醜小鴨因為從小跟別人長得不一樣，受到排擠和取笑，就算牠努力想被認同、和大家做朋友，卻只是被嘲笑得更厲害。到底醜小鴨該怎麼辦？牠能不能交到朋友呢？

在莊下熱天正經當靚，有金黃色个日頭花，青色个大地，
有一隻鴨嫲在牛蒡草肚孵卵。
過幾日仔，恁多卵殼都必開來咧，
斯伸着一隻當大隻个卵還吂必開來，
有一隻老鴨仔行過來，看啊看，就講：
「恁大粒个卵，無定著係一隻火雞卵哦。」
鴨嫲又孵加幾下（giaˇ）日，正對卵殼肚孵出一隻又大又媸个鴨子。

第二日，鴨嫲渡等所有細鴨子去河壩脣泅水，
逐隻細鴨子都泅到當好，該隻又大又媸个鴨子乜泅到毋會歪。
鴨嫲心肝肚當昶，佢想：
「這細人仔泅到恁好，看起來無像係火雞，應該係𠊎親降个細孲仔。」
所以佢渡等恁多細鴨子去農場，摎佢兜紹介分厥朋友。

這兜細鴨子發現恁多儕裡背有一隻生到當媸，分人緊看緊得人惱，
一隻腳髀頂䌈等紅布條个老鴨嫲講：「若細人仔都生到當靚，
斯這隻十分媸，毋當摎佢塞轉卵肚去，你過（goˊ）孵加擺好咧！」
鴨嫲講：「老阿婆你莫講笑哪，𠊎這細人仔媸罔媸，毋過脾氣好，
乜已會泅水，大咧定著當慶。」

佢兜戴在農場，媸鴨子去哪就分人惱、分人笑。
尾來，連鴨嫲乜開始惱媸鴨子，
係媸鴨子一行兼，佢就會無歡喜逐佢：「走！」
媸鴨子心肝肚艱苦在該想：
「𠊎逐日分人罵，大家恁惱𠊎，𠊎來去（leˋ）走好（hoˊ）咧。」

媸鴨子跋腳走个聲，嚇着樹林个鳥仔，鳥仔飛走咧。
媸鴨子看着鳥仔飛走，還話着係自家个媸樣相，摎佢兜嚇走个，
佢心肝肚還較艱苦。
媸鴨子走到一隻陂塘脣，有幾隻野鴨仔看着佢，
圍過來誚㸐佢媸个樣相。

又過兩日，飛來兩隻大雁仔，
佢兜乜笑佢：
「生到恁媸，怕無人愛摎你做朋友。」
大雁仔飛等走該下，天頂傳來「砰砰」兩聲銃子聲！
媸鴨子遽遽囥落草竇肚，
佢聽着腳步聲摎拗斷娘婆个聲，
過後佢試着背囊後有一陣燒氣，
佢斡頭一看，原來係一條獵狗。
獵狗用鼻空揬等細鴨子个膴身，鼻啊鼻，斯行開咧。

「𠊎媸到連獵狗乜無愛食。」媸鴨子想。

斷烏咧，媸鴨子趖出娘婆竇，向農場个方向走過去，
佢來到一家耕種人家，
屋肚个老阿婆目珠無麼个好，看毋清楚，還話着佢係一隻大肥鴨，
做得生卵，斯分佢在這戴。
毋過媸鴨子戴咧幾下日，連一粒卵乜無生出來，
所以屋肚个貓仔、雞嫲，都對佢當毋客氣，輒輒罵佢。
媸鴨子佇毋著，就又走忒去咧。

秋天到，樹林肚个葉仔做盡轉黃，
該兜動物都嫌媸鴨子生到恁歪看，斯恁樣佢連一個朋友乜無。

有一日臨暗仔，媸鴨子看着一群靚靚个大鳥仔，
佢兜閕開靚靚个大翼胛，愛飛到南片去，
去尋冷天毋會結冰个湖。
佢兜个毛白到金金金，長長个頸根當軟，
媸鴨子看着這兜靚靚个天鵝，心肝肚當欽羨、又歡喜。
佢想：「係講𠊎做得像這兜天鵝共樣就好咧，毋過這怕無可能啊！」

冷天變到當冷，十分冷。
媸鴨子驚湖水結冰仔，捩等圈仔泅上泅下泅毋停，
毋過湖水還係結凍咧，媸鴨子凍到昏忒去。

第二日打早，有一個耕種人摎佢揇轉屋下交分厥餔娘。
媸鴨子在燒暖个灶下醒過來，
耕種人个細人仔走過來想愛摎佢搞。
毋過媸鴨子話着，佢兜愛害佢，
嚇到滿哪仔亂舂亂串。
佢對開開个大門，向外舂出去！

