醜小鴨因為從小跟別人長得不一樣，受到排擠和取笑，就算牠努力想被認同、和大家做朋友，卻只是被嘲笑得更厲害。到底醜小鴨該怎麼辦？牠能不能交到朋友呢？

熱天个莊下正經當靚，金色个日頭花，青色个大地，
有一隻鴨嫲在牛蒡草下孵卵。
過吔幾日仔，卵殼都必開來哩，
淨伸着一粒當大隻个卵還吂必開來。
一隻老鴨仔行過來，看看啊就講：
「恁大粒个卵，無定著係一粒火雞卵。」
鴨嫲又孵加幾下日，對卵殼裡背走出來一隻又大又媸个鴨子。

第二日鴨仔阿姆帶等所有个細鴨子到河壩脣去泅水，
逐隻細鴨子都泅到當好，該隻又大又媸个鴨子乜罔罔仔。
鴨仔阿姆心肝肚當安慰，佢想：
「這細人仔泅到恁好，看起來無像係火雞仔，應該係𠊎親生个細人仔。」
故所佢帶等細鴨子去農場，同佢兜紹介分厥朋友。

這兜細鴨子發現裡背有一隻生到特別媸，緊看緊惱。
腳項䌈等紅布條个老鴨嫲講：「若細人仔都生到當靚，就這隻特別媸！
毋當同佢塞轉卵肚去，𠊎重新過孵一擺啦。」
鴨仔阿姆講：「阿婆你莫講笑哩，𠊎這細人仔雖然媸，毋過脾氣好，
乜異會泅水，係大吔定著當慶。」

佢兜歇在農場，媸鴨子去哪就分人惱，分人笑。
最後，連鴨仔阿姆乜開始惱媸鴨子，
係媸鴨子一行兼，佢就會無歡喜个講：「走開！」
媸鴨子傷心个想：
「逐日分人罵，大家恁惱𠊎，𠊎還係離開這好哩。」

媸鴨子跋腳走个聲，嚇着樹林个鳥仔，鳥仔飛走哩。
媸鴨子看着鳥仔飛走，還恅着係自家个樣仔媸，同佢兜嚇走哩，
心肝肚加勢還較艱苦。
媸鴨子走到一個埤塘脣，有幾隻野鴨仔看着佢，
圍過來誚㸐佢生个樣仔。

過兩日，飛來兩隻大雁仔，
佢兜乜講笑講：
「生到恁媸，驚怕無人肯同你做朋友哩。」
大雁仔飛走个時節，天頂旋風傳來「砰砰」兩聲銃仔聲！
媸鴨子遽遽囥在草堆肚，
佢聽着腳步聲同蘆枝斷截个聲，
好恬恬仔試着背後有一陣燒氣，
斡頭一看，原來係一條獵狗！
獵狗用鼻公揬細鴨子个圓身，鼻有一下仔，就走忒哩。

「𠊎媸到連獵狗乜無愛食。」媸鴨子想。

團烏哩，媸鴨子趖（soˇ）出蘆枝叢，向農場个方向走啊過去。
佢來到一間農家，
屋肚个老阿婆目珠無麼个好，看毋清楚，還恅着佢係一隻大肥鴨，
做得生卵，就分佢在這歇。
毋過媸鴨子歇哩幾下日，連一粒卵乜無生出來，
故所屋肚个貓仔、雞嫲，都對佢當毋客氣，輒輒罵佢。
媸鴨子佇毋著，就離開哩。

秋天到哩 樹林肚个葉仔都既經轉黃，
該兜動物都嫌媸鴨子生到恁難看，故所佢連一個朋友乜無。

有一日臨暗仔，媸鴨子看着一陣靚靚个大鳥仔，
佢兜打開靚靚个大翼胛，愛飛到南片去，
去尋寒天毋會結冰个湖。
佢兜个羽毛白到金金，長長个頸根當軟，
媸鴨子看着這兜靚靚个天鵝，心肝肚當欽羨、又歡喜。
佢想：「係講𠊎做得像這兜天鵝恁仔就好哩，毋過這係無可能个啊！」

寒天變到當寒，十分个寒。
媸鴨子驚湖水結冰，緊圈仔泅來泅去，
毋過水還係結凍，媸鴨子寒到昏忒哩。

第二日打早，一個耕種人同佢揇轉屋下交分厥餔娘。
媸鴨子在燒暖个灶下醒過來，
耕種人个細人仔走過來想愛同佢搞。
毋過媸鴨子還恅着，佢兜想愛傷害佢，
嚇到一哪仔亂亂串。
佢走到開等个大門，對這走出去哩！

