醜小鴨因為從小跟別人長得不一樣，受到排擠和取笑，就算牠努力想被認同、和大家做朋友，卻只是被嘲笑得更厲害。到底醜小鴨該怎麼辦？牠能不能交到朋友呢？

熱天个莊下真靚，金色个日頭，青色个大地，
有一隻鴨嫲在牛蒡草下孵卵。
過了幾下日，卵殼攏必開啊，
正伸一粒真大粒个卵猶吂必開
一隻老鴨行過來，䀴䀴个即講：
「恁大粒个卵，無定著係一粒火雞卵。」
鴨嫲又加孵幾下日，對卵殼內底走出來一隻大大擱䆀䆀个鴨么。

第二日鴨阿依渡歸下个鴨么去溪脣泅水，
逐隻鴨么攏泅到真好，遐隻大擱䆀个鴨么嘛毋會䆀。
鴨阿依心內真安慰，佢想：
「這個細子泅到恁好，䀴起來無像係火雞，應當係𠊎親生个細子。」
所以佢渡鴨么去農場，拁佢人紹介得佢个朋友。

這兜鴨么發現內底有一隻生到特別䆀樣，越䀴越慼。
腳䌈紅布條个老鴨嫲講：「你个細子攏生到真靚，正有這隻特別䆀樣！
歸氣拁佢塞轉卵內底去，𠊎擱翻孵一擺啦。」
鴨阿依講：「阿婆你毋好講笑啊，𠊎這個細子雖然䆀，毋過性地好，
嘛真𠢕泅水，若大漢了後定著會真慶。」

佢人蹛在農場，䆀鴨么去哪位即得人慼、得人笑。
頭尾，和鴨阿依嘛開始棄嫌䆀鴨么，
若䆀鴨么一行偎，佢即會無歡喜講：「走！」
䆀鴨么艱難个想：
「逐日得人罵，大家恁慼𠊎，𠊎猶係離開這好啊。」

䆀鴨么擎腳走个聲，驚着樹林个鳥，鳥即飛走啊。
䆀鴨么䀴着鳥飛走，猶想講係自家傷䆀，正拁佢人驚走个，
心內即猶擱較艱難啊。
䆀鴨么走到一個魚塘脣，有幾下隻野鴨䀴着佢，
圍過來誚躂佢生个樣。

過兩日，飛來兩隻大雁，
佢人嘛講笑講：
「生到恁䆀，驚無人肯和你做朋友。」
大雁飛走个時，天崠好定泥傳來「砰砰」兩聲銃聲！
䆀鴨么較緊藏到草蕪內底，
佢聽着腳步聲和菅榛斷截个聲，
好定泥感覺後背有一陣燒氣，
斡頭一䀴，幾時係一隻獵狗！
獵狗用鼻揰鴨么个膴身，鼻一下子，即走去啊。

「𠊎䆀到和獵狗嘛無愛食。」䆀鴨么想。

天暗啊，䆀鴨么溜出菅榛，向農場个方向走過去。
佢來到一間作穡人屋下，
屋內个阿婆目珠無好，䀴毋會清楚，猶想講佢係一個大肥鴨，
會用生卵，即得佢蹛落來。
毋過䆀鴨么蹛幾下日，和一粒卵嘛無生出來，
所以屋內个貓、雞嫲，攏對佢真毋細義，不時罵佢。
䆀鴨么佇毋會核，即離開啊。
秋天到位啊，樹林內底个樹葉早即攏黃啊，
遐兜動物攏嫌䆀鴨么生到恁歹䀴，所以佢和一個朋友嘛無。

有一日烏昏，䆀鴨么䀴着一陣靚靚个大鳥，
佢人打開靚靚个大翼，討飛去南方，
去尋寒天時毋會結冰个湖。
佢人个鳥毛白雪雪，長長个頸真軟，
䆀鴨么䀴着這兜靚靚个天鵝，心內真欣羨，又歡喜。
佢想：「假使𠊎會用像這兜天鵝恁即好啊，毋過這係無可能个！」

寒天變到真寒，全然个寒。
䆀鴨么驚湖水結冰，直頭泅來泅去踅玲琅，
毋過水猶係結凍啊，䆀鴨么嘛寒到昏去啊。

第二日打早，一個作穡人拁佢攬轉屋下，交得佢个夫娘。
䆀鴨么在燒暖个灶下醒過來，
作穡人个細子走過來想討和佢尞。
毋過䆀鴨么猶想講，佢人想討傷害佢，
嚇到滿哪位烏白走。
佢面向開開个大門，向外頭走出去啊！

