醜小鴨因為從小跟別人長得不一樣，受到排擠和取笑，就算牠努力想被認同、和大家做朋友，卻只是被嘲笑得更厲害。到底醜小鴨該怎麼辦？牠能不能交到朋友呢？

熱天个莊下實在當靚，金色个日頭花，綠色个大地，
有一隻鴨嫲在牛蒡草下孵卵。
過幾日，卵殼必開來，
單淨伸着一粒當大粒个卵還吂必開，
一隻老鴨行過來，看啊看斯講：
「恁大粒个卵，無定著係火雞卵。」
鴨嫲又孵加幾下日，對卵殼肚孵出大嫲隻个醜鴨子。

第二日鴨媽媽帶所有个細鴨子去河壩泅水。
逐隻鴨子都泅來當好，該大大隻又醜个鴨子也已會泅。
鴨媽媽心肝肚當安慰，佢想：
「這個細人泅來已好，看來無像係火雞子，應該係𠊎親生个細人。」
佢帶細鴨子去農場，將厥等紹介分厥朋友。

這兜細鴨子看着裡背有一隻生來特別醜，緊看緊得人惱，
腳項䌈紅布條个老鴨嫲講：「若細人逐隻都生來當靚，
單淨這隻特別醜，遽遽同佢塞轉卵肚去，妳將就過孵一擺好咧。」
鴨媽媽講：「阿婆你莫講笑哪！吾這細人佢雖然醜，毋過性體已好，
也已會泅水，佢大隻定著當慶。」

厥等戴在農場，醜鴨子去到哪斯博人惱、分人笑。
到尾，連鴨媽媽也慢慢惱這隻醜鴨子，
醜鴨子一行偎，佢斯會無歡喜逐佢：「走開！」
醜鴨子心肝艱苦，佢愐着：
「𠊎逐日分人罵，大家都恁惱𠊎，𠊎還係走好咧。」

醜鴨子跋起腳用走，嚇着樹林个鳥，鳥飛走咧。
醜鴨子看着鳥飛走，還恅着係自家个樣相恁醜，將厥等嚇走去，
心肝肚還較艱苦。
醜鴨子行到一個魚塘脣，有幾隻野鴨看着佢，
圍過來訄（音kau＋）洗厥个樣相。

過兩日，飛來兩隻大雁，
厥等也講笑講：
「生來恁醜，驚怕無人肯同你做朋友哦。」
大雁飛走个時節，天頂玄玄風傳來「砰砰」兩聲銃聲！
醜鴨子遽遽囥入草蒲肚，
佢聽着腳步聲同蘆枝拗斷个聲，
好恬恬佢試着背後有一陣燒氣，
斡頭一看，係一隻獵狗！
獵狗用鼻公揬細鴨子个圓身，鼻有一下那，斯走撇咧。

「𠊎醜都連獵狗都無愛食。」醜鴨子心肝想。

斷烏咧，醜鴨子行出蘆枝蒲，對農場該片向走過去，
佢行到一間農家，
屋肚个老阿婆目珠已毋好，看毋真，還恅着佢係一隻大肥鴨，
會生卵，斯分佢在這位戴。
毋過醜鴨子戴幾下日，連一粒卵也無生出來，
連屋肚个貓、雞嫲，都對佢當無細義，輒輒罵佢。
醜鴨子當毋著（diauˇ），斯離開咧。

秋天到咧 樹林肚个葉做下都轉黃，
該兜動物都嫌醜鴨子生來恁歪看，佢嗄連一個朋友都無。

有一日臨暗，醜鴨子看着一陣靚靚个大鳥，
厥等閕開靚靚个大翼胛，愛飛去南方，
去尋寒天毋會結冰个湖。
厥等个翼毛白都閃出金光，長長个頸根當軟義，
醜鴨子看着這兜靚靚个天鵝，心肝肚當欽羨，又歡喜。
佢想：「係講𠊎使得同這兜天鵝共樣毋知有幾好咧，毋過這係戇想个啊！」

寒天變都當冷，有罅寒。
醜鴨子驚湖水結冰，緊迴（音fui＋）圓圈泅來泅去，
毋過水還係結凍，醜鴨子寒去暈（funˇ）撇咧。

第二日打早，一個耕種人將佢揇轉屋家交分厥餔娘。
醜鴨子在燒暖个灶下轉醒咧，
耕種人个細人過來想愛同佢尞。
毋過醜鴨子還恅着，厥等想愛傷害佢，
嚇去滿哪亂撞亂走。
佢對大門，拚命走出去！

