海王的小女兒在暴風雨救了人類的王子，從此她愛上王子，寧願用自己美妙的聲音，換取兩條腿，好待在王子的身邊。究竟人魚公主能不能得到王子的愛呢？

在當遠當遠个大海裡肚有一座宮殿，宮殿个外牆係用珊瑚起个，
宮殿个窗門鑲等琥珀，海王就歇在這座宮殿裡肚。
佢有一個老阿姆同六個妹仔，
老阿婆个頭那毛全部變白，在水竇肚漂浮，就像蕊散開的个雲。

老阿婆當痛惜海王个六個妹仔，
六個公主都當靚，盡細个該隻特別靚，
毋過佢摎老阿婆、阿姊共樣，無腳髀淨有一條魚尾。

宮殿外背有一個花園，細公主在花園裡肚放了一尊後生男子个雕像。
佢好囥在自家个細花園裡肚，
恬恬仔想：陸地上个世界到底係麼个樣仔？
陸地項个人係毋係都摎這尊雕像共樣恁得人惜？

細公主問老阿婆，陸地上个事。
老阿婆講，陸地項个花有香氣，
雖然無泅來泅去个魚仔，毋過有飛來飛去个鳥仔。
佢同小公主講，每一個細妹仔只愛滿十五歲，
就做得到海面項，去看陸地項个世界。

當無簡單，大姊姊滿十五歲了，
得著老阿婆个許可到海面項去看陸地。
大姊姊轉來以後摎大家講，佢看著大城市个燈光緊𥍉。
第二年，輪著二公主。
二公主看著臨暗時个雲，變換等無共樣个色目，正經靚到講毋得。

當無簡單，細公主也滿十五歲了。
佢快樂个從海底泅到水面項，
佢堵堵摎頭那露出水面該時，看著海面項停等一條大船仔。

佢向大船仔泅過去，
從船脣个圓窗，看著船艙裡肚有異多人，
圍等一個後生个王子，堵堵為佢舉行生日酒會。
船頂高向空中射出一百零發个天花炮，
晟目个火花，摎天空照到像日時頭樣恁光恁亮。

三更半夜，海面項个波浪緊捲緊高，
遠遠个天空，𥍉爧一隻跈等一隻，暴風雨愛來了！
大船在波浪中搖搖擺擺當劇烈，
忽然間大船裂開，王子跌落海竇肚，就會分水浸死吔！

細公主無顧著自家个危險向王子泅過去，
佢同王子个頭那托出水面，
細公主發現王子生到當像海底該尊大理石雕像，當緣投、當餳人。
佢無提無防在王子个額頭項唚一下，希望王子遽遽醒過來。

天光哩，細公主尋著一塊陸地，順等海岸有一垤樹林，
樹林个面前，有一間修道院，
細公主帶等王子向沙壩泅過去，摎王子放在沙壩項，
無幾久修道院裡肚行出一個後生个細妹仔，
細妹仔發現睡在沙壩面个王子，
就喊吔較多个人出來，摎王子扛入修道院。

細公主摎遇著王子个事同阿姊講，
阿姊這兜帶佢去王子歇个宮殿，
王子歇个宮殿有一條大理石个碫仔，做得一直行入海水裡肚。
細公主囥在石碫仔脣頭，恬恬仔聽、偷偷仔看，
逐擺看著王子，細公主就會想起佢在海浪中救起王子个情形，
可惜王子對這兜事情一息就毋知。

細公主緊來緊中意王子，佢希望做得同王子結婚，共下生活，
毋過老阿婆講，人魚認為魚尾當靚，人類嗄認為魚尾當媸，
還過人有靈魂死後靈魂升上天堂，人魚死後嗄會化成泡影，
故所人類永遠毋會同人魚結婚。

老阿婆還講：
「人類啊盡多食一百年，俚人魚有三百年个壽命。
今晡暗晡俚就在王宮辦隻舞會，享受俚个長壽啊！」

舞會時大家跳舞唱歌，
其中細公主唱到盡好聽，大家都同佢掌聲鼓勵，
毋過細公主並無快樂，因為佢想念王子。
為了愛，佢願意犧牲一切，
細公主決心，愛去尋海底个覡婆。

覡婆歇在大扭揪窟个後背，一隻種淰珊瑚蟲个地方。
細公主當驚，毋過為了做得同王子共下，
佢鼓起勇氣，穿過生淰珊瑚蟲个地方，來到覡婆个屋下門口。
覡婆對細公主講：
「𠊎知你來求麼个，啉欸吾个藥仔，你个魚尾就會變成兩肢腳，
毋過係你行路个時節，定著愛忍受像刀割樣个痛苦。
還有，係講你得毋著王子个愛，
就會在佢結婚後个第二日朝晨，變成海水个泡影。
至於藥仔个價數，就係你美妙个聲音。」

