國王請所有人來為剛出生的公主慶生，獨漏了壞女巫。壞女巫詛咒公主長大以後會碰到紡綞，陷入沉睡。果然，公主和全國的人都睡著了！要怎麼破解這個詛咒呢？

皇宮个笛仔聲響起哩！
王后降咧一個妹仔，細公主个名仔安到蘿拉。
蘿拉滿月該日，國王摎王后為佢舉辦鬧熱个慶祝會，
邀請所有个仙女來參加，這兜仙女圍等細公主，分佢祝福。

這央時，來咧一位生到惡豺豺仔个巫婆！
佢个名仔安到卡拉，
卡拉閼悴悴仔講：
「你兜竟然毋記得請𠊎！
𠊎祝蘿拉公主在十六歲以前，就分紡錘車刺爛手指死忒去啦！
這就係你兜無邀請𠊎个結果！」

聽着卡拉个咒誓，所有个人都嚇到緊顫。
丁香仙子講：
「𠊎無辦法消除卡拉个魔咒，毋過𠊎做得改變。
到公主十六歲以前，係講分紡錘刺爛手指，
佢毋會死忒，係會睡到毋知醒定定，
愛等到一個真心愛佢个王子唚佢，魔咒正會解除。」

國王驚咒誓變正經，
下令摎全國个紡錘摎紡紗機總下收集起來，燒忒去。

蘿拉慢慢仔大哩，係一個又聰明又靚，還過溫柔善良个公主。
蘿拉公主會做十六歲生日哩，
國王摎王后當歡喜，
佢兜講：「若係等妹仔過咧十六歲个生日，就毋使驚卡拉个魔咒哩。」

在佢十六歲生日該日，國王䟓䟓舉辦咧一個鬧熱个舞會。
各國个王子都相爭來講親呢。
佢兜送來當多禮物，還摎蘿拉公主跳舞，
大家都分佢美妙个舞姿餳到當入文哦。

有一個老阿婆提一束花對公主講：
「親愛个公主，這係𠊎送你个生日禮物。」
蘿拉笑等接過花來，
無想着這束花裡背囥等一支金金金个紡錘！
佢無細義就分紡錘刺着手指，就像死忒樣仔睡忒哩。
老阿婆哈哈大笑个摎長袍仔脫下來，
原來老阿婆竟然係壞仙女卡拉假扮个！

國王對丁香仙子講：
「係講蘿拉對這就緊睡毋會醒，請分𠊎兜跈等佢共下睡好咧。」

仙女提起魔杖畫啊畫仔，開始唸咒，
所以這個國家个人都睡忒哩！
毋單淨蘿拉公主，國王、王后、大臣，
歸隻王國肚个人做下都沉沉个睡落覺去哩。
竻仔樹摎矮樹緊對地泥下生出來，跈等壁頂爬往上，
無幾久歸座皇宮都分樹藤摎竻仔弇等哩。
慢慢仔，大家毋記得這位識有一隻王國，
睡美人个故事，變做一個傳說。

一百年過後，一位後生个王子經過這座樹林，
佢發夢夢着丁香仙子渡佢去見蘿拉公主，還摎公主跳舞。
王子睡醒了後，正經䀴着丁香仙子
佢對丁香仙子講：「請摎𠊎講愛仰般正做得救公主呢？」

