樵夫很窮，後母想把兩個小孩丟掉，便和父親將兄妹倆帶進森林。兩兄妹發現一間用糖果、餅乾蓋成的房子，沒想到這裡竟然是巫婆的家！他們能平安的逃回家嗎？

大山林（naˇ）脣个細樹屋肚戴一個撿樵个樵夫、厥餔娘，同兩個細人。
樵夫當匱，賺錢連買麵包个錢都毋罅，
厥餔娘係後哀，真無惜這兩個前人子，一日到暗斯想將厥等逐走。

一日暗晡，細人上眠床後，後哀同樵夫講：
「等實在畜毋起細人了，
天光朝脣趁（tanˋ）去大山林倒樹，同厥等擲落大山林肚啦！」
阿哥漢斯聽著，斯趕阿爸阿姆睡目，
偷偷對後門走出去，拈淰淰一褲袋个白石頭轉來。

天甫光，樵夫同餔娘帶兩個細人行入大山林肚，
漢斯每行一段路，偷偷將白石頭擲在路項。
後哀行到一頭樹下，講：
「若等乖乖坐在這位，吾等去倒樹，到較暗兜正接若等轉屋。」

兩姊妹等到睡撇咧。
睡一覺目醒，斷烏咧。
月光照在白石頭面項，反射出白光。
漢斯牽緊老妹葛莉特，跈緊發光个白石頭行轉屋家。
後哀看著厥等著驚一下，
打算第二日過同厥等帶去還較遠个所在摒撇。
漢斯想過偷走出去拈白石頭，毋過後門鎖撇咧。

第二日朝晨，樵夫同餔娘又帶兩個細人行到大山林裡肚。
漢斯將麵包偷偷放入衫袋肚，一路掖麵包屑（seb^）。
這擺，後哀又喊厥等坐在樹下等。
到半夜，漢斯打算尋轉屋家个路，
毋過先前掖个麵包屑，早都分鳥食淨淨咧。

厥等在烏疏疏个大山林肚行歸暗晡，
第二日當晝，一隻靚靚个白色鳥飛過來，同厥等帶去一間細屋个外背。
該間細屋當奇怪，屋頂係用餅鋪个，窗門係用糖做个。
漢斯扯一細垤屋頂，放入嘴肚，葛莉特也咬一口窗門。
「哇！還好食喔！」
兩儕人顧食，全全無發現，
一雙邪惡貪心个目珠，盯緊厥等。

原來，細屋个主人係專門食細人个巫婆，
佢將漢斯關入籠肚，愛葛莉特負責同阿哥畜肥。

巫婆个目珠毋好，逐日都愛摸漢斯个手，看佢有較肥兜無。
漢斯拿一支細骨頭，伸出籠外，詐意係手分巫婆摸。
等幾個禮拜過，巫婆無耐心講：
「仰脣畜毋會肥呢！哼！不管佢，𠊎這下斯愛將你食撇！」

佢喊葛莉特去看，火起來有罅猛無，
葛莉特講：「𠊎毋曉做啊，你先做分𠊎看。」
巫婆講：「戇嫲，連這小事都毋曉！你看！」
巫婆緊講，緊將頭那伸入灶空肚，
葛莉特大力一𢱤！將巫婆𢱤入灶空肚，燒死咧！

葛莉特同漢斯放出來，
厥等將屋肚个珠寶，裝入衫褲肚帶轉屋家。
樵夫當著切（chogˋ cied^）聽後哀个話摒撇細人，斯將後哀逐走咧，
兩姊妹揇緊阿爸，無過再分開過咧。






【華語原文】

森林邊的小木屋裡，住著樵夫、他的妻子，和兩個孩子。
樵夫很窮，連買麵包的錢都不夠，
他的妻子是後母，並不愛這兩個孩子，一天到晚就想把他們趕走。

一天晚上，孩子們上床後，後母對樵夫說：
「我們實在養不起孩子們，
明天早上趁著去森林砍樹，把他們丟到森林裡吧！」
哥哥漢斯聽到了，便趁爸爸媽媽熟睡，
偷偷從後門溜出去，撿了滿滿一口袋的白石子回來。

天剛亮，樵夫和妻子帶著兩個孩子走到森林裡，
漢斯每走一段路，就偷偷把白石子扔在路上。
後母走到一棵樹下，說：
「你們乖乖坐在這裡，我們去砍樹，晚一點再接你們回家。」

兄妹倆等到睡著了。
一覺醒來，天黑了。
月光照在白石子上，反射出亮光。
漢斯牽著妹妹葛莉特，跟著閃閃發光的白石子走回家。
後母看到他們很驚訝，
打算第二天再把他們帶到更遠的地方丟掉。
漢斯想再溜出去撿白石子，可是後門鎖上了。

第二天早上，樵夫和妻子又帶著兩個孩子走到森林裡。
漢斯把麵包偷偷放進口袋裡，沿路灑下麵包屑。
這次，後母又要他們坐在樹下等。
到了半夜，漢斯打算尋找回家的路時，
發現先前灑下的麵包屑，早就被鳥兒吃光了。

他們在黑漆漆的森林裡走了一整夜，
第二天中午，一隻美麗的白色鳥兒飛過來，把他們帶到一棟小屋。
那棟小屋好奇怪，屋頂是用餅乾鋪成的，窗戶是用糖做的。
漢斯扯下一小片屋頂，放進嘴裡，葛莉特也咬了一口窗戶。
「哇！太好吃了！」
兩個人光顧著吃，完全沒有發現，
一雙邪惡貪婪的眼睛，正盯著他們看。

原來，小屋的主人是專吃小孩的巫婆，
她把漢斯關進籠子裡，要葛莉特負責把哥哥養胖。

巫婆的眼睛不好，每天都要摸摸漢斯的手，看他長胖了沒有。
漢斯拿了一根小骨頭，伸出籠子，代替手指讓巫婆摸。
等了幾個星期，巫婆不耐煩的說，：
「怎麼都養不胖！哼！不管了，我現在就要吃掉你！」

她叫葛莉特去看一看，火升得夠不夠大，
葛莉特說，「可是我不會，你做給我看。」
巫婆說，「笨蛋，連這點小事都不會！你看！」
巫婆一邊說，一邊把頭伸進爐灶裡，
葛莉特用力一推！把巫婆推進爐子裡，燒死了！

葛莉特把漢斯放出來，
他們把屋子裡的珠寶裝進衣服裡帶回家。
樵夫很後悔聽了後母的話拋棄孩子，便把後母趕走了，
兩兄妹和爸爸緊緊擁抱，從此再也不分開。