樵夫很窮，後母想把兩個小孩丟掉，便和父親將兄妹倆帶進森林。兩兄妹發現一間用糖果、餅乾蓋成的房子，沒想到這裡竟然是巫婆的家！他們能平安的逃回家嗎？

樹林脣个小樹屋內底，蹛樵夫、佢个夫娘，和兩個細子。
樵夫真散，和買麵包个錢嘛毋罅，
佢个夫娘係後哀，並無惜這兩個細子，一日到暗即想討拁佢人攔走。

一日暗夜，細子上眠床了後，後哀對樵夫講：
「人實在供毋起細子，
韶晨早趁去樹林裁樹，拁佢人放煞在樹林內底啦！」
阿哥漢斯聽着，即趁阿怙阿依睡落眠，
偷偷對後背門走出去，撿淰淰一褲袋个白石頭轉來。

天甫光，樵夫和夫娘渡兩個細子行到樹林內底，
漢斯若行一段路，即偷偷拁白石頭擊在泥下。
後哀行到一頭樹下，講：
「你人乖乖坐在這，𠊎人去裁樹，較暗兜正擱接你人轉去。」

兩姊妹等到睡去啊，
等到睡醒過來，天暗啊。
月光照在白石頭面上，反射出金光。
漢斯牽阿妹葛莉特，跈直頭𥍉熠个白石頭行轉屋下。
後哀䀴著佢人，著驚一下，
打算第二日擱拁佢人渡到較遠个所在放煞。
漢斯想討擱走出去撿白石頭，毋過後背門鎖起來啊。

第二日晨早，樵夫和夫娘又渡兩個細子行到樹林內底。
漢斯拁麵包偷偷囥入衫袋內底，一路委麵包个幼幼仔。
這擺，後哀又愛佢人坐在樹下等。
到了半夜，漢斯打算尋回頭路个時，
發現進前委落个麵包幼幼仔，早即得鳥食淨淨啊。

佢人在烏疏疏个樹林內底行了歸夜，
第二日當晝，一個靚靚白色个鳥飛過來，拁佢人渡到一間細間屋。
遐間細間屋真奇怪，屋崠係用餅鋪成个，窗子門係用糖做个。
漢斯扯落一細垤屋崠，囥入嘴內底，葛莉特嘛咬一口窗子門。
「哇！足好食个！」
兩儕正顧食，攏無發現，
一雙惡惡貪心个目珠，對佢人金金䀴。

幾時，細間屋个主人係專門食細子个鬼婆，
佢拁漢斯關入籠內底，愛葛莉特負責拁阿哥供肥。

鬼婆个目珠無好，逐日攏愛摸摸漢斯个手，䀴佢有較肥無。
漢斯擎一支細支骨頭，伸出籠，替換手指頭得巫婆摸。
等了幾下禮拜，鬼婆無耐心講：
「仰子會供毋會肥！哼！毋管啊，𠊎這滿即討拁你食莫！」

佢喊葛莉特去䀴望，火起到罅猛吂，
葛莉特講：「毋過𠊎毋會，你做得𠊎䀴望。」
鬼婆講：「戇妹子，和這件小事嘛毋會！你䀴！」
鬼婆著面講，著面拁頭那伸入爐灶內底，
葛莉特出力一𢳪，拁鬼婆𢳪入爐內底，燒死去啊！

葛莉特拁漢斯放出來，
佢人拁屋內个珠寶裝入衫褲內底隨轉屋下。
樵夫真後悔聽後哀个事放煞細子，即拁後母攔走啊，
兩姊妹拁阿怙攬到核核，自遐時起無擱分開過。






【華語原文】

森林邊的小木屋裡，住著樵夫、他的妻子，和兩個孩子。
樵夫很窮，連買麵包的錢都不夠，
他的妻子是後母，並不愛這兩個孩子，一天到晚就想把他們趕走。

一天晚上，孩子們上床後，後母對樵夫說：
「我們實在養不起孩子們，
明天早上趁著去森林砍樹，把他們丟到森林裡吧！」
哥哥漢斯聽到了，便趁爸爸媽媽熟睡，
偷偷從後門溜出去，撿了滿滿一口袋的白石子回來。

天剛亮，樵夫和妻子帶著兩個孩子走到森林裡，
漢斯每走一段路，就偷偷把白石子扔在路上。
後母走到一棵樹下，說：
「你們乖乖坐在這裡，我們去砍樹，晚一點再接你們回家。」

兄妹倆等到睡著了。
一覺醒來，天黑了。
月光照在白石子上，反射出亮光。
漢斯牽著妹妹葛莉特，跟著閃閃發光的白石子走回家。
後母看到他們很驚訝，
打算第二天再把他們帶到更遠的地方丟掉。
漢斯想再溜出去撿白石子，可是後門鎖上了。

第二天早上，樵夫和妻子又帶著兩個孩子走到森林裡。
漢斯把麵包偷偷放進口袋裡，沿路灑下麵包屑。
這次，後母又要他們坐在樹下等。
到了半夜，漢斯打算尋找回家的路時，
發現先前灑下的麵包屑，早就被鳥兒吃光了。

他們在黑漆漆的森林裡走了一整夜，
第二天中午，一隻美麗的白色鳥兒飛過來，把他們帶到一棟小屋。
那棟小屋好奇怪，屋頂是用餅乾鋪成的，窗戶是用糖做的。
漢斯扯下一小片屋頂，放進嘴裡，葛莉特也咬了一口窗戶。
「哇！太好吃了！」
兩個人光顧著吃，完全沒有發現，
一雙邪惡貪婪的眼睛，正盯著他們看。

原來，小屋的主人是專吃小孩的巫婆，
她把漢斯關進籠子裡，要葛莉特負責把哥哥養胖。

巫婆的眼睛不好，每天都要摸摸漢斯的手，看他長胖了沒有。
漢斯拿了一根小骨頭，伸出籠子，代替手指讓巫婆摸。
等了幾個星期，巫婆不耐煩的說，：
「怎麼都養不胖！哼！不管了，我現在就要吃掉你！」

她叫葛莉特去看一看，火升得夠不夠大，
葛莉特說，「可是我不會，你做給我看。」
巫婆說，「笨蛋，連這點小事都不會！你看！」
巫婆一邊說，一邊把頭伸進爐灶裡，
葛莉特用力一推！把巫婆推進爐子裡，燒死了！

葛莉特把漢斯放出來，
他們把屋子裡的珠寶裝進衣服裡帶回家。
樵夫很後悔聽了後母的話拋棄孩子，便把後母趕走了，
兩兄妹和爸爸緊緊擁抱，從此再也不分開。