國王再娶的壞心王后，受不了白雪公主比自己漂亮，想要害死她。白雪公主能躲過王后的詭計嗎？又有誰會幫助她呢？

頭擺有一對恩愛个國王摎皇后，佢兜緊想愛降個細人仔。
有一年寒天，皇后坐在窗門脣繡等花布仔，
嗄分針仔刺着手指，血就滴在窗門臺頂个白雪項。
皇后心肝肚想，當希望有一個皮膚白到像雪，
嘴脣皮紅到像血，頭那毛烏金到像烏檀樹个靚妹仔。

一年過後，皇后正經降吔一個靚靚个細公主，安名「白雪」。
可惜過無幾久，皇后就過身忒去，國王又討吔一個靚靚个新皇后。

佢在睡目間房肚吊一面魔鏡，
新皇后逐日都會問：
「魔鏡啊！魔鏡。世界上麼人盡靚啊？」
魔鏡逐擺就應講：「皇后，世界上你最靚啊。」

幾下年過去，白雪長大變做一個靚靚个細阿妹仔。
有一日，皇后問：「魔鏡啊！魔鏡。世界上麼儕盡靚？」
魔鏡嗄應講：「白雪係世界上最靚个細妹仔。」

皇后當譴，恬恬仔喊打獵人摎白雪㓾死。
獵人毋盼得，偷偷仔摎白雪帶到森林裡肚放走。

白雪拉起長長个裙尾，拚命向前走。
佢又𤸁又枵又驚，這央時在厥眼前出現一間細屋仔！
白雪𢱤開門，裡肚一儕人都無，
就看着一張細細个桌仔摎七張細細个凳仔，
桌仔脣有一鑊燒熝熝个湯當當在該滾。
白雪忍毋核食吔一息仔熱湯，橫在窗門脣个細眠床頂睡忒哩。

臨暗時，細屋仔个主人轉來哩，佢兜係森林肚个七個細矮人。
佢兜一落屋門， 就發現有息仔毋著！
毋過看著當當牽覺睡目个白雪，無人盼得來吵醒佢。

打早日頭花，燒暖照落細屋仔，
白雪撥開目珠，看着七個細矮人圍在厥个脣頭。
細矮人聽過白雪个遭遇後講：
「係講你肯𢯭手𠊎兜煮飯拚掃，攣衫補褲个話，
就留下來摎𠊎兜共下歇好哩！」
白雪歡喜壢天答應哩。

過吔幾日仔，皇后過問魔鏡：「魔鏡啊！魔鏡。世界項麼人盡靚啊？」
魔鏡應講 「皇后，雖然你嶄蠻靚，
毋過戴在森林七個細矮人屋下个白雪，正係世界上盡靚个細妹仔。」

皇后聽啊著，譴到繃跳！
佢親身做一粒又大又紅个毒令果，
再過打扮做老阿婆，來到細矮人个屋下。
佢門搉啊搉仔，對白雪講：
「靚靚个細阿妹仔，食隻令果啊！」
白雪講：「承蒙你，毋過𠊎做毋得拿生份人个東西。」
皇后講：「該俚一儕一半好哩！」
皇后切開令果，摎有毒个一半拿分白雪，白雪咬一口……

暗夜，七個細矮人轉到細屋仔，
發現白雪橫在地泥項，佢兜又着驚又傷心。
細矮人恁多儕摎白雪裝落玻璃棺材肚，扛到細山崙頂，輪流守在棺壽材脣，
連細動物該兜乜傷心圍在厥个四圍。

有一日，王子毋堵好行過山崙，佢一眼就愛着橫在壽材肚个白雪。
王子對細矮人講：「請摎白雪交分𠊎！𠊎定着會好好保護佢个。」
王子扶起白雪該下，無細膩停動一下！
卡在白雪喉嚨肚个該口毒令果，嗄翻出來！
佢慢慢仔擘開兩粒目珠。

王子當歡喜問：「你肯嫁分𠊎無？」
白雪看着王子，驚見笑个頭那頷啊頷仔。

過無幾久，皇后收着王子个結婚請帖，
佢打扮到當靚在魔鏡前問：
「魔鏡啊！魔鏡。世界上麼人盡靚啊？」
魔鏡應講：「皇后，雖然您拗蠻靚，
毋過新娘白雪，正係世界上盡靚个細阿妹仔！」

