醜小鴨因為從小跟別人長得不一樣，受到排擠和取笑，就算牠努力想被認同、和大家做朋友，卻只是被嘲笑得更厲害。到底醜小鴨該怎麼辦？牠能不能交到朋友呢？

熱天个莊下正式靚，金色个日華，青色个草地，
有一隻鴨嫲在牛蒡草底下孵卵。
過吔幾下日，卵殼聚概（qiugˋ koiˋ）都必開來吔，
淨伸著一粒盡大粒个卵還無必，
一隻老鴨仔行過來，看看啊講：
「這恁大粒个卵，無定著係火雞卵。」
鴨嫲又孵吔幾下日，對卵殼裡背走出一隻又大又媸个細鴨子。

第二日，鴨嫲帶等所有个細鴨子來到圳溝泅水仔，
每一隻細鴨子都泅啊盡好，該隻又大又媸个細鴨子乜毋會㜮
鴨嫲心肝肚盡安慰，佢愐：
「這細子仔泅啊恁好，看起來毋像係火雞，定著係𠊎自家降个細子仔。」
續下來佢帶等細鴨子來到農場，同佢等紹介分厥朋友。

細鴨子發現在佢等裡背有一隻生啊特別媸，緊看緊得人惱，
腳項䌈等紅布條个老鴨嫲講：「若這兜細子仔聚概都盡鬧，
就淨這隻特別媸，毋當同佢塞歸去卵裡背，𠊎再孵過一擺好吔。」
鴨嫲講：「老伯姆你莫消遣吔，𠊎這細子仔媸罔媸，毋過脾氣好，
乜盡會泅水仔，下二擺大吔定著會盡厲害。」

佢等歇在農場裡背，媸鴨子行到哪都得人惱、分人㖸，
最尾，連鴨嫲乜開始惱佢，
係媸鴨子一偎兼來，佢就會譴譴（kienˋ kienˋ）仔講：「行開！」
媸鴨子艱苦个愐：
「每日都分人罵，大家人都惱𠊎，𠊎還係離開這仔好吔。」

媸鴨子瀉走个聲音，嚇着樹林裡背个鳥仔，鳥仔飛走吔
媸鴨子看着鳥仔飛走，還覺得係自家恁媸个樣仔，同佢等嚇走
心肝肚又加過艱苦。
媸鴨子走到一個魚塘脣，有幾下隻野鴨仔看着佢，
圍前來誚㸐厥樣仔。

過加兩日，飛來兩隻大雁仔，
佢等乜消遣个講：
「生啊恁媸，驚啊無人肯同你做朋友。」
大雁仔飛走該下，突然間天頂傳來「砰砰」兩下銃仔聲！
媸鴨子共快庰啊在草堆裡背，
佢聽着重沉沉个腳步聲同沙蔗仔拗斷个聲音，
跈等仔感覺後背有一陣燒氣透過來，
𢳆頭一看，原來係一隻獵狗。
獵狗用鼻公堵等鴨子个圓身，鼻吔一下仔，行開吔。

「𠊎媸啊連獵狗乜無愛食。」媸鴨子愐。

斷烏吔，媸鴨子溜出沙蔗叢，向等農場个方向走，
佢來到一個農家，
屋裡背个老阿婆目珠無麼个好，看毋清楚，還覺著佢係一隻大肥鴨，
做得生卵，就分佢歇啊該（geˋ）。
毋過媸鴨子歇吔幾下日，連一粒卵都無生出來，
跈等仔屋仔裡背个貓仔、雞嫲共下對佢盡無細義，
不時罵佢，媸鴨子佇毋著就離開吔。

秋天到吔，樹林裡背个樹葉仔乜跈等轉黃，
聚概動物都嫌媸鴨子生啊盡壞看，故所佢連一個朋友都無。

有一日臨暗，媸鴨子看着一陣盡鬧个大鳥仔，
閕開（hia koiˊ）靚靚个大翼胛，佢等正愛飛去南方，
去尋寒天毋會結冰个湖。
佢等个毛色瀉白啊反金，長長个頸根盡鬆軟，
媸鴨子看着這兜恁鬧个天鵝，心肝肚盡心羨、又歡喜。
佢愐：「𠊎係有法度同這兜天鵝共樣就好吔，毋過這係無可能个啊！」

寒天變啊盡寒人，盡寒人，
媸鴨子驚湖水會結冰，等圓圈仔泅來泅去个泅無停，
毋過水還係𠗻冰吔，媸鴨子凍啊昏核吔。

第二日打早，一個耕種人同佢揇歸屋下交分厥姐仔。
媸鴨子在燒暖个灶下昏醒過來，
耕種人个細人仔走過來想愛同佢搞。
毋過媸鴨子還覺得，佢等係愛傷害佢，
嚇啊一哪仔亂走。
佢向等開開个大門，逃走出去，