丁香仙子渡王子來到城堡，
奇妙个事情發生哩！
王子每向前行一步，包圍城堡个竻仔就自動向後背退開。

王子來到皇宮，
䀴着大門口、走廊，滿哪仔都有人在該睡，
連國王乜在寶座項睡忒哩。
皇宮裡背滿哪就係蝲䗁網又合壅塵打灰。

王子䀴着蘿拉公主睡在眠床項，
過咧一百年咧，公主還係摎佢十六歲該央時共樣恁靚。
王子一䀴啊着公主，跈等就愛着佢哩，
佢忍毋核唚咧公主一下。

旋旋風，公主摎目珠擘啊開來！
續下來，歸隻城堡裡背个人都醒哩，
國王摎王后乜醒咧，
魔咒解忒哩！
圍等城堡个樹林，化做掖麻掖米个鳥仔飛走咧。

國王當歡喜，為王子摎公主舉行咧鬧熱个婚禮，
對這過後，大家都過等幸福快樂个生活哩喲。






【華語原文】

皇宮的號角聲響起！
王后生了一個女嬰，小公主的名字叫蘿拉。
蘿拉滿月那天，國王和王后為她舉辦了盛大的慶祝會，
邀請所有的仙女來參加，仙女們圍著小公主，給她祝福。

這時，來了一位長得十分兇惡的巫婆！
她的名字叫卡拉。
卡拉生氣的說：
「你們居然忘記請我！
我祝蘿拉公主在十六歲以前，被紡錘針刺破手指而死！
這就是你們不邀請我的後果！」

聽到卡拉的詛咒，所有人都嚇得發抖。
丁香仙子說：
「我無法消除卡拉的魔咒，但是可以改變它。
公主十六歲以前，如果被紡錘刺破手指，
她將不會死去，而是沉睡，
直到一位真心愛她的王子親吻她，魔咒才會解除。」

國王害怕詛咒成真，
下令把全國的紡錘和紡紗機通通收集起來，燒掉。

蘿拉漸漸長大，成為又聰明又美麗，而且溫柔善良的公主。
蘿拉公主快要過十六歲生日了，
國王和王后非常開心，
他們說：「只要等女兒過了十六歲生日，就不用再怕卡拉的魔咒了！」

在她十六歲生日那天，國王特地舉辦一個盛大的舞會。
各國的王子都趕來提親，
他們送來好多禮物，還跟蘿拉公主跳舞，
大家都陶醉在她美妙的舞姿中。

有個老婆婆拿著一束花對公主說：
「親愛的公主，這是我送你的生日禮物。」
蘿拉笑著接過花，
沒想到花裡面藏著一個閃閃發亮的紡錘！
她不小心被紡錘扎到手指，就像死了一樣沉沉睡著。
老婆婆哈哈大笑的脫下外袍，
原來老婆婆竟然是壞仙女卡拉假扮的！

國王對丁香仙子說：
「假如蘿拉從此沉睡不醒，請讓我們跟著她一起沉睡吧。」

仙女拿起魔杖揮舞，唸起咒語，
於是這個國家的人都睡著了！
不只蘿拉公主，國王、王后、大臣，
整個王國裡的人通通陷入沉睡當中。
荊棘和灌木不斷從地底長出來，沿著城牆往上爬，
不久整座皇宮都被樹藤與荊棘淹沒。
漸漸的，人們忘了這裡有一個王國　
睡美人的故事，變成一個傳說。

一百年以後，一位年輕的王子經過這片森林，
他夢見丁香仙子帶他去見蘿拉公主，還跟公主跳舞。
王子醒來後，真的看見丁香仙子，
他對丁香仙子說：「請告訴我怎樣才能救公主？」

丁香仙子帶領王子來到城堡，
奇妙的事情發生了！
王子每向前走一步，包圍城堡的荊棘就自動向後退開。

王子來到皇宮，
看見大門口、走廊，到處都有人在呼呼大睡，
連國王也在寶座上睡著了。
皇宮裡佈滿灰塵和蜘蛛網。

王子看到蘿拉公主躺在床上，
過了一百年，公主仍跟她十六歲時一樣美麗。
王子一眼看到公主，立刻就愛上她，
忍不住吻了公主。

突然，公主睜開眼睛！
接著，整個城堡裡的人都醒了，
國王和王后也醒了，
魔咒解除了！
圍繞城堡的樹林，化成無數隻小鳥飛去。

國王開心的為王子和公主，舉行了一場盛大的婚禮，
從此以後，大家都過著幸福快樂的生活。