國王請所有人來為剛出生的公主慶生，獨漏了壞女巫。壞女巫詛咒公主長大以後會碰到紡綞，陷入沉睡。果然，公主和全國的人都睡著了！要怎麼破解這個詛咒呢？

皇宮个角仔聲歕（punˇ）響吔！
王后降吔一個妹仔，細公主个名仔安到蘿拉。
蘿拉滿月該日，國王王后同佢舉辦盡鬧熱个慶祝會，
邀請所有个仙女來參加，仙女佢等圍等細公主，同佢祈（hiˋ）福。

這時節，來吔一個生吔盡惡相个牽仙婆！
佢个名仔安到卡拉，
卡拉譴譴仔講：
「你等仰無邀請𠊎！
𠊎祈蘿拉公主在十六歲以前，會分紡錘个針頭刺爛手指死核！
這就係你等無邀請𠊎个後果！」

聽着卡拉个毒誓，所有个人都嚇啊緊顫。
丁香仙子講：
「𠊎無法度消除卡拉个惡誓，毋過做得改變佢。
公主十六歲進前，萬一分紡錘个針頭刺爛手指，
佢毋會死，毋過會睡啊毋知昏醒，
愛等到有一個真心惜佢个王子唚佢，毒誓正會解除。」

國王驚毒誓實現，
命令同全國个紡錘還過紡紗機聚概收集起來，燒核吔去。

蘿拉慢慢仔大吔，大啊又精又鬧，又搭係溫柔善良个公主。
蘿拉公主就愛做十六歲个生日吔，
國王同王后盡暢，
佢等講：「等妹仔做過十六歲生日，就毋使再驚卡拉个毒誓吔。」

在佢十六歲生日該日，國王䟓䟓舉辦一個盡鬧熱个舞會。
各國个王子都逐來講親。
佢等送來盡多等路，還同蘿拉公主跳舞，
大家都分佢跳舞个姿色餳啊呆核。

有一個老阿婆拿等一抓花對公主講：
「得人惜个公主，這係𠊎送你个生日等路。」
蘿拉笑微微仔接過花，
無愐着在花裡背庰等一個金金个紡錘！
佢無細義嗄分紡錘刺着手指，就像死核樣仔，睡啊毋知昏醒。
老阿婆盡大聲㖸等仔脫核外衫，
原來老阿婆就係壞仙女卡拉打扮个！

國王對丁香仙子講：
「準假蘿拉對這下緊睡都毋知昏醒，嘎請分𠊎等同佢共下睡到毋知人事。」

仙女擎起奇術杖仔（congˋ eˋ）畫畫啊，唸等乩，
跈等這個國家个人聚概都睡核吔！
毋單淨蘿拉公主，國王、王后、大臣，
歸仔王國裡背个人一概都睡落覺吔。
有竻个樹仔同矮樹仔對地泥底下緊生出來，跈等牆頭递上去，
無幾久歸座皇宮都分樹藤同有竻个樹仔抵等。
漸漸仔，大家人都添放核這仔有一個王國，
睡美人个故事，變做一個傳說。

一百年過後 一個後生个王子行過這座森林，
佢發夢着丁香仙子帶佢去尋蘿拉公主，還同公主跳舞。
王子睡醒過後，正式看着丁香仙子，
佢對丁香仙子講：「請同𠊎講愛仰仔正做得救公主？」