春天到位啊，䆀鴨么嘛大漢啊。
有一日，佢打開翼，飛入一個公園，
䀴着三隻天鵝，對魚塘脣向佢泅過來。
䆀鴨么感覺自家無好䀴，頭犁犁毋敢䀴遐兜天鵝。
即在這個時務，佢䀴着自家个倒影，
無去注意着，佢早即毋係遐隻歹䀴个鴨么啊，
佢變做一隻靚靚个白天鵝！
湖脣來真多細子，其中一個對大家大聲講：
「你人䀴啊！這隻新來个天鵝足靚个！這隻新來个天鵝足靚个！」






【華語原文】

夏天的鄉下真美麗，金色的陽光，綠色的大地，
有隻母鴨在牛蒡草下孵蛋。
過了幾天，蛋殼都裂開了，只剩下一顆非常大的蛋還沒裂開。
一隻老鴨走過來，看了看說：「這麼大個子，說不定是顆火雞蛋。」
母鴨又孵了幾天，從蛋殼裡跑出了一隻又大又醜的鴨子。

第二天鴨媽媽帶著所有小鴨到溪邊游泳，
每一隻小鴨子都游得很好，那隻又大又醜的鴨子也不錯，
鴨媽媽心裡很安慰，她想：「這孩子游得這麼好，
看起來不像是火雞，應該是我親生的孩子。」
於是她帶著小鴨子到農場，把他們介紹給她的朋友。

鴨子們發現裡面有一隻小鴨子長得特別醜，越看越討厭。
腿上綁著紅布條的老母鴨說：「你的孩子們都很漂亮，只有這一隻特別醜！
不如把他塞回蛋裡，我重新再孵一次吧。」
母鴨說：「老太太您別開玩笑了，我這孩子雖然醜，但是脾氣好，
游泳也不錯，長大以後一定會很厲害。」

他們住在農場上，醜小鴨到處被排擠，被譏笑。
最後，連鴨媽媽也開始討厭起醜小鴨，
只要醜小鴨一靠近，她就會不高興的說：「走開！」
醜小鴨難過的想：
「每天被罵，大家都討厭我，我還是離開這裡吧。」

醜小鴨奔跑的聲音，驚嚇到樹林的鳥兒，鳥兒飛走了。
醜小鴨看到小鳥飛走，還以為是自己的醜樣子，把他們嚇跑了，
心裡更加難過。
醜小鴨跑到一個池塘邊，有幾隻野鴨看見他，
圍過來嘲笑他的長相。

過兩天，飛來兩隻大雁，
他們也開玩笑的說：
「長這麼醜，恐怕沒有人願意跟你做朋友。」
大雁飛走時，空中傳來忽然「砰砰」兩聲槍響！
醜小鴨趕快躲在草叢裡，
他聽到沉重的腳步聲和蘆葦折斷的聲音，
然後感覺背後有一股熱呼呼的氣息，
回頭一看，原來是一隻獵狗！
獵狗用鼻子頂著小鴨的身子，聞了一陣子，離開了。

「我醜得連獵狗也不要吃呢。」醜小鴨想。

天黑了，醜小鴨溜出蘆葦叢，朝農場的方向跑。
他來到一間農家，
屋裡的老太太眼睛不好，看不清楚，還以為他是一隻大肥鴨，
可以生蛋，就讓他住下。
但是醜小鴨住了好幾天，連一顆蛋也沒生出來，
於是屋子裡的貓啊、母雞，都對他很不客氣，常常罵他。
醜小鴨受不了，就離開了。

秋天到了，樹林裡的樹葉都已經變黃，
動物們都嫌醜小鴉長得很難看，因此他連一個朋友也沒有。

一天傍晚，醜小鴨看見一群漂亮的大鳥，
他們展開美麗的大翅膀，正要飛到南方，
去找冬天不結冰的湖泊。
他們的羽毛白得發亮，長長的脖子很柔軟，
醜小鴨看見這些美麗的天鵝，心裡好羨慕，又歡喜。
他想：「我要是能像這些天鵝一樣就好了，但這是不可能的啊！」

冬天變得很冷，非常的冷。
醜小鴨怕湖水結冰，繞著圈子不停的游來遊去，
但是水還是結了凍，醜小鴨被凍得昏倒了。

第二天一大清早，一個農夫將他抱回家交給太太。
醜小鴨在溫暖的廚房醒過來，
農人的小孩跑過來想要跟他玩。
但是醜小鴨還以為，他們是要傷害他的，
嚇得到處亂跑。
他朝開著的大門，向外逃出去！

春天到了，醜小鴨也長大了。
有一天，他展開翅膀飛進一座公園，
看見三隻天鵝，從池邊向他游過來。
醜小鴨覺得自己難看，低著頭不敢看那些天鵝。
就在這時，他看見自己的倒影，
不知不覺中，他已經不是那隻難看的鴨子了，
他變成了一隻美麗的白天鵝！
湖岸邊來了許多的小孩，其中一個對著大家高聲說：
「你們看，這隻新來的天鵝好漂亮！這隻新來的天鵝好漂亮喔！」