，穿過長滿珊瑚蟲的地方，來到巫婆家的門口。
巫婆對小公主說：
「我知道你來求什麼，喝了我的藥，你的魚尾巴就會變成兩條腿，
不過當你走路時，必須忍受刀割一般的痛苦。
還有，假如你得不到王子的愛，
就會在他結婚後的第二天早晨，變成海水的泡沫。
至於藥的報酬，就是你美妙的聲音。」

小公主答應了。
她帶著巫婆給的藥，來到王子的宮殿，
當她喝下藥時，身體就好像被刀子割開，
接著她看到自己的魚尾巴消失，出現了一雙人的腿。

當王子看見人魚公主時，帶她進宮殿，
儘管人魚公主不會說話，還是受到大家的歡迎，
每次宮中舉行舞會，小公主忍著痛，用腳尖支撐身子跳起舞來。
她，人美，舞姿也美，讓大家看得入神。
王子很喜歡她，常帶她一起遊山玩水，
儘管她每走一步路，雙腳都會流血，
但她還是高高興興的陪著王子。

有一天王子對小公主說：
「父王叫我坐船去外國看未婚妻，
不過我不會答應跟她結婚。
如果要我現在選新娘，我一定選你，
因為你很像曾經救過我的女孩。」

王子的船駛進鄰國首都的港口，當王子看到那個公主立刻說：
「你就是修道院的那個女孩，謝謝你救了我。」
他們熱烈的擁抱在一起。

王子要跟鄰國的公主結婚了，船上點起彩燈，舉行舞會。
半夜小公主站在船邊，忽然看到五個姊姊出現在她面前，
她們的長髮不見了。

姊姊們把一把刀子丟在甲板上說：
「我們把頭髮給了巫婆，求她幫助你，
巫婆給了我們一把刀子，說：
『只要你在太陽出來以前，把刀子插進王子的胸膛，
你就不會變成泡沫，並且可以恢復成人魚的模樣。』」

小公主握著刀子，走到王子身邊，
但是她無法把刀子插下去，因為她太愛王子了。
小公主回到甲板上，
把手裡的刀子扔進了海水，然後跳入海中。

當紅紅的太陽升起，人魚公主覺得自己的身體正慢慢的化成泡沫，
她往下看，看到王子和新娘在找她，
他們哀傷的看著海水，好像知道她已經跳到海裡去了。

小公主在心中跟王子告別，
然後愉快的向天空飛升。