細公主答應了。
佢帶等覡婆分个藥仔，來到王子个宮殿，
在佢食下藥仔該時，身體就當像分刀仔割開，
接等佢看著自家个魚尾消失，出現了一雙人个腳。

在王子看著人魚公主該時，帶佢入宮殿，
就算人魚公主毋會講話，還係受著大家个歡迎，
每擺宮中舉行舞會，細公主忍等痛，用腳尖撐起身體跳舞。
佢，人靚，舞姿也靚，分大家看到當入文。
王子當喜歡佢，輒常帶佢共下去遶山花，
就算佢每行一步路，雙腳都會出血，
毋過佢還係歡歡喜喜陪等王子。

有一日王子對細公主講：
「父王喊𠊎坐船去外國看未婚妻，
毋過𠊎毋會答應同佢結婚。
係講愛𠊎這下選新娘，𠊎定著選你，
因為你當像係識救過𠊎个細妹仔。」

王子个船仔駛入鄰國首都个港口，在王子看著該隻公主黏時就講：
「你就係修道院个那隻細妹仔，承蒙您同𠊎救著。」
佢兩儕親个攬到共下。

王子愛同鄰國个公主結婚了，船仔項點起彩燈，舉行舞會。
半夜細公主企在船邊，忽然間看著五個姊姊出現在佢个面前，
佢兜个長頭那毛毋見了。

姊妹仔摎一支刀仔擲在甲板項講：
「𠊎兜摎頭那毛分了覡婆，求佢𢯭手你，
覡婆分了𠊎兜一支刀仔，講：
『只愛你在日頭出來以前，同刀仔插入王子个胸脯，
你就毋會變成泡沫，還做得恢復成人魚个樣仔。』」

細公主揢等刀仔，行到王子身邊，
毋過佢無法度同刀仔插下去，因為佢忒愛王子了。
細公主轉到甲板項，
摎手項个刀仔擲入了海水竇肚，過欸跳入海肚。

就在紅紅个日頭升起，人魚公主感覺自家个身體慢慢仔化成泡沫，
佢看往下，看著王子摎新娘在該尋佢，
佢兜傷痛个看等海水，當像知佢既經跳到海竇肚去了。

細公主在心中摎王子告別，
續下來歡喜个向天空飛升。






【華語原文】

在很遠很遠的大海裡有一座宮殿，宮殿的外牆用珊瑚砌成，
宮殿的窗戶鑲著琥珀，海王就住在這座宮殿裡。
他有一個老母親和六個女兒，
老祖母的頭髮全部變白，在水中漂動著，就像一朵散開的白雲。

老祖母很疼愛海王的六個女兒，
六個公主都很美麗，最小的那一個尤其漂亮，
不過她跟老祖母、姊姊一樣，沒有腿只有一條魚尾巴。

宮殿外有一個花園，小公主在花園裡放了一尊年輕男子的雕像。
她喜歡躲在自己的小花園裡，
靜靜的想，陸地上的世界到底是什麼樣子？
陸地上的人是不是都跟這尊雕像一樣可愛？

小公主問老祖母，陸地上的事。
老祖母說，陸地上的花兒有香氣，
雖然沒有游來遊去的魚兒，卻有飛來飛去的鳥。
她告訴小公主，每個女孩子只要滿十五歲，
就可以到海面上，去看陸地上的世界。

好不容易大姊姊滿十五歲，
得到老祖母的准許到海面上去看陸地。
大姊姊回來以後告訴大家，她看到大城市的燈光閃閃。
第二年，輪到二公主。
二公主看到黃昏時的雲朵變幻著不同的顏色，真是美麗極了。

好不容易小公主也到了十五歲。
她快樂的從海底浮到水面，
當她把頭露出水面時，看到海面上停泊著一艘大船。

她向大船游過去，
從船邊的圓窗，看到船艙裡有許多人，
包圍著一個年輕的王子，正在為他舉行生日酒會。
船上向空中射出一百多發的火箭，
耀眼的火花把天空照得像白天一樣明亮。

