樵夫很窮，後母想把兩個小孩丟掉，便和父親將兄妹倆帶進森林。兩兄妹發現一間用糖果、餅乾蓋成的房子，沒想到這裡竟然是巫婆的家！他們能平安的逃回家嗎？

樹林脣个細樹屋肚，裡肚戴倒樹个人、厥餔娘，摎兩個細孲仔。
倒樹个人當苦，連買麵包个錢都無罅，
佢个餔娘係後哀，無惜這兩個細人仔，歸日就想摎佢兜逐走。

有一日暗晡，細人仔上眠床去睡後，後哀對倒樹个人講：
「俚實在畜毋起細人仔，
韶朝晨趕去樹林倒樹仔，摎佢兜攉到樹林裡肚好咧！」
阿哥漢斯聽着這，就趕阿爸阿姆睡當熟，牽覺該下，
偷偷仔對後門走出去，拈淰淰一褲袋个白石牯轉來。

臨天光，倒樹个人摎餔娘渡等兩個細人仔行到樹林肚，
漢斯行一截路，就偷偷仔摎白石牯擲到路項。
後哀行到一頭樹下，講：
「你兜乖乖坐在這，𠊎兜去倒樹仔，較慢兜正渡你兜轉屋下。」

阿哥老妹倆儕等到睡忒去。
睡一覺醒來，斷烏咧。
月光照在白石牯頂，照出光線。
漢斯牽等老妹葛莉特，跈等緊𥍉緊發光个白石牯行轉屋下。
後哀看着佢兜著驚一下，
按算第二日再過摎佢兜渡到過較遠个位所去攉忒。
漢斯想再過走出去拈白石牯，毋過後門嗄分人鎖忒去。

第二日朝晨，倒樹个人摎餔娘又渡等兩個細人仔行到樹林肚。
漢斯摎麵包偷偷仔放落衫袋肚，一路捼麵包屑仔。
這擺，後哀又愛佢兜坐在樹下等。
到半夜，漢斯按算尋轉屋下个路該下，
發現進前捼个麵包屑仔，早斯分鳥仔食淨淨咧。

佢兜在烏疏疏个樹林肚行歸暗晡，
第二日當晝，一隻靚靚个白色鳥仔飛過來，摎佢兜渡到一間細屋仔去。
該間細屋仔當奇怪，屋頂係用餅仔鋪个，窗門係用糖仔做个。
漢斯扯一細垤屋頂下來，放落嘴肚，葛莉特也咬一口窗門。
「哇！還好食哦！」
兩儕人緊顧等食，完全無發現，
一雙惡豺豺个目珠，當當在該目䁯䁯看等佢兜。

原來，細屋仔个主人係專專食細人仔个巫婆，
佢摎漢斯關落籠肚，愛葛莉特負責摎阿哥畜肥來。

巫婆个目珠毋好，逐日都愛摸啊漢斯个手，看佢有較肥無。
漢斯拿一支細骨頭，伸出籠仔，假做手指分巫婆摸。
等咧幾隻禮拜，巫婆無耐心講：
「仰畜毋會肥呢！哼！不管咧，𠊎這下就愛摎你食忒！」

佢喊葛莉特去看，火起到罅猛無，
葛莉特講：「毋過𠊎毋曉，你做分𠊎看。」
巫婆講：「戇嫲，連這滴仔事情都毋曉！你看哦！」
巫婆緊講，緊摎頭那伸落爐肚，
葛莉特出力一𢱤！摎巫婆𢱤入爐肚，燒死咧！

葛莉特摎漢斯放出來，
佢兜摎屋肚个珠寶裝落衫褲肚帶轉屋下。
倒樹个人當後悔聽後哀个話拂忒細人仔，就摎後哀逐走，
阿哥老妹兩儕摎阿爸揇核核，過後毋識過分開過。






【華語原文】

森林邊的小木屋裡，住著樵夫、他的妻子，和兩個孩子。
樵夫很窮，連買麵包的錢都不夠，
他的妻子是後母，並不愛這兩個孩子，一天到晚就想把他們趕走。

一天晚上，孩子們上床後，後母對樵夫說：
「我們實在養不起孩子們，
明天早上趁著去森林砍樹，把他們丟到森林裡吧！」
哥哥漢斯聽到了，便趁爸爸媽媽熟睡，
偷偷從後門溜出去，撿了滿滿一口袋的白石子回來。

天剛亮，樵夫和妻子帶著兩個孩子走到森林裡，
漢斯每走一段路，就偷偷把白石子扔在路上。
後母走到一棵樹下，說：
「你們乖乖坐在這裡，我們去砍樹，晚一點再接你們回家。」

兄妹倆等到睡著了。
一覺醒來，天黑了。
月光照在白石子上，反射出亮光。
漢斯牽著妹妹葛莉特，跟著閃閃發光的白石子走回家。
後母看到他們很驚訝，
打算第二天再把他們帶到更遠的地方丟掉。
漢斯想再溜出去撿白石子，可是後門鎖上了。

第二天早上，樵夫和妻子又帶著兩個孩子走到森林裡。
漢斯把麵包偷偷放進口袋裡，沿路灑下麵包屑。
這次，後母又要他們坐在樹下等。
到了半夜，漢斯打算尋找回家的路時，
發現先前灑下的麵包屑，早就被鳥兒吃光了。

他們在黑漆漆的森林裡走了一整夜，
第二天中午，一隻美麗的白色鳥兒飛過來，把他們帶到一棟小屋。
那棟小屋好奇怪，屋頂是用餅乾鋪成的，窗戶是用糖做的。
漢斯扯下一小片屋頂，放進嘴裡，葛莉特也咬了一口窗戶。
「哇！太好吃了！」
兩個人光顧著吃，完全沒有發現，
一雙邪惡貪婪的眼睛，正盯著他們看。

原來，小屋的主人是專吃小孩的巫婆，
她把漢斯關進籠子裡，要葛莉特負責把哥哥養胖。

巫婆的眼睛不好，每天都要摸摸漢斯的手，看他長胖了沒有。
漢斯拿了一根小骨頭，伸出籠子，代替手指讓巫婆摸。
等了幾個星期，巫婆不耐煩的說，：
「怎麼都養不胖！哼！不管了，我現在就要吃掉你！」

她叫葛莉特去看一看，火升得夠不夠大，
葛莉特說，「可是我不會，你做給我看。」
巫婆說，「笨蛋，連這點小事都不會！你看！」
巫婆一邊說，一邊把頭伸進爐灶裡，
葛莉特用力一推！把巫婆推進爐子裡，燒死了！

葛莉特把漢斯放出來，
他們把屋子裡的珠寶裝進衣服裡帶回家。
樵夫很後悔聽了後母的話拋棄孩子，便把後母趕走了，
兩兄妹和爸爸緊緊擁抱，從此再也不分開。