丁香仙子帶等王子來到城堡，
奇妙个事情發生吔！
王子見行前一步，抵等城堡个有竻个樹仔，就自動後退閃開。

王子來到皇宮，
看着大門口、廊仔下，一哪仔都有人在該睡啊牽覺，
連國王乜在寶座項睡核吔，
皇宮裡背一哪仔都壅塵打灰同蝲䗁絲。

王子看着蘿拉公主眠啊眠床項，
過吔一百年，公主本本同佢十六歲該下，共樣恁靚。
王子一看啊着公主，黏時就中意着佢，
忍毋核就唚吔公主。

突然間，公主擘開目珠！
跈等仔，歸個城堡裡背个人都醒吔，
國王同王后乜醒吔，
毒誓解除吔！
圍等城堡个樹林，化做掖麻掖米个細鳥仔飛走吔。

國王歡喜个同王子公主，舉辦吔一場盡鬧熱个結婚典禮，
對該擺過後，大家都過等幸福暢樂个生活。






【華語原文】

皇宮的號角聲響起！
王后生了一個女嬰，小公主的名字叫蘿拉。
蘿拉滿月那天，國王和王后為她舉辦了盛大的慶祝會，
邀請所有的仙女來參加，仙女們圍著小公主，給她祝福。

這時，來了一位長得十分兇惡的巫婆！
她的名字叫卡拉。
卡拉生氣的說：
「你們居然忘記請我！
我祝蘿拉公主在十六歲以前，被紡錘針刺破手指而死！
這就是你們不邀請我的後果！」

聽到卡拉的詛咒，所有人都嚇得發抖。
丁香仙子說：
「我無法消除卡拉的魔咒，但是可以改變它。
公主十六歲以前，如果被紡錘刺破手指，
她將不會死去，而是沉睡，
直到一位真心愛她的王子親吻她，魔咒才會解除。」

國王害怕詛咒成真，
下令把全國的紡錘和紡紗機通通收集起來，燒掉。

蘿拉漸漸長大，成為又聰明又美麗，而且溫柔善良的公主。
蘿拉公主快要過十六歲生日了，
國王和王后非常開心，
他們說：「只要等女兒過了十六歲生日，就不用再怕卡拉的魔咒了！」

在她十六歲生日那天，國王特地舉辦一個盛大的舞會。
各國的王子都趕來提親，
他們送來好多禮物，還跟蘿拉公主跳舞，
大家都陶醉在她美妙的舞姿中。

有個老婆婆拿著一束花對公主說：
「親愛的公主，這是我送你的生日禮物。」
蘿拉笑著接過花，
沒想到花裡面藏著一個閃閃發亮的紡錘！
她不小心被紡錘扎到手指，就像死了一樣沉沉睡著。
老婆婆哈哈大笑的脫下外袍，
原來老婆婆竟然是壞仙女卡拉假扮的！

國王對丁香仙子說：
「假如蘿拉從此沉睡不醒，請讓我們跟著她一起沉睡吧。」

仙女拿起魔杖揮舞，唸起咒語，
於是這個國家的人都睡著了！
不只蘿拉公主，國王、王后、大臣，
整個王國裡的人通通陷入沉睡當中。
荊棘和灌木不斷從地底長出來，沿著城牆往上爬，
不久整座皇宮都被樹藤與荊棘淹沒。
漸漸的，人們忘了這裡有一個王國　
睡美人的故事，變成一個傳說。

一百年以後，一位年輕的王子經過這片森林，
他夢見丁香仙子帶他去見蘿拉公主，還跟公主跳舞。
王子醒來後，真的看見丁香仙子，
他對丁香仙子說：「請告訴我怎樣才能救公主？」

丁香仙子帶領王子來到城堡，
奇妙的事情發生了！
王子每向前走一步，包圍城堡的荊棘就自動向後退開。

王子來到皇宮，
看見大門口、走廊，到處都有人在呼呼大睡，
連國王也在寶座上睡著了。
皇宮裡佈滿灰塵和蜘蛛網。

王子看到蘿拉公主躺在床上，
過了一百年，公主仍跟她十六歲時一樣美麗。
王子一眼看到公主，立刻就愛上她，
忍不住吻了公主。

突然，公主睜開眼睛！
接著，整個城堡裡的人都醒了，
國王和王后也醒了，
魔咒解除了！
圍繞城堡的樹林，化成無數隻小鳥飛去。

國王開心的為王子和公主，舉行了一場盛大的婚禮，
從此以後，大家都過著幸福快樂的生活。