夜深了，海面的波浪翻騰起來，
遠遠的天空，閃電一個跟著一個，暴風雨要來了！
大船在波浪中劇烈的搖擺，
忽然大船裂開，王子跌落海中，就要被淹死了！

小公主不顧危險的向王子游過去，
她把王子的頭托出水面，
小公主發現王子長得很像海底那尊大理石雕像，好英俊，好迷人。
她不由得在王子的額頭上親了一下，希望王子趕快醒過來。

天亮了，小公主找到一片陸地，沿著海岸有一片樹林，
樹林的前面，有一間修道院，
小公主帶著王子向沙灘游過去，把王子放在沙灘上，
不久修道院裡走出一個年輕的女孩，
女孩發現躺在沙灘上的王子
便叫了更多的人出來，把王子抬進修道院。

小公主把遇到王子的事告訴姊姊，
姊姊們帶她去王子住的宮殿，
王子住的宮殿有一座大理石的臺階，可以一直走進海水裡。
小公主躲在石階旁邊，靜靜的聽，悄悄的看，
每次看到王子，小公主就會想起她在海浪中救起王子的情形，
可惜王子對這些事情一點也不知道。

小公主越來越喜歡王子，她希望能跟王子結婚，生活在一起，
可是老祖母說，人魚認為魚尾巴很美，人類卻認為魚尾巴很醜，
而且人有靈魂死後靈魂升上天堂，人魚死後卻會化成泡沫，
因此人類永遠不會跟人魚結婚。

老祖母還說：
「人類頂多活一百年，我們人魚卻有三百年的壽命。
今天晚上我們就在王宮開個舞會，享受我們的長壽吧！」

舞會時大家跳舞唱歌，
其中小公主唱得最好聽，大家都為她鼓掌，
但是小公主並不快樂，因為她想念王子。
為了愛，她願意犧牲一切，
小公主下決心，要去找海底的巫婆。

巫婆住在大漩渦的後面，一個種滿了珊瑚蟲的地方。
小公主很害怕，但是為了可以跟王子在一起
她鼓起勇氣，穿過長滿珊瑚蟲的地方，來到巫婆家的門口。
巫婆對小公主說：
「我知道你來求什麼，喝了我的藥，你的魚尾巴就會變成兩條腿，
不過當你走路時，必須忍受刀割一般的痛苦。
還有，假如你得不到王子的愛，
就會在他結婚後的第二天早晨，變成海水的泡沫。
至於藥的報酬，就是你美妙的聲音。」

小公主答應了。
她帶著巫婆給的藥，來到王子的宮殿，
當她喝下藥時，身體就好像被刀子割開，
接著她看到自己的魚尾巴消失，出現了一雙人的腿。

當王子看見人魚公主時，帶她進宮殿，
儘管人魚公主不會說話，還是受到大家的歡迎，
每次宮中舉行舞會，小公主忍著痛，用腳尖支撐身子跳起舞來。
她，人美，舞姿也美，讓大家看得入神。
王子很喜歡她，常帶她一起遊山玩水，
儘管她每走一步路，雙腳都會流血，
但她還是高高興興的陪著王子。

有一天王子對小公主說：
「父王叫我坐船去外國看未婚妻，
不過我不會答應跟她結婚。
如果要我現在選新娘，我一定選你，
因為你很像曾經救過我的女孩。」

王子的船駛進鄰國首都的港口，當王子看到那個公主立刻說：
「你就是修道院的那個女孩，謝謝你救了我。」
他們熱烈的擁抱在一起。

王子要跟鄰國的公主結婚了，船上點起彩燈，舉行舞會。
半夜小公主站在船邊，忽然看到五個姊姊出現在她面前，
她們的長髮不見了。

姊姊們把一把刀子丟在甲板上說：
「我們把頭髮給了巫婆，求她幫助你，
巫婆給了我們一把刀子，說：
『只要你在太陽出來以前，把刀子插進王子的胸膛，
你就不會變成泡沫，並且可以恢復成人魚的模樣。』」

小公主握著刀子，走到王子身邊，
但是她無法把刀子插下去，因為她太愛王子了。
小公主回到甲板上，
把手裡的刀子扔進了海水，然後跳入海中。

當紅紅的太陽升起，人魚公主覺得自己的身體正慢慢的化成泡沫，
她往下看，看到王子和新娘在找她，
他們哀傷的看著海水，好像知道她已經跳到海裡去了。

小公主在心中跟王子告別，
然後愉快的向天空飛升。