皇后舂到婚禮會場，看着靚靚个新娘白雪，閼到歸身緊顫！

白雪摎王子个婚禮鬧熱又華麗。






【華語原文】

從前有一對恩愛的國王和皇后，他們一直想要有個小孩。
一年冬天，皇后坐在窗邊繡著花布，
被針刺到手指，鮮血滴落在窗臺的白雪上。
皇后心想，真希望有一個皮膚白得像雪，
嘴唇紅得像血，頭髮烏亮像黑檀木的美麗女兒。

一年後，皇后果然生下一個美麗的小公主，取名叫白雪。
可惜不久後，皇后就去世了，國王又娶了一個美麗的新皇后。

她在寢室裡掛著一面魔鏡，
新皇后每天都會問：
「魔鏡啊！魔鏡，世界上誰最美麗？」
魔鏡每次都會回答：「皇后世界上您最美麗。」

幾年過去，白雪長成一位美麗的少女。
有一天，皇后問：「魔鏡啊！魔鏡，世界上誰最美麗？」
魔鏡竟然回答：「白雪是世界上最美麗的女人。」

皇后非常生氣，悄悄叫獵人將白雪殺了。
獵人不忍心，偷偷把白雪帶到森林裡放走。

白雪拉起長長的裙擺，拼命往前跑。
她又累又餓又害怕，這時眼前出現一間小屋！
白雪推開門，裡面一個人都沒有，
只看到一張小小的桌子和七張小小的椅子，
桌子邊有一鍋熱呼呼的湯正在滾著。
白雪忍不住喝了一些熱湯，躺在窗戶旁的小床上睡著了。

傍晚時，小屋子的主人回來了，他們是森林中的七個小矮人。
他們一進家門，就發現有些不對勁！
但是看到熟睡的白雪，沒有人忍心吵醒她。

早晨的陽光，暖暖的照進小屋，
白雪睜開眼，看見七個小矮人圍在身旁。
小矮人聽完白雪的遭遇後說：
「如果你願意幫我們煮飯打掃，縫補衣服的話，
就留下來跟我們一起住吧！」
白雪開心的答應了。

過了幾天，皇后再度問魔鏡：「魔鏡啊！魔鏡，世界上誰最美麗？」
魔鏡回答：「皇后，雖然您非常美麗，
不過住在森林七個小矮人家裡的白雪，才是世界上最美麗的女人。」

皇后一聽，氣到快爆炸！
她親自動手做了一顆又大又紅的毒蘋果，
然後打扮成一個老婆婆，來到小矮人家。
她敲敲門，對白雪說：
「美麗的女孩，吃顆蘋果吧！」
白雪說：「謝謝你，但是我不能拿陌生人的東西。」
皇后說：「那麼我們一人一半吧！」
皇后切開蘋果，將有毒的一半拿給白雪，白雪咬了一口……

晚上，七個小矮人回到小屋，
發現白雪倒在地上，他們又驚訝又傷心。
小矮人們將白雪裝進玻璃棺材，抬到小山丘，輪流守在棺木旁，
連小動物們也都哀傷的圍繞在四周。

有一天，王子偶然經過山丘，他一眼就愛上了躺在棺木裡的白雪。
王子對小矮人說：「請將白雪交給我吧！我一定會好好保護她的。」
王子扶起白雪時，不小心震動了一下！
卡在白雪喉嚨裡的那口毒蘋果，嗆了出來！
她慢慢張開雙眼。

王子高興的問：「你願意嫁給我嗎？」
白雪看著王子，害羞的點點頭。

不久，皇后收到王子的結婚請帖，
她打扮華麗的在魔鏡的前面問：
「魔鏡啊！魔鏡，世界上誰最美麗？」
魔鏡回答：「皇后，您雖然非常美麗，
但是新娘白雪，才是世界上最美麗的女人！」

皇后趕到婚禮，看見美麗的新娘白雪，簡直氣瘋了！

白雪和王子的婚禮熱鬧又華麗。