國王請所有人來為剛出生的公主慶生，獨漏了壞女巫。壞女巫詛咒公主長大以後會碰到紡綞，陷入沉睡。果然，公主和全國的人都睡著了！要怎麼破解這個詛咒呢？

皇宮个笛（音tag）仔聲響起！
王后降吔一個妹仔，細公主个名仔安到蘿拉。
蘿拉滿月該日，國王同王后為佢舉辦鬧熱个慶祝會，
邀請所有个仙女來參加， 這兜仙女圍等細公主，分佢祝福。

這央時，來吔一位生到惡豺豺仔个巫婆！
厥名仔安到卡拉。
卡拉譴ziiˊziiˊ仔講：
「你兜竟然毋記得請𠊎！
𠊎祝蘿拉公主在十六歲以前，就分紡錘針刺爛手指死忒！
這就係你兜無邀請𠊎个結果！」

聽着卡拉个咒誓，所有个人都嚇到緊顫。
丁香仙子講：
「𠊎無辦法消除卡拉个魔咒，毋過做得改變佢。
公主十六歲以前， 係講分紡錘刺爛手指，
佢毋會死忒，會睡到毋知醒，
一直到一位真心愛佢个王子唚佢，魔咒正會解除。」

國王驚咒誓成真，
下令同全國个紡錘同紡紗機總下收集起來，燒忒。

蘿拉慢慢仔大哩，係一個又聰明又靚，還過溫柔善良个公主。
蘿拉公主會做十六歲生日哩，
國王同王后當歡喜，
佢兜講：「係等妹仔過吔十六歲生日，就毋使驚卡拉个魔咒哩！」

在佢十六歲生日該日，國王䟓䟓舉辦吔一個鬧熱个舞會。
各國个王子都相爭來講親，
佢兜送來當多禮物，還同蘿拉公主跳舞，
大家都分佢美妙个舞姿餳到當入文。

有一個老阿婆拿一抓花對公主講：
「親愛个公主，這係𠊎送你个生日禮物。」
蘿拉笑等接過花，
無想着這抓花裡背囥等一個金金金个紡錘！
佢無細義就分紡錘刺着手指，就像死忒恁仔睡忒哩。
老阿婆哈哈大笑个同袍仔脫下來，
原來老阿婆竟然係壞仙女卡拉假做个！

國王對丁香仙子講：
「係講蘿拉對這就緊睡毋會醒，請分𠊎兜跈等佢共下睡。」

仙女拿起魔杖畫啊畫吔，開始唸咒，
故所這個國家个人都睡忒哩！
毋單淨蘿拉公主，國王、王后、大臣，
歸個王國肚个人做下都睡落覺哩。
竻仔樹同矮樹仔緊對地泥下生出來，跈等壁頂爬往上，
無幾久歸座皇宮都分樹藤同竻仔弇等哩。
慢慢仔，大家毋記得這位識有一個王國，
睡美人个故事，變做一個傳說。

一百年過後，一位後生个王子經過這座森林，
佢夢着丁香仙子帶佢去見蘿拉公主，還同公主跳舞。
王子睡醒後，正經看着丁香仙子，
佢對丁香仙子講：「請同𠊎講愛恁仔正做得救公主？」

丁香仙子帶王子來到城堡，
奇妙个事情發生吔！
王子每向前行一步，包圍城堡个竻仔就自動向後背退走。

王子來到皇宮，
看着大門口、走廊，一哪仔都有人在該睡目，
連國王乜在寶座項睡忒哩。
皇宮裡背哪就湧（音iungˊ）塵打灰同蝲䗁網。

王子看着蘿拉公主睡在眠床項，
過吔一百年，公主還係同佢十六歲該央時共樣恁靚。
王子一看啊着公主，跈等就愛着佢，
忍毋核个唚公主。

旋旋風，公主同目珠擘開來！
續下來，歸個城堡裡背个人都醒哩，
國王同王后乜醒吔，
魔咒解除哩！
圍等城堡个樹林，化做掖麻掖米个鳥仔飛走。

國王當歡喜，為王子同公主舉行吔鬧熱个婚禮，
對這過後，大家都過等幸福快樂个生活。






【華語原文】

皇宮的號角聲響起！
王后生了一個女嬰，小公主的名字叫蘿拉。
蘿拉滿月那天，國王和王后為她舉辦了盛大的慶祝會，
邀請所有的仙女來參加，仙女們圍著小公主，給她祝福。

這時，來了一位長得十分兇惡的巫婆！
她的名字叫卡拉。
卡拉生氣的說：
「你們居然忘記請我！
我祝蘿拉公主在十六歲以前，被紡錘針刺破手指而死！
這就是你們不邀請我的後果！」

聽到卡拉的詛咒，所有人都嚇得發抖。
丁香仙子說：
「我無法消除卡拉的魔咒，但是可以改變它。
公主十六歲以前，如果被紡錘刺破手指，
她將不會死去，而是沉睡，
直到一位真心愛她的王子親吻她，魔咒才會解除。」

國王害怕詛咒成真，
下令把全國的紡錘和紡紗機通通收集起來，燒掉。

蘿拉漸漸長大，成為又聰明又美麗，而且溫柔善良的公主。
蘿拉公主快要過十六歲生日了，
國王和王后非常開心，
他們說：「只要等女兒過了十六歲生日，就不用再怕卡拉的魔咒了！」

在她十六歲生日那天，國王特地舉辦一個盛大的舞會。
各國的王子都趕來提親，
他們送來好多禮物，還跟蘿拉公主跳舞，
大家都陶醉在她美妙的舞姿中。

有個老婆婆拿著一束花對公主說：
「親愛的公主，這是我送你的生日禮物。」
蘿拉笑著接過花，
沒想到花裡面藏著一個閃閃發亮的紡錘！
她不小心被紡錘扎到手指，就像死了一樣沉沉睡著。
老婆婆哈哈大笑的脫下外袍，
原來老婆婆竟然是壞仙女卡拉假扮的！

國王對丁香仙子說：
「假如蘿拉從此沉睡不醒，請讓我們跟著她一起沉睡吧。」

仙女拿起魔杖揮舞，唸起咒語，
於是這個國家的人都睡著了！
不只蘿拉公主，國王、王后、大臣，
整個王國裡的人通通陷入沉睡當中。
荊棘和灌木不斷從地底長出來，沿著城牆往上爬，
不久整座皇宮都被樹藤與荊棘淹沒。
漸漸的，人們忘了這裡有一個王國　
睡美人的故事，變成一個傳說。

一百年以後，一位年輕的王子經過這片森林，
他夢見丁香仙子帶他去見蘿拉公主，還跟公主跳舞。
王子醒來後，真的看見丁香仙子，
他對丁香仙子說：「請告訴我怎樣才能救公主？」

丁香仙子帶領王子來到城堡，
奇妙的事情發生了！
王子每向前走一步，包圍城堡的荊棘就自動向後退開。

王子來到皇宮，
看見大門口、走廊，到處都有人在呼呼大睡，
連國王也在寶座上睡著了。
皇宮裡佈滿灰塵和蜘蛛網。

王子看到蘿拉公主躺在床上，
過了一百年，公主仍跟她十六歲時一樣美麗。
王子一眼看到公主，立刻就愛上她，
忍不住吻了公主。

突然，公主睜開眼睛！
接著，整個城堡裡的人都醒了，
國王和王后也醒了，
魔咒解除了！
圍繞城堡的樹林，化成無數隻小鳥飛去。

國王開心的為王子和公主，舉行了一場盛大的婚禮，
從此以後，大家都過著幸福快樂的生活。