春天到咧，媸鴨子乜大咧。
有一日，佢閕開翼胛飛落一間公園，
看着三隻天鵝，對陂塘脣向佢泅過來。
媸鴨子試着自家毋好看，頭犁犁毋敢看該兜天鵝。
這量時佢堵好，看着自家在水肚个身影，
毋多知仔，佢早斯毋係該隻歪看个鴨子咧。
佢變做一隻靚靚个白天鵝！
湖脣來當多細人仔，其中一個對大家大聲講：
「你兜看！該隻新來个天鵝還靚哦！該隻新來个天鵝還靚哦！」






【華語原文】

夏天的鄉下真美麗，金色的陽光，綠色的大地，
有隻母鴨在牛蒡草下孵蛋。
過了幾天，蛋殼都裂開了，只剩下一顆非常大的蛋還沒裂開。
一隻老鴨走過來，看了看說：「這麼大個子，說不定是顆火雞蛋。」
母鴨又孵了幾天，從蛋殼裡跑出了一隻又大又醜的鴨子。

第二天鴨媽媽帶著所有小鴨到溪邊游泳，
每一隻小鴨子都游得很好，那隻又大又醜的鴨子也不錯，
鴨媽媽心裡很安慰，她想：「這孩子游得這麼好，
看起來不像是火雞，應該是我親生的孩子。」
於是她帶著小鴨子到農場，把他們介紹給她的朋友。

鴨子們發現裡面有一隻小鴨子長得特別醜，越看越討厭。
腿上綁著紅布條的老母鴨說：「你的孩子們都很漂亮，只有這一隻特別醜！
不如把他塞回蛋裡，我重新再孵一次吧。」
母鴨說：「老太太您別開玩笑了，我這孩子雖然醜，但是脾氣好，
游泳也不錯，長大以後一定會很厲害。」

他們住在農場上，醜小鴨到處被排擠，被譏笑。
最後，連鴨媽媽也開始討厭起醜小鴨，
只要醜小鴨一靠近，她就會不高興的說：「走開！」
醜小鴨難過的想：
「每天被罵，大家都討厭我，我還是離開這裡吧。」

醜小鴨奔跑的聲音，驚嚇到樹林的鳥兒，鳥兒飛走了。
醜小鴨看到小鳥飛走，還以為是自己的醜樣子，把他們嚇跑了，
心裡更加難過。
醜小鴨跑到一個池塘邊，有幾隻野鴨看見他，
圍過來嘲笑他的長相。

過兩天，飛來兩隻大雁，
他們也開玩笑的說：
「長這麼醜，恐怕沒有人願意跟你做朋友。」
大雁飛走時，空中傳來忽然「砰砰」兩聲槍響！
醜小鴨趕快躲在草叢裡，
他聽到沉重的腳步聲和蘆葦折斷的聲音，
然後感覺背後有一股熱呼呼的氣息，
回頭一看，原來是一隻獵狗！
獵狗用鼻子頂著小鴨的身子，聞了一陣子，離開了。

「我醜得連獵狗也不要吃呢。」醜小鴨想。

天黑了，醜小鴨溜出蘆葦叢，朝農場的方向跑。
他來到一間農家，
屋裡的老太太眼睛不好，看不清楚，還以為他是一隻大肥鴨，
可以生蛋，就讓他住下。
但是醜小鴨住了好幾天，連一顆蛋也沒生出來，
於是屋子裡的貓啊、母雞，都對他很不客氣，常常罵他。
醜小鴨受不了，就離開了。

秋天到了，樹林裡的樹葉都已經變黃，
動物們都嫌醜小鴉長得很難看，因此他連一個朋友也沒有。

一天傍晚，醜小鴨看見一群漂亮的大鳥，
他們展開美麗的大翅膀，正要飛到南方，
去找冬天不結冰的湖泊。
他們的羽毛白得發亮，長長的脖子很柔軟，
醜小鴨看見這些美麗的天鵝，心裡好羨慕，又歡喜。
他想：「我要是能像這些天鵝一樣就好了，但這是不可能的啊！」

冬天變得很冷，非常的冷。
醜小鴨怕湖水結冰，繞著圈子不停的游來遊去，
但是水還是結了凍，醜小鴨被凍得昏倒了。

第二天一大清早，一個農夫將他抱回家交給太太。
醜小鴨在溫暖的廚房醒過來，
農人的小孩跑過來想要跟他玩。
但是醜小鴨還以為，他們是要傷害他的，
嚇得到處亂跑。
他朝開著的大門，向外逃出去！

春天到了，醜小鴨也長大了。
有一天，他展開翅膀飛進一座公園，
看見三隻天鵝，從池邊向他游過來。
醜小鴨覺得自己難看，低著頭不敢看那些天鵝。
就在這時，他看見自己的倒影，
不知不覺中，他已經不是那隻難看的鴨子了，
他變成了一隻美麗的白天鵝！
湖岸邊來了許多的小孩，其中一個對著大家高聲說：
「你們看，這隻新來的天鵝好漂亮！這隻新來的天鵝好漂亮喔！」