春天到吔，媸鴨子乜大吔，
有一日佢閕開翼胛飛入一個公園，
看着三隻天鵝，對魚塘脣泅去佢該。
媸鴨子覺著自家盡壞看，
頭犁犁仔毋敢看該兜天鵝，
就在這時節，佢看着水中自家个身影，
毋多知仔，佢早就毋係該隻盡壞看个鴨子吔。
佢變啊一隻盡鬧个白天鵝！
湖畔（pen）來吔盡多个細人仔，其中一個對等大家人大聲个講：
「你等看！這隻新來个天鵝恁靚！這隻新來个天鵝恁鬧哦！」






【華語原文】

夏天的鄉下真美麗，金色的陽光，綠色的大地，
有隻母鴨在牛蒡草下孵蛋。
過了幾天，蛋殼都裂開了，只剩下一顆非常大的蛋還沒裂開。
一隻老鴨走過來，看了看說：「這麼大個子，說不定是顆火雞蛋。」
母鴨又孵了幾天，從蛋殼裡跑出了一隻又大又醜的鴨子。

第二天鴨媽媽帶著所有小鴨到溪邊游泳，
每一隻小鴨子都游得很好，那隻又大又醜的鴨子也不錯，
鴨媽媽心裡很安慰，她想：「這孩子游得這麼好，
看起來不像是火雞，應該是我親生的孩子。」
於是她帶著小鴨子到農場，把他們介紹給她的朋友。

鴨子們發現裡面有一隻小鴨子長得特別醜，越看越討厭。
腿上綁著紅布條的老母鴨說：「你的孩子們都很漂亮，只有這一隻特別醜！
不如把他塞回蛋裡，我重新再孵一次吧。」
母鴨說：「老太太您別開玩笑了，我這孩子雖然醜，但是脾氣好，
游泳也不錯，長大以後一定會很厲害。」

他們住在農場上，醜小鴨到處被排擠，被譏笑。
最後，連鴨媽媽也開始討厭起醜小鴨，
只要醜小鴨一靠近，她就會不高興的說：「走開！」
醜小鴨難過的想：
「每天被罵，大家都討厭我，我還是離開這裡吧。」

醜小鴨奔跑的聲音，驚嚇到樹林的鳥兒，鳥兒飛走了。
醜小鴨看到小鳥飛走，還以為是自己的醜樣子，把他們嚇跑了，
心裡更加難過。
醜小鴨跑到一個池塘邊，有幾隻野鴨看見他，
圍過來嘲笑他的長相。

過兩天，飛來兩隻大雁，
他們也開玩笑的說：
「長這麼醜，恐怕沒有人願意跟你做朋友。」
大雁飛走時，空中傳來忽然「砰砰」兩聲槍響！
醜小鴨趕快躲在草叢裡，
他聽到沉重的腳步聲和蘆葦折斷的聲音，
然後感覺背後有一股熱呼呼的氣息，
回頭一看，原來是一隻獵狗！
獵狗用鼻子頂著小鴨的身子，聞了一陣子，離開了。

「我醜得連獵狗也不要吃呢。」醜小鴨想。

天黑了，醜小鴨溜出蘆葦叢，朝農場的方向跑。
他來到一間農家，
屋裡的老太太眼睛不好，看不清楚，還以為他是一隻大肥鴨，
可以生蛋，就讓他住下。
但是醜小鴨住了好幾天，連一顆蛋也沒生出來，
於是屋子裡的貓啊、母雞，都對他很不客氣，常常罵他。
醜小鴨受不了，就離開了。

秋天到了，樹林裡的樹葉都已經變黃，
動物們都嫌醜小鴉長得很難看，因此他連一個朋友也沒有。

一天傍晚，醜小鴨看見一群漂亮的大鳥，
他們展開美麗的大翅膀，正要飛到南方，
去找冬天不結冰的湖泊。
他們的羽毛白得發亮，長長的脖子很柔軟，
醜小鴨看見這些美麗的天鵝，心裡好羨慕，又歡喜。
他想：「我要是能像這些天鵝一樣就好了，但這是不可能的啊！」

冬天變得很冷，非常的冷。
醜小鴨怕湖水結冰，繞著圈子不停的游來遊去，
但是水還是結了凍，醜小鴨被凍得昏倒了。

第二天一大清早，一個農夫將他抱回家交給太太。
醜小鴨在溫暖的廚房醒過來，
農人的小孩跑過來想要跟他玩。
但是醜小鴨還以為，他們是要傷害他的，
嚇得到處亂跑。
他朝開著的大門，向外逃出去！

春天到了，醜小鴨也長大了。
有一天，他展開翅膀飛進一座公園，
看見三隻天鵝，從池邊向他游過來。
醜小鴨覺得自己難看，低著頭不敢看那些天鵝。
就在這時，他看見自己的倒影，
不知不覺中，他已經不是那隻難看的鴨子了，
他變成了一隻美麗的白天鵝！
湖岸邊來了許多的小孩，其中一個對著大家高聲說：
「你們看，這隻新來的天鵝好漂亮！這隻新來的天鵝好漂亮喔！」