春天到哩，媸鴨子乜大吔。
有一日，佢打開翼胛飛入一間公園，
看着三隻天鵝，對陴塘脣向佢泅過來。
媸鴨子試着自家毋好看，頭犁犁仔毋敢看該兜天鵝。
就在這個時節，佢看着自家个倒影，
毋多知仔，佢既經毋係該隻難看个鴨子哩，
佢變做一隻靚靚个白天鵝！
湖脣來吔當多个細人仔，其中一個對大家大聲講：
「你兜看啊！這隻新來个天鵝還靚哦！這隻新來个天鵝還靚哦！」






【華語原文】

夏天的鄉下真美麗，金色的陽光，綠色的大地，
有隻母鴨在牛蒡草下孵蛋。
過了幾天，蛋殼都裂開了，只剩下一顆非常大的蛋還沒裂開。
一隻老鴨走過來，看了看說：「這麼大個子，說不定是顆火雞蛋。」
母鴨又孵了幾天，從蛋殼裡跑出了一隻又大又醜的鴨子。

第二天鴨媽媽帶著所有小鴨到溪邊游泳，
每一隻小鴨子都游得很好，那隻又大又醜的鴨子也不錯，
鴨媽媽心裡很安慰，她想：「這孩子游得這麼好，
看起來不像是火雞，應該是我親生的孩子。」
於是她帶著小鴨子到農場，把他們介紹給她的朋友。

鴨子們發現裡面有一隻小鴨子長得特別醜，越看越討厭。
腿上綁著紅布條的老母鴨說：「你的孩子們都很漂亮，只有這一隻特別醜！
不如把他塞回蛋裡，我重新再孵一次吧。」
母鴨說：「老太太您別開玩笑了，我這孩子雖然醜，但是脾氣好，
游泳也不錯，長大以後一定會很厲害。」

他們住在農場上，醜小鴨到處被排擠，被譏笑。
最後，連鴨媽媽也開始討厭起醜小鴨，
只要醜小鴨一靠近，她就會不高興的說：「走開！」
醜小鴨難過的想：
「每天被罵，大家都討厭我，我還是離開這裡吧。」

醜小鴨奔跑的聲音，驚嚇到樹林的鳥兒，鳥兒飛走了。
醜小鴨看到小鳥飛走，還以為是自己的醜樣子，把他們嚇跑了，
心裡更加難過。
醜小鴨跑到一個池塘邊，有幾隻野鴨看見他，
圍過來嘲笑他的長相。

過兩天，飛來兩隻大雁，
他們也開玩笑的說：
「長這麼醜，恐怕沒有人願意跟你做朋友。」
大雁飛走時，空中傳來忽然「砰砰」兩聲槍響！
醜小鴨趕快躲在草叢裡，
他聽到沉重的腳步聲和蘆葦折斷的聲音，
然後感覺背後有一股熱呼呼的氣息，
回頭一看，原來是一隻獵狗！
獵狗用鼻子頂著小鴨的身子，聞了一陣子，離開了。

「我醜得連獵狗也不要吃呢。」醜小鴨想。

天黑了，醜小鴨溜出蘆葦叢，朝農場的方向跑。
他來到一間農家，
屋裡的老太太眼睛不好，看不清楚，還以為他是一隻大肥鴨，
可以生蛋，就讓他住下。
但是醜小鴨住了好幾天，連一顆蛋也沒生出來，
於是屋子裡的貓啊、母雞，都對他很不客氣，常常罵他。
醜小鴨受不了，就離開了。

秋天到了，樹林裡的樹葉都已經變黃，
動物們都嫌醜小鴉長得很難看，因此他連一個朋友也沒有。

一天傍晚，醜小鴨看見一群漂亮的大鳥，
他們展開美麗的大翅膀，正要飛到南方，
去找冬天不結冰的湖泊。
他們的羽毛白得發亮，長長的脖子很柔軟，
醜小鴨看見這些美麗的天鵝，心裡好羨慕，又歡喜。
他想：「我要是能像這些天鵝一樣就好了，但這是不可能的啊！」

冬天變得很冷，非常的冷。
醜小鴨怕湖水結冰，繞著圈子不停的游來遊去，
但是水還是結了凍，醜小鴨被凍得昏倒了。

第二天一大清早，一個農夫將他抱回家交給太太。
醜小鴨在溫暖的廚房醒過來，
農人的小孩跑過來想要跟他玩。
但是醜小鴨還以為，他們是要傷害他的，
嚇得到處亂跑。
他朝開著的大門，向外逃出去！

春天到了，醜小鴨也長大了。
有一天，他展開翅膀飛進一座公園，
看見三隻天鵝，從池邊向他游過來。
醜小鴨覺得自己難看，低著頭不敢看那些天鵝。
就在這時，他看見自己的倒影，
不知不覺中，他已經不是那隻難看的鴨子了，
他變成了一隻美麗的白天鵝！
湖岸邊來了許多的小孩，其中一個對著大家高聲說：
「你們看，這隻新來的天鵝好漂亮！這隻新來的天鵝好漂亮喔！」