父親娶了新太太，繼母和兩個女兒經常欺負小女兒灰姑娘。有天國王舉辦舞會，繼母和姊姊不讓灰姑娘參加。灰姑娘該怎麼做才能參加舞會，得到王子的心呢？

頭擺有一個好額个生理人，厥餔娘過身吔，佢又討吔一個接腳个。
新餔娘原本有兩個妹仔，生理人自家乜有一個妹仔，年紀盡細。

逐擺生理人出去做生理，後哀就分盡細个妹仔換爛衫爛褲，
喊佢洗衫煮飯，還愛拚煙涵。
因為厥身頂高總係火燂煤了了，
後哀同兩個阿姊都喊佢「灰姑娘」。

有一年，國王為着同王子選餔娘，
愛舉辦一連兩日个皇家舞會，邀請各地个細阿妹仔來參加。
灰姑娘个兩個阿姊，緊拚拚仔在該擇舞會愛著个禮服同䯋鍊這兜。
灰姑娘問後哀：「𠊎乜做得去參加舞會喺？」
後哀講：「你著該領火燂煤了了个爛衫跳舞喺？莫笑死人哩！」

舞會該日，
灰姑娘在棚頂，看等後哀同阿姊暢那那仔个去參加舞會，
佢就佇毋著噭出來。
這央時，出現一個老阿婆。
佢講，佢係灰姑娘个教母，做得實現灰姑娘个願望。
灰姑娘講：「𠊎想愛去參加舞會，毋過無衫好著，乜無馬車好坐呢！」
教母講：「這異該做！」

教母尋吔一粒大番瓜，過仔用魔法棍仔點一下。
哇──番瓜變做派頭个馬車！
續下來，佢尋來七隻老鼠仔，
同其中六隻變做馬仔，第七隻老鼠就變做車夫。

盡尾佢畫畫（音vag）啊魔法棍仔，
灰姑娘个爛衫，竟然變做金那那仔个銀色禮服！
還合吔一雙金金个玻璃鞋。

這央時教母對灰姑娘講：
「好好仔去搞啦！毋過記得愛在半夜十二點以前轉屋下。
十二點過後，所有个東西都會打轉原本个形仔！」

灰姑娘坐等馬車來到皇宮，
王子看着恁靚个灰姑娘，跈等就愛着佢。
佢湊灰姑娘共下跳舞，佢兜跳吔歸暗晡，
兩個阿姊同後哀都無認出，這靚妮妮仔个細妹仔係灰姑娘。

在灰姑娘看着時鐘指等十一點四十五分个時節，
遽遽同王子講佢愛轉吔，續等就坐馬車離開哩。

第二日，
教母還係為灰姑娘準備好馬車同車夫，還有靚靚个禮服，
叮嚀佢：「愛記得，定著愛在十二點以前轉來哦！」

王子看着灰姑娘當暢，佢兜快樂个跳舞。
因為忒歡喜哩，灰姑娘毋記得注意時間，
在鐘聲響起十二響个時節，佢正緊衝衝（音cung）仔个離開皇宮。
下台排个時節，佢無注意跌忒哩一隻玻璃鞋。
王子拈起玻璃鞋，看等馬車緊走緊遠。

王子派大臣帶玻璃鞋到各地宣布，
係有細妹仔著吔得玻璃鞋，王子就討佢做餔娘。
全國个細妹仔都搶等排列仔來試鞋，毋過無人个腳係堵好个。
盡尾，大臣帶玻璃鞋來到灰姑娘个屋下。

大姊个腳忒大，塞毋落玻璃鞋；
二姊个腳忒細，鞋著毋核，㪐啊下來。

大臣發現囥在壁角个灰姑娘，愛佢乜來試著看哪。
兩個阿姊笑講：「灰姑娘骯骯髒髒（音oˊ zoˊ），無可能去舞會。」
無想着，灰姑娘同腳放到玻璃鞋裡背，竟然堵堵好！

大臣總算尋着未來个王妃，
故所同灰姑娘接入宮肚，
王子認出灰姑娘就係同佢跳舞个細妹仔，
國王當暢，下令為佢兜舉行鬧熱个結婚典禮。






【華語原文】

從前有一個有錢的商人，他在妻子去世後，又娶了新的妻子。
新妻子原本有兩個女兒，商人自己也有一個女兒，年紀最小。

每當商人外出做生意，後母就給小女兒換上破衣服，
叫她洗衣燒飯，還要清理煙囪。
因為她的身上總是沾滿煤灰，
後母和姊姊們都叫她「灰姑娘」。

有一年，國王為了幫王子選妻子，
要舉辦一連兩天的皇家舞會，邀請各地少女來參加。
灰姑娘的兩個姊姊，忙著挑選舞會要穿的禮服和首飾。
灰姑娘問後母：「我也可以去參加舞會嗎？」
後母說：「你穿那件滿是煤灰的破衣服跳舞嗎？別笑死人了！」

舞會那天，
灰姑娘在閣樓上，看著後母和姊姊開心的去參加舞會，
忍不住哭了起來。
這時，出現一個老婆婆。
她說，她是灰姑娘的教母，可以實現灰姑娘的願望。
灰姑娘說：「我想去參加舞會，可是沒衣服穿，也沒馬車可以坐！」
教母說：「這個容易！」，

教母找了一顆大南瓜，然後用魔棒點一下。
哇──南瓜變成了豪華的馬車！
接著，她找來七隻老鼠，
把其中六隻變成馬匹，第七隻老鼠則變成車夫。

最後她揮舞魔棒，
灰姑娘的破衣服，竟然變成閃亮的銀色禮服！
還配上一雙晶瑩的玻璃鞋。

這時教母對灰姑娘說：
「去好好玩吧！不過記得要在午夜十二點以前回家。
十二點以後，所有的東西都會恢復原樣！」

灰姑娘乘著馬車來到皇宮，
王子看到美麗的灰姑娘，立刻愛上她。
他邀灰姑娘一起跳舞，他們跳了一整個晚上，
兩個姊姊和後母都沒有認出，這個美麗的女孩是灰姑娘。

當灰姑娘看到時鐘指著十一點四十五分時，
趕緊跟王子道別，坐馬車離開。

第二天，
教母依舊為灰姑娘準備好馬車和車夫，以及美麗的禮服，
叮嚀著：「別忘記，一定要在十二點以前回來唷！」

王子看到灰姑娘非常高興，他們快樂的跳著舞。
因為太開心，灰姑娘忘了注意時間，
當鐘聲響起十二響時，她才慌張的離開皇宮。
跑下台階時，她不小心掉了一隻玻璃鞋。
王子撿起玻璃鞋，並看著馬車走遠。

王子派大臣帶著玻璃鞋到各地宣布，
只要哪個女孩能夠穿上玻璃鞋，王子就娶她為妻。
全國的女孩都搶著排隊試穿鞋子，但是沒有人的腳適合。
最後，大臣帶著玻璃鞋來到灰姑娘的家　

大姊的腳太大，塞不進玻璃鞋；
二姊的腳太小，鞋子穿不住，掉下來。

大臣發現躲在角落的灰姑娘，要她也來試穿。
兩個姊姊笑著說：「灰姑娘髒兮兮，不可能去舞會。」
沒想到，灰姑娘把腳放進玻璃鞋裡，竟然剛剛好！

大臣終於找到未來的王妃，
於是把灰姑娘接進宮裡，
王子認出灰姑娘就是跟他跳舞的女孩，
國王很高興，下令為他們舉行盛大的結婚典禮。