春天到咧，醜鴨子也大隻咧。
有一日，佢打開翼胛飛入一個公園，
看着三隻天鵝，對魚塘脣向佢泅過來。
醜鴨子試着自家生來醜，頭犁犁毋敢看該兜天鵝。
佢目珠看水肚，堵好看着自家水肚个身影，
毋多知，佢既經毋係該隻歪看个鴨子咧。
佢變做一隻靚靚个白天鵝！
湖脣有當多細人，當中一個細人大聲同大家講：
「若等看啊！這隻新來个天鵝還靚哦！這隻新來个天鵝還靚哦！」






【華語原文】

夏天的鄉下真美麗，金色的陽光，綠色的大地，
有隻母鴨在牛蒡草下孵蛋。
過了幾天，蛋殼都裂開了，只剩下一顆非常大的蛋還沒裂開。
一隻老鴨走過來，看了看說：「這麼大個子，說不定是顆火雞蛋。」
母鴨又孵了幾天，從蛋殼裡跑出了一隻又大又醜的鴨子。

第二天鴨媽媽帶著所有小鴨到溪邊游泳，
每一隻小鴨子都游得很好，那隻又大又醜的鴨子也不錯，
鴨媽媽心裡很安慰，她想：「這孩子游得這麼好，
看起來不像是火雞，應該是我親生的孩子。」
於是她帶著小鴨子到農場，把他們介紹給她的朋友。

鴨子們發現裡面有一隻小鴨子長得特別醜，越看越討厭。
腿上綁著紅布條的老母鴨說：「你的孩子們都很漂亮，只有這一隻特別醜！
不如把他塞回蛋裡，我重新再孵一次吧。」
母鴨說：「老太太您別開玩笑了，我這孩子雖然醜，但是脾氣好，
游泳也不錯，長大以後一定會很厲害。」

他們住在農場上，醜小鴨到處被排擠，被譏笑。
最後，連鴨媽媽也開始討厭起醜小鴨，
只要醜小鴨一靠近，她就會不高興的說：「走開！」
醜小鴨難過的想：
「每天被罵，大家都討厭我，我還是離開這裡吧。」

醜小鴨奔跑的聲音，驚嚇到樹林的鳥兒，鳥兒飛走了。
醜小鴨看到小鳥飛走，還以為是自己的醜樣子，把他們嚇跑了，
心裡更加難過。
醜小鴨跑到一個池塘邊，有幾隻野鴨看見他，
圍過來嘲笑他的長相。

過兩天，飛來兩隻大雁，
他們也開玩笑的說：
「長這麼醜，恐怕沒有人願意跟你做朋友。」
大雁飛走時，空中傳來忽然「砰砰」兩聲槍響！
醜小鴨趕快躲在草叢裡，
他聽到沉重的腳步聲和蘆葦折斷的聲音，
然後感覺背後有一股熱呼呼的氣息，
回頭一看，原來是一隻獵狗！
獵狗用鼻子頂著小鴨的身子，聞了一陣子，離開了。

「我醜得連獵狗也不要吃呢。」醜小鴨想。

天黑了，醜小鴨溜出蘆葦叢，朝農場的方向跑。
他來到一間農家，
屋裡的老太太眼睛不好，看不清楚，還以為他是一隻大肥鴨，
可以生蛋，就讓他住下。
但是醜小鴨住了好幾天，連一顆蛋也沒生出來，
於是屋子裡的貓啊、母雞，都對他很不客氣，常常罵他。
醜小鴨受不了，就離開了。

秋天到了，樹林裡的樹葉都已經變黃，
動物們都嫌醜小鴉長得很難看，因此他連一個朋友也沒有。

一天傍晚，醜小鴨看見一群漂亮的大鳥，
他們展開美麗的大翅膀，正要飛到南方，
去找冬天不結冰的湖泊。
他們的羽毛白得發亮，長長的脖子很柔軟，
醜小鴨看見這些美麗的天鵝，心裡好羨慕，又歡喜。
他想：「我要是能像這些天鵝一樣就好了，但這是不可能的啊！」

冬天變得很冷，非常的冷。
醜小鴨怕湖水結冰，繞著圈子不停的游來遊去，
但是水還是結了凍，醜小鴨被凍得昏倒了。

第二天一大清早，一個農夫將他抱回家交給太太。
醜小鴨在溫暖的廚房醒過來，
農人的小孩跑過來想要跟他玩。
但是醜小鴨還以為，他們是要傷害他的，
嚇得到處亂跑。
他朝開著的大門，向外逃出去！

春天到了，醜小鴨也長大了。
有一天，他展開翅膀飛進一座公園，
看見三隻天鵝，從池邊向他游過來。
醜小鴨覺得自己難看，低著頭不敢看那些天鵝。
就在這時，他看見自己的倒影，
不知不覺中，他已經不是那隻難看的鴨子了，
他變成了一隻美麗的白天鵝！
湖岸邊來了許多的小孩，其中一個對著大家高聲說：
「你們看，這隻新來的天鵝好漂亮！這隻新來的天鵝好漂亮喔！」