樵夫很窮，後母想把兩個小孩丟掉，便和父親將兄妹倆帶進森林。兩兄妹發現一間用糖果、餅乾蓋成的房子，沒想到這裡竟然是巫婆的家！他們能平安的逃回家嗎？

森林脣口个細樹屋仔裡背，歇等樵夫、厥姐仔，同兩個細人仔。
樵夫盡苦，連買麵包个錢都毋罅，
厥姐仔係後哀，根本就無惜這兩個細人仔，一日到暗就想愛逐佢等走。

有一日暗晡，細人仔上眠床過後，後哀對樵夫講：
「𠊎等實在畜毋起細人仔，
天光朝晨趕等去森林倒樹仔該下，同佢等攉到森林裡背！」
阿哥漢斯聽着吔，就趕爺哀睡落覺，
偷偷仔對後門溜出去，拈吔一袋仔滿滿个白石頭歸來。

臨天光，樵夫同姐仔帶等兩個細人仔行到森林裡背，
漢斯見行一段路，就偷偷仔同白石頭擳在路項。
後哀行到一頭樹底下，講：
「你等乖乖坐啊這，𠊎等來去倒樹仔，過暗一息正來接你等歸去屋家。」

兩兄弟等啊睡核吔。
睡吔一覺目，斷烏吔。
月華照等白石頭，反射出金金。
漢斯牽等老妹葛莉特，跈等𥍉等金光个白石頭行歸屋家。
後哀看着佢等著驚一下，
打算第二日再同佢等帶去過遠个地方擳核。
漢斯想再溜出去拈白石頭，毋過後門鎖起來吔。

第二日朝晨，樵夫同姐仔又帶等兩個細人仔行到森林裡背。
漢斯同麵包偷偷仔放入褲袋仔，歸路仔掖麵包屑仔。
這擺，後哀又愛佢等坐在樹底下等。
等到半夜，漢斯打算尋路歸屋家該下，
發現先前掖个麵包屑仔，早就分鳥仔食核吔。

佢等在暗摸叮咚个森林裡背行吔歸暗晡，
第二日當晝，一隻盡鬧个白色鳥仔飛過來，同佢等帶去一棟細屋仔。
該棟細屋仔盡奇怪，屋頂係用餅仔弇个，窗仔係用糖仔鬥个。
漢斯扯一細片个屋頂下來，放入嘴，葛莉特乜咬吔一口窗仔。
「哇！仰恁好食啊！」
兩個人淨顧食，完全無發現，
一雙惡豺豺仔个目珠，視等佢等。

原來，細屋仔个主人係專門食細人仔个牽仙婆，
佢同漢斯跼入籠仔裡背，喚葛莉特負責同阿哥畜肥。

牽仙婆个目珠矇，每日都愛摸漢斯个手，測佢畜肥吔無。
漢斯拿吔一支細骨頭，伸出籠仔，代厥手指分牽仙婆摸。
等吔幾下禮拜，牽仙婆食毋掣吔講：
「仰緊畜都毋會肥！哼！毋管吔，𠊎這下就愛同你食核！」

佢使葛莉特去看看啊，火起吔罅烈無，
葛莉特講：「毋過𠊎毋曉得，你做分𠊎看。」
牽仙婆講：「戇嫲，連這一細息事都毋曉得！你看！」
牽仙婆緊講，緊同頭那伸入灶仔裡背，
葛莉特用力一𢱤！同牽仙婆𢱤入灶仔裡背燒死吔！

葛莉特同漢斯放出來，
佢等同屋仔裡背个珠寶袋入衫褲帶歸屋家。
樵夫盡後悔聽後哀个話攉核細人仔，就同後哀逐走吔，
兩兄弟同阿爸揇緪緪，下後無再分開。






【華語原文】

森林邊的小木屋裡，住著樵夫、他的妻子，和兩個孩子。
樵夫很窮，連買麵包的錢都不夠，
他的妻子是後母，並不愛這兩個孩子，一天到晚就想把他們趕走。

一天晚上，孩子們上床後，後母對樵夫說：
「我們實在養不起孩子們，
明天早上趁著去森林砍樹，把他們丟到森林裡吧！」
哥哥漢斯聽到了，便趁爸爸媽媽熟睡，
偷偷從後門溜出去，撿了滿滿一口袋的白石子回來。

天剛亮，樵夫和妻子帶著兩個孩子走到森林裡，
漢斯每走一段路，就偷偷把白石子扔在路上。
後母走到一棵樹下，說：
「你們乖乖坐在這裡，我們去砍樹，晚一點再接你們回家。」

兄妹倆等到睡著了。
一覺醒來，天黑了。
月光照在白石子上，反射出亮光。
漢斯牽著妹妹葛莉特，跟著閃閃發光的白石子走回家。
後母看到他們很驚訝，
打算第二天再把他們帶到更遠的地方丟掉。
漢斯想再溜出去撿白石子，可是後門鎖上了。

第二天早上，樵夫和妻子又帶著兩個孩子走到森林裡。
漢斯把麵包偷偷放進口袋裡，沿路灑下麵包屑。
這次，後母又要他們坐在樹下等。
到了半夜，漢斯打算尋找回家的路時，
發現先前灑下的麵包屑，早就被鳥兒吃光了。

他們在黑漆漆的森林裡走了一整夜，
第二天中午，一隻美麗的白色鳥兒飛過來，把他們帶到一棟小屋。
那棟小屋好奇怪，屋頂是用餅乾鋪成的，窗戶是用糖做的。
漢斯扯下一小片屋頂，放進嘴裡，葛莉特也咬了一口窗戶。
「哇！太好吃了！」
兩個人光顧著吃，完全沒有發現，
一雙邪惡貪婪的眼睛，正盯著他們看。

原來，小屋的主人是專吃小孩的巫婆，
她把漢斯關進籠子裡，要葛莉特負責把哥哥養胖。

巫婆的眼睛不好，每天都要摸摸漢斯的手，看他長胖了沒有。
漢斯拿了一根小骨頭，伸出籠子，代替手指讓巫婆摸。
等了幾個星期，巫婆不耐煩的說，：
「怎麼都養不胖！哼！不管了，我現在就要吃掉你！」

她叫葛莉特去看一看，火升得夠不夠大，
葛莉特說，「可是我不會，你做給我看。」
巫婆說，「笨蛋，連這點小事都不會！你看！」
巫婆一邊說，一邊把頭伸進爐灶裡，
葛莉特用力一推！把巫婆推進爐子裡，燒死了！

葛莉特把漢斯放出來，
他們把屋子裡的珠寶裝進衣服裡帶回家。
樵夫很後悔聽了後母的話拋棄孩子，便把後母趕走了，
兩兄妹和爸爸緊緊擁抱，